موضوع ممتاز,,
حبيت أضيف اسم كتاب مفيد
اسمه(( بورصة الوقت))

مفيد جدا في التنظيمات الحياتيه: ماديه,أجتماعيه,تعليميه وغيرها

بالتوفيق .
14-05-1432 هـ, 12:14 صباحاً
 
السلاااام عليكم
كيفكم احباب قلبي إن شاء الله تمام اشتقت لكم مرررررررة
البنات الحاضرين والغايبين طمنوني عنكم وعن احوالكم إن شاء الله انكم بخير وصحة وعافية
انا الحمد لله بخير وأموري تمام
نوال
يالبي قلبك انا متابعة للدورة بصمت والامر نفسه مع بقية الدورات لاني جاتني فاتورة النت ضررربة
وقررنا نستخدم الكونكت بدل الdsl اوفر لنا بكثيرواريح لروسنا (حسبي الله ونعم الوكيل)
ومن يومها اي دورة فيها تطبيقات انسحبت منها عشان الشحن مايخلص بسرعة
ومبروك على التوقيع الحلو حركااااات
المتفائلة
هلا بك قلبوووو
مبروك الحمل والله يتمم لك على خير يارب
مكاوية موت
هلا وغلا وكرااتين حلا وينك ياشيخة طولتي علينا
وش اخبارولدك إن شاء الله جبر كسره
اااااه يامكاوية ذكرتيني ببيت الملك اسأل الله الكريم من واسع فضله أن يرزقنا كلنا ويحقق هالحلم
وإن شاء الله يتحقق قريب بفضل الله اولا ثم بفضل ملكنا الغالي
داليا دريم
هلا والله بمؤسسة حملتنا وحشتينا ووحشنا كلامك عن التوفير
نورتي الحملة الي زرعتيها بذرة صغيرة وكبرت لان هدفها اكبر
14-05-1432 هـ, 02:50 مساءً
 
ماشاء الله موضوعكم جميل لكن ماقدرت اقراه كامل
15-05-1432 هـ, 02:25 صباحاً
 
السلام عليكم _ إن شاء الله الجميع بخير والأمور تمام
أنا أموري ماشيه والميزانية تركتها من زمان لان زوجي ما رضى بها
وبديت أطنش أشياء كثيره وأتركه يتصرف زي ما يعجبه وريحت رأسي
والحمد لله الراتبين سددت فيها جزء من الديون اللي على وبقى جزء منها غير القروض (الله يسهل تسديدها)
وسامحوني على الإنقطاع
15-05-1432 هـ, 05:22 مساءً
 
اهلا وسهلا


كيفكم يا حلوووين


انا اقولكم بصراحه كل ما دخلت لقيت الموضوع جامد


قلت بس الكل انشغل وبيني وبينكم الفتره الماضيه الكل مشغوووووووول بشكل مو طبيعي لا على المستوى الفردي ولا العائلي ولا حتى الدولي يالطيف ما نقدر نحك روسنا




المهم حبايبي صدقوني اي وحده تعاني من الطفش والزهق عليها بالزراعه والله ممتعه رغم انها احيانا ترفع الضغط لما تموت بس ممتعه ممتعه ممتعه اللون الاخضر بهجة الروح

تخيلو حتى دورة الزراعه التيتشر كمان هي جاتها ضروف وتاخرت الدوره وماتت النباتات ذكرتني في اللي يطبق الطيران ويوم طار لقى ان الهبوط في الجزء الثاني ههههههههههههه


طبعا بديت ارتب اموري الماديه بديت احس بانفراجات ولله الحمد بعد ضغط فضييييييييييييييييع جدا بحياتي ما قد حسيت زيه


مره من المرات بغيت اكتب لكم بس عاد قلت اكيد ما بتفوتكم


عارفين وقت ما نزلو الرواتب الشهرين


في اذاعة القران الكريم في العصر برنامج بيوت مطمئنه احب اسمعه مررررررره روعه اصلا الاذاعه حلوه تخلوها شغاله في البيت 24 ساعه فيها برامج مرررررره روعه

المهم ان كان البرنامج عن ترتيب الميزانيه وكان الشخص اللي مستضيفينه يقول المفروض ان هالراتبين لازم تدخل التوفير

حتى تكلم عن بيت الملك

بصراحه كلامه كان جدا رائع

وفيه رجال اتصل يقول انا كنت موضف وانا عزابي وراتبي 5000 ريال وكان يجي نص الشهر استلف

ولما تزوجت راح لوظيفه ثانيه راتبها 3000 ريال يقول استلم الراتب من هنا واعطيه زوجتي من هنا كامل وهي اللي تعطيني مصروفي وعنده بنت رضيع يقول والله انه اليبت ماشي مثل الساعه ولا ناقصه شي وترفيه وفوق هذا يجي نهاية الشهر وموفرين منه ومره راحت لاهلها جلست شهرين واستلمت الراتب بدالها قام يضحك المذيع يقول هاه ووفرت قال لا والله وصل نص الشهر وانا صارفه كله هههههه فقال المراه هي اللي تدبر وهي اللي تزين كل شي

ودقت وحده اسمها ام عبدالله حرمه كبيره بالسن ياني حبيتها يا بنااات تهبل تجنن قالت كلام وامثال بصراحه فضيعه وهزئت فينا يالحرايم الين قالت بس وقالت ان سبب المشاكل والاسراف وراه الحرمه وهي المدبره والمعدله

والله حبيتها بشكل


وواحد تخيلو راتبه 15 الف ريال وزوجته 12 الف ريال ومع ذلك ساكنين اجار ومصاريف ومديونين ولهم اكثر من 20 سنه ولاهم قادرين يتصرفون او يدبرون شي

وواحد ارسل يقول راتبي 19 الف ريال وساكن بايجار وجاري مقيم عربي وراتبه 2500 ريال ومع ذالك يجي نهاية الشهر استلف منه لا يقل عن 200 ريال


اذا المشكله فينا نحن يا بنات

المشكله في التدبير ووضع الميزانيه

الضيف قال على حسب الراتب نحط نسبة التوفير لاتقل عن 30 %

قال اول شي نشيل جميع الاقساط بحيث تتسدد اول باول بشكل مستمر المبلغ اللي يجلس هو اللي يتقسم بند للتوفير طبعا هو حطه 10% للي رواتبهم ضيفه مرره والمتوسطه 30% واللي رواتبهم فوق 18 الف ريال قال المفروض تكون التوفير 50% والباقي يتقسم بالبنود الثانيه

بصراحه كان كلامه وطريقته مررررررره ممتازه

وقال على بيت الملك انتي تبي بيت ملك وشفت تكاليف البيت كم تكلف من ارض وغيره او مثلا شفت الفلل الجاهزه كم تكلف طيب خذ القيمه وقسمها على مثلا 5 سنوات وشوف كم ممكن تستقطع من راتبك وخلاص ابدء استقطع ممكن بعد 3 سنوات وممكن بعد 5 سنوات ورتب بقية الميزانيه على المبلغ المتبقي وراح تحصلون على بيت الملك

والله قال كلام جدا جميل وعادو الحلقه لكثرة الطلب على اعادتها وتقدرون اتوقع انها مسجله في النت

وبس يا حلوات
15-05-1432 هـ, 08:07 مساءً
 


الساعة الآن 05:07 .