والله انتي تشوفين ان فكرتي ممكن تنجح يا الغاليه

ترى وربي ما صار عندي ثقه بنفسي كله اخاف افشل

قبل شوي يعني اني ابي اصبر شاطرة اسئل الشغاله قلت لها كم علبة حليب سائل نفتح في اليوم لان الحليب جنني ما يجلس في البيت

على ظول ردت على انا ما فيه اشرب حليب واللهي كلوا بيبي يسرب كتير قلت يعني كم علبه قالت ممكن ثنتين او ثلا على حسب

قلت امممممممممممم يعني اني محقطه لها خخخخخخخخخخخخخخخ

يا ربي مدري وش اوي حالتي صعبه

انا الي مجنني انها ما تاخذ لا عشاء ولا فطور قدامي مدري من وين تاكل

بس ما اشوف الا الغداء بس خلاص ايام الفوضى والفقر راااحت والله يكون بعون الجميع ونسيطر على الاواضاع الماديه

طيب نيراز ما قلتي رايك بالتوزيع للرتب كيف كويس ولا لك عليه
سبحان الله والحمد لله ولا اله الا الله
ههههههههههههههه ههه اجل طوالي والله مافي يسرب

شوفي التقسم هذا من اختصاص الغاليه بين الاطلال بس مختفيه الله يردها سالمه ويكون المانع خير يارب

لانه مثل ما قلت لك انا ما قد مسكت ميزانيه ولا ادري عن الفواتير وغيرها

عشان كذا يمكن تعليقاتي مالها دخل بالتوزيع

انا علي باسلوب المعيشه فقط

وربي يسخرلك يارب القلوب القاسيه والعبيد العاصيه يارب


الحياه فوضى عندي
خلاص ستوب
اختي ريانه ..

صدقيني الحل هو ..

انك اكيد تعرفين كم تستهلكون من الاغراض اسبوعيا .. واكيد عارفه احتياجات اهلك للمواد الغذائية ..

انتي حجري لها .. و اجلسي وفهميها .. قولي خلاص انا باقفل المخزن وباعطيك الاغراض اللي تكفينا وتكفيك لمده اسبوع ..

ومافي غير هذي الكمية لمده اسبوع .. ولو خلصت ماراح اعطيك ..

ووضحي لها السبب .. قولي خلاص مافي كل شوي اشتري اعراض .. خلاص مافي فلوس زي اول ..

ومن شهر لشهر بتنضبط لك .. انتي بس راقبيها شهر الين ماتتعود وبعدها بتعرف انه السالفه مو على حل راسها متى مابغت تاخذ تاخذ ..

ولا تستهونين مصرفها هي وزوجها .. يمكن تاكل هي وياه اكثر من عيالك كلهم .. جايين من مجاعه وكل شئ عندك ببلاش .. وش بعد تبي اكثر ..

اذكر لك شغاله كانت عند اهلي وقسم تاكل اكثر من البيت كله ماشاء الله .. فلا تحسين انه بس هي وزوجها ماراح يكلفون عليكم ..


.. اللهم اشفي لي زوجي شفاءاً لا يغادر سقما ..
..اللهم اني استودعتك من احبهم ..

نيراز مشكووورة يا الغلا

شفتي ياختي مرة شغالتي ملسونه وانا والله اخاف منها تصدقين شخصيتها قويه مرة

اجل ننتظر الغاليه بين الاطلال الله يردها سالمه مدري وين راحت اختف فجئه الله يستر

هلا بالغاليه سعوديه ذوق منور يا قلبي

مشكوورة على كلامك الدرر

والله شغالتي قهرتني احسها متحكمه بكل شي وترى الغلط مني انا تاركه لها الحبل على الغارب

ما انتبه للاغراض وين ترووح لاني اقول حرام خلها تاكل احسن من ان الاغراض تنتهي تاريخها وما احد ياكلها كذ تفكيري البسيط


المشكله كل ما سئلتها تفكرني شاكه انها هي الي تاكل الاشياء واكيد لا قلت لها اني ابحط لك اشايء لكل اسبوع بتقول ليه انا ما في اكل انتي اخاف انا اكل اعرفها لسانها طويل وش دعوه بتهتم بتخلصها باقل من اسبوع وبتقول بيبي اكل واللله مو انا بتجلس تحلف

وتقول وش اسوي انا والله ما في اكل هذ ردها دئما وانا اذ شديت معها باتهاوش معها لاني خلقه لاعية كبدي منها

بس قبل شوي تحمست ورحت ووزعت الصابون وحطيت لها شي لغسيل الحمامات الله يكرمكم وشي لغسل الملابس والباقي حطيته في المخزن وقفلت عليه حسيت اني نذله وما اشتغل الا اخر الليل من زود الخووف ههههههههههههههه


والله يا بنات الفلاشات والمطرهات زي ما هي ما استعملتها للحمامات ابد بس صابون وترش مويه وخلصنا اااه يا القهر

خليت الفلاش والمطهر لانها ما تستعملها باشوف بكرة وش بترد على لا قلت ليه ما استعملتي الفلاش للغسيل والتنظيف الحمامات
سبحان الله والحمد لله ولا اله الا الله
لكن والله تعلمت شغلات كثيير من التقسيمات وتبون الصراحه انصدمت بصراحه بالتقسيم على كذا المفروض ان عندنا عماير مبنيه هههههههههههههه لان صرفيتي مررررررررررره مهي شي مقارنه بالراتب

بقولكم انا حياتي تقريبا اللي اعرفه

الايجار بحكم انه حق دوله 800 ريال بالشهر فله تركض بها الخيول يعني يمكن الكهرب يسحب
الكهرب مره 200 مره 160 مره 400 اتذكر شي زي كذا على حسب الاستهلاك
المويه مجانيه مافيه غير دبات المويه حقت الينابيع خمس دبات كل اسبوعين مره تتعبى بحكم الشاهي والقهوه والشرب منها
الفواتير الجوال حقي علي ما يتعدى 300 ومرات يطلع 400 رغم ان الحد الاتماني 300 ومراات 120 ومرات 64 اسددها اول باول
فاتورة جواله هواا ما ادري بس ما تتعدى 500ويمكن اقل مني
فاتوره الثابت طبعا بس اشتراك النت لاني ما استخدم الثابت ابد ابد ابد ولا اعرف اتعامل معاه واللي يدق علي بالثابت اقوله لحظه بدق على الجوال ما اعرف اكلم بالثابت هههههههههههه

النت على زوجي طبعا البطاقات الشحن حقت الدي اس ال ياخذها حق كل شهر

مصروف العيال بنتي ريالين في اليوم وولدي ريالين مصروف وريال يجمعه عشان يشتري الرنجروفر هههههههههه

مقاضي البيت انا اقضي اذا فضى المخزن مرررررررررررره وحده يعني خلاص مافيه لا رز ولا مكرونه ولا دقيق ولا شي والفريزر فاااضي رحت تقضيت حوالي 1500 الى 1700 فيها كل شي من رز ودقيق وبيض واجبان ومكرونه وانواع الصوص والمعلبات والفريزر من لحوم ودجاج ومعجنات بف باستري وغيره وسكر وشاهي حليب نسكافيه اغراض الحلى بسكوت شاهي دريم ويب هذي بالكرتون الثنين والنستله والمنظفات وغيره معاها شغلات البسكوت واكياس الخفايف من فشفاش وبطاطس وغيره بس النقتس ممنوع لكن البرجر عشان ادخلها في بعض الطبخات اجيبها والمقانق اجيبها وبس واجلس يا حلوه تقريبا من شهرين الى ثلاث شهور

اللي اشتريه في خلال الشهرين او الثلاث او الاربع احيانا الخضار والدجاج واللحمه المفرومه والمنظفات بس والباقي لا مستمر معاااي


طبعا الخضار اشتري الكراتين واعتبرها كثيره كنت اشتري بالحبه ولا فيها بركه صرت اشتري كرتون واقطعها على حسب اكلي وافرزنها واخلي كم حبه فرش للسلطه والباقي اقطع شي للصيني شرائح وشي مكعبات لصينيه الخضار بالباشميل وهكذا وتجلس عندي فتره اما الطازه هي اللي اشتريها بين فتره وفتره على حسب

الفواكه عيلتي مش من عشاق الفواكه بس انا اللي احبها واشتري الاناناس لانهم ياكلوها بكثره والموز والعنب وبس ومش كلها مع بعض كل مره صنف لانها لو اجتمعت تجلس الين تخرب

وكمان فيه شي كل اسبوع نشتريه جوالين عصير المراعي هذا البرتقال والليمون والتوت والمنجوو والفراوله والتفاح بشكل اسبوعي لانه نشربه كثير عاد ما اعرف كم قيمتها بصراحه

بنات لا تزعلون مني لين قلت لكم والله ما اعرف قيمة الاغراض بس احط في العربيه وامشي ولا عمري شفت السعر حتى لما يقول زوجي ببس هذا سعره كذا اقول طيب وين المشكله هههههههههههههه

عشان كذا اقولكم خذوو الشي اللي تحبووه مالكم بالسعر بس استخدموه واستهلكون بطريقه صحيحه

طبعا كل شهر نطلع مطعم تكون الفاتوره ما تقل عن 400 ريال لاني قلت لكم مره مطعم غالي بالشهر او كل شهرين

لكن اللي على الاعياد ممكن يكون اغلى من هذا

في الويك اند اذا كان فيه اذا كان فيه شي من برا حيكون شاورما او فلافل طبعا لي انا وزوجي وعيالي لا على ماك يطلبون يا دبل برجر يا نقتس ومش دائما لانه احيانا الويك اند الخميس اخليه طلعة شوي يا على البحر يا في البر يا نكون معزومين

عاد انتم حددو كم الصرفيه تقريبا بالشهر اوزنوها وعلموني واذا علمتوني علمتكم الراتب


الحياه فوضى عندي
خلاص ستوب


الساعة الآن 06:37 .