أقسم بالله العظيم اني أحب هالموضوع والبنات الي فية محبة مايعلمها الا الله

وألحين توي راجعه من المدرسة وأنبسطت مررررررررررررررررة لما لقيت في الموضوع صفحتين زيادة


يابنااااااااااات تكفون وش أعراض الأدمان ؟؟؟؟؟ شكلي أددمنت هالموضع
27-10-1430 هـ, 01:31 مساءً
 
جالكسي مالح
من اعراض الادمان اننا مسنترين عند الاب ولانقدر نتعطى الصفحه ولو تعديناها لظرف طاري نرجع لها بسرعه واول مانشوف فيه زياده في الصفحات تبدئ الاعراض الانسحابيه للادمان بالذوبان .. من واقع تجربه..

انا اليوم ابشركم قررت اني اروح اتقضي للبيت بس فبل لازم اكتب وش الاغراض اللي ناقص عشان مااضف كل اللي في السوبر
ابي اشوف دالوب بنتي وش نافصها من ملابس عشان استغل فترة التخفيض واخذ اللي محتاجه له بس بدون زياده وانا وش ناقص لي وكذا بصير مااشتري شيء الا احنا بحاجه له
مو اخذ اللي في هواي
27-10-1430 هـ, 04:10 مساءً
 
يابنات عندي رواتب متراكمة لشغالة حوالي 3500 ريال تقول تبيها أخر شهر 11 يعني أزمة مالها داعي في هالوقت

راح تلعب في الميزانية خاصة انحن بنكون نستعد للعيد ونبي ضحية وانتو تعرفون أسعار الأضاحي غالية مرة ويوم 26 \11يكون زواج أخت زوجي وتوة وصلنا الخبر يعني حوووووووووووووووووووووووووووسة الله يسهالها أخاف أضعف وانسحب من تدبير الأمور للميزانية والله مقهورة مدري وش أسوي؟؟؟؟
27-10-1430 هـ, 07:06 مساءً
 
اقتباس مشاركة  (جلكسي مالح)
يابنات عندي رواتب متراكمة لشغالة حوالي 3500 ريال تقول تبيها أخر شهر 11 يعني أزمة مالها داعي في هالوقت

راح تلعب في الميزانية خاصة انحن بنكون نستعد للعيد ونبي ضحية وانتو تعرفون أسعار الأضاحي غالية مرة ويوم 26 \11يكون زواج أخت زوجي وتوة وصلنا الخبر يعني حوووووووووووووووووووووووووووسة الله يسهالها أخاف أضعف وانسحب من تدبير الأمور للميزانية والله مقهورة مدري وش أسوي؟؟؟؟
مالك ياعسل الا تحاولي تدخلي جمعية على راتب شهر11 وتكوني اول وحده تاخذها ممكن تكون من 500 او من 1000 لو كانت من 500 تحتاجي 7 معاكي ولو من 1000 تحتاجي 3 وان شاء الله تدبر

الله ييسر لك امرك...
27-10-1430 هـ, 07:34 مساءً
 
Dandosh
فكرة حساب التوفير حلوة كثير لكن لا تطلعي بطاقة صراف للحساب
عشان ما تضعفي وتسحبي منه...

جلكسي مالح
أنا واجهتني نفس مشكلتك الشهر هذا
الشغالة طلبت رواتبها باقي لها عندنا 4200ريال
وإنحرجت منها مرررة لأنه من جد مضغوطين الشهر هذا
لأنه دفعنا رسوم تسجيل كلية بنتي
وماكنا مرتبين نفسنا ماديا
فكلمتها إنه معليش الشهر هذا راح أعطيها 1200ريال
والباقي في الأشهر الجاية
وشغالتي بنت حلال وطيوبة مررة
فمامانعت ربي يجازيها بالخير
فأنتي كلميها إذا تقدر تجزأ لك المبلغ
الشهر هذا راح أحاول أوفر في الميزانية
على قد ما أقدر حتى يصير عندي راتب شهر لها
وأعطيها لها بالإضافة لراتب شهر 11
يعني يصير أعطيها شهرين شهر إلي بقي من ميزانيتي وشهر من الميزانية الجديدة

الضحية وفري لها من إلحين
وإذا يعرف أحد عنده غنم خلي يحجزها من إلحين ويخليها في حوش الغنم
ويدفع له جزء إلحين والباقي من راتب الشهر الجاي
المهم لا تضعفي و تنسحبي إنتي لسه في أول الطريق
وأكيد لازم تواجهي صعوبات كثيرة
وأخطاء سنين ما تتصلح في كم إسبوع ولا حتى كم شهر
الصعوبة بس في السنة الأولى وممكن الثانية
بس بعدها حياتكم المادية راح تكون مرتبة و واضحة
ومن غير أي لخبطة وفواتير وإلتزامات مادية متأخرة

بالنسبة للزواج لا تتكلفي ترى الزواج كم ساعة وينتهي
فماتحوج تضغطون على عمركم بسبب كماليات
فكري بعقلك مو بقلبك
27-10-1430 هـ, 07:59 مساءً
 


الساعة الآن 06:08 .