انك تقسم مبلغ معين من راتبك على اربعه اسابيع

وحط لك لمت معين في ااسبوع ماتتجاوزه

مثلا لو راتبك 6 الاف

1000 في حساب الادخار مباشره

وخمسه الاف تقسيم 4 اسابيع = 1250

1250 ريال اسبوعيا

حاول بقدر المستطاع ماتتجاوز هذا المبلغ في الاسبوع

ويكون افضل لو خليت مبلغ 250 للطوارئ ويظل معك 1000 ريال اسبوعيا


والــ 250 حق الطوارئ لو ماتحتاجه كل اسبوع راح يكون معك 1000 اخر الشهر

من غير الف الادخار وهكذا

هذا مثال بسيط طبعا الفكره اللي اقصدها انك تخلي الحد تبعك اسبوعي مو شهري

منقووول
09-11-1431 هـ, 07:48 مساءً
 
حبيت اسلم عليكم ولا ماعندي اضافة

يعطيكم العافية
09-11-1431 هـ, 08:59 مساءً
 
صح فكرج وبارك **** باصابعج وراح امشى على افكارج
09-11-1431 هـ, 09:18 مساءً
 
السلام عليكم اهلين احب الناس الى الله انفعهم لناس وجعل ماتكتبونة في ميزان حسناتكم واحب اشاركم بالي اعرفة الي فوتير التلفون الي توصل 500اواكثر تشترك في جود500الفاتورةو4ميقا النت وتكلم اي ثابت في المملكةاوعندهاقريب في مناطق اخرى وتكلم لوتبي 24ساعة والي الجوال مرتفعةفوتيرهاتشترك في جود بلص تكلم اي ثابت اوجوال ب800 مع النت 4ميقا على الفاتورة كل شهرين وسلامتكم
09-11-1431 هـ, 09:47 مساءً
 
السلام عليكم ورحمة الله وبركاته ...
كيفكم ياحلوين
ياهلا والله بأسيرة الترحال نوري الحمله ياعسل وأذا عندك أضافات وأفكارياليت تشاركينا فيها
............................
ويازينك ياندى الأيام أشتقنا لللأبات حقتك ههههه نورتينا ياقلبي ومشكوره انك مانسيتيني وسامحينا على قولة مكاوويه مووت ماشاء الله أسماء كثير جديده فماصرنا نلحق بس مكانك محفوظ ومالناغينا عنك وننتظر جديدك وسوالف اللي ماتنمل
............................
مكاوويه مووت وحشتيني يالغلا سايره ماأشوفك بالمسن
وكلامك كله صح أهم شي التنظيم ثم التنظيم ثم التنظيم ومحل أبو ريالين مصيبه لحاله بس تدخلي تستهري بريالين وتشتري وعيالك يشترون وزوجك ونقول بريالين عاادي وعند الحساب تدفعي مبلغ وقدره مايستاهل في التفاهه والله كنت أرجع البيت وعلى طول أندم بس مافي فايده أرجع لنفس الغلط بس بعد ماأنضميت للحمله قلت خلاص زمن الصرف ولا ولازم أنتبه لنفسي ولحياتي والحمدلله الحين أبو ريالين ماصرت أدخله أبدآ.
وعلى قولتك كثرة المنظفات مالها داعي يكفي الكلووركس والعملاق والأريال للغسيل
والله عندي منظفات من زمن جدي <<<أبالغ بس من زمان
ماأستخدمها بس شريتها وخلاص شي للموكيت وشي للستنستيل وشي للخشب وشي مدري لوشو بس يالله كبرت وعقلت الحمدلله وحبيت أقولكم عن الشغلات اللي مالها داعي عشان تستفيدو من التجربه
وأكل المطاعم بكثره ماله داعي وبذات العشا تقولي عادي موغالي شاورما ولافلافل ولو تحسبينها بتلاقينها بشي الفلاني أخر الشهرعن تجربه
.......................
جوجو العسل هلا فيكي ياقلبي والله فقدناك لاعاد تطولين الغيبه ترا بزعل وأيش صار على الاب توب طمنيناأن شاء الله صلحتيه
وصادقه من ناحية التصفيه وبعد التخفيضات للملابس انا رحت لسنتر بوينت مسوي تخفيضات 70%والله روعه ورخيص أخذت لعيالي جنزات كان الواحد على 90ريال وعلى 60 ريال وأخذته شي 22ريال وشيو26ريال والبلايز رووعه على12و16ريال وفيه أرخص بعد بس الفلوس خلصت حاطه لي مبلغ معين بس عشان لأتهور حتى لو في تخفيضات برضو لازم تمسكين نفسك.
وأنا شريت لي بلايز طويله رووعه الواحد كان 60 ريال أخذته 16ريال ...والله أنصحكم لاتشترون بالأيام العاديه تنقهرون وقت التخفيض لأن سعرها ينزل مرره عن سعرها الأصلي
.......................
وهلا والله فيكي ياأم شيت ومشكوره على المعلومات اللي أضفتيها وأن شاء الله نستفيد منها
.....................
أنا عارفه أني أتكلمت كثير بس والله وحشتوني وأقاعده أسولف كأني مع أختي ولاجارتي مع أن ماعندي جاره الله يرزقني بجاره طيبه أدعولي بنات ماعندي أحد أسولف معاه غيركم
وفي أمان الله
وتصبحون على خير يالغاليات
بروح أنام تعبت من الهذره ههههه
يازينكم والله
09-11-1431 هـ, 11:58 مساءً
 


الساعة الآن 02:28 .