يااااااارب اساالك بقدرتك وعظمتك ان تيسر لاختي سيكرت ليدي الشفاء التام عاجلا غير اجل

وان تمتعها بالصحة وجميع اخواتي في المنتدى ياقادر ياكريم
17-05-1433 هـ, 06:51 مساءً
 
يرفع لاهميته
20-05-1433 هـ, 12:02 صباحاً
 
السلام عليكم ....

اخباركم بنات تكفووون الحمله هذي لاتوقف رغم ان البنات ماقصرووووا وفعلا الله يجزاهم حييير ع هالنصايح والتجارب الرائعه

عاشقة وليفي .....الله يعينك بس المشكله مافيه مشاريع ثقه ولابد من المغامره وخصوصا حنا يالحريم بالنسبه لزوجك وابوك انا شايفه انك ماانتي مقصره معاهم الحمد لله والله يجزاكي خييييير بس حسيت انهم يبونها غصب وانها حق لهم مو طيب منك انتي سوي اللي يرضي ربك ويريحك وماعليك من احد ولاتزعلين علي ياعسل


انا زوجي مسلمني المصروووف من شهر 11والا الان ماني قادره الا ماني قادره اوصل لاخر الشهر هو راتبه الحمد لله حلو بس مشكلتنا نبي بيت العمر كثرت عيالتنا وماعاد بيت عمي او شقتي اللي ببيت عمي يكفينا الا هو ابو زوجي

قالي انه بيوفر من راتبه ومالي خص فيه لانه رافض وبشده حكاية القرض ومافيه امل عطاني 5000وكل شي علي طبعا انا مو موظفه

المهم جبت ظروووف وكتبت ع كل ظرف مصرف المخصص له ولي رجعه هاللحين ابروووح اصلح العشااااا
21-05-1433 هـ, 07:19 مساءً
 
موضووع ولااا اروووع

قريت 10 صفحات من البداية ومرررة متحمسة اكمله بس ماصبرت قلت بقولكم على وضعناا

راتب زوجي حول 8000 وزيادة بس مااعرف بالضبط ومايحب اسأله

تقسيمنا::

1500====بيت وزوجة وطفل سنتين من اكل وعشاء مطعم وملابس واغراض خاصة
2500====جمعية ب75000 ان شاء الله ناويين نشتري سيارة حول 140 الف
1400====قسط

يبقى 2600

مابين فواتير (3جوالات(جوالي وجواله وجوال امه-هاتف ثابت مع انترنت-كهرباء شقتنا وشقة اهله-هاتف ثابت بيت اهله)
والايجار 15000 بالسنة
سيارة موديلها قديم كل شهرين ثلاثة تصلييح

وتجينا بالسنة 25000 بدلات السنة الماضية سافرنا وسدد لي سلف الحمدلله والا اللي قبلهاا تسلفه عمه وليومكم مارجع وهوو اللي يسافر وشاري له بيت وراتبه حلوووو ماعليه قاصر واهله مو من النوع المسرف ماشاء الله زوجته مقتصدة جداااا وتجمع القرش

الشهر الجاي بنسلم الايجار 7600 واحنا مايجي اخر الشهر الا بالحدد مو عالحديدة الحمدلله


وفي زوجي خصلة هي حسنة بس احييانا تصير اووفر شووي

في رمضان والاعياد والا لما اهله يسافرون يعطيهم مبلغ وقدره ولما اقوله يقلل شوي يقول موش اغراب هذول اهلي بس اقوله عطهم بالمعقول ولاني اعرف خالتي وبنتها لما يروحون السوق يشتروووووووون واحسهم مايحبون يخلون فلوس عندهم يحبون يصرفووون على ملابس -مواعين-ويطبخووون كثيير بكميات يعني ويبقى ويحووس يحوس بالثلاجة ثم عالزبااالة استغفر الله و

في السفر يشترون به هدايا لكل الحمووولة والمعارف والاصدقاااء ويجبون لنا اشياء كثييرة وملابس وبصراحة مااحب البس من ذوق غيري واتوهق فيهم

ولما اقوله خلهم يسددون مرة بالسنة الكهربا والا الهاتف بدل هالصررف مايرضى

مع انه اخوانه واحد يشتغل وواحد في الجامعة ياخذ مكافاة ومابقى الا عمي وخالتي وبنت وولد بالابتدائي يعطونهم الحكومة لانه عمي مايشتغل تعبان الله يشافيه - البنت يعطونها حافز

بس فيه صرف زايد بالكهرب اللمبات تشتغل ليل ونهار والمكيفات كل الشقة تشتغل لانه كلن يجلس بغرفته وكله فووق ظهر زوجي

واحسهم يفكرون الراتب 10 والا 11 حتى يسالونه ليش للحين ماشريت ارض !!!!! وهو توه من 4 سنوات اشتغل

يلا انتظر مشورتكم لي

كيف ارتب وضعي واوفر من 1500 وانا مو كل شهر اتسوق ملابس بس ايام التخفيضات والحمدلله استفييد اكشخ ولدي باقل الاسعاار
25-05-1433 هـ, 11:17 صباحاً
 
UP
UP
26-05-1433 هـ, 01:25 صباحاً
 


الساعة الآن 07:58 .