الحقوني يابنات دبي

مرحبتين حبيبتي ابنه الرياض :26: ومرحبا بج في الإمارات:24:
حبيبتي أنا مب من دبي من إماره ثانيه بس انشالله أقدر أفيدج:p
بالنسبه لسؤالج عن المناطق الحلوة كل ما في دبي ماشالله حلو
يعني لو تبغين مناطق ترفيهيه لج ولآهلج ولعيالج إذا كان عندج روحي معاهم لمدينة مدهش تجننننننننننن وبعد في السناتر ماشالله عندهم فعاليات روعه مثل ستي سنتر ومركاتو والغرير وحمر عين ووافي وسنشري مول والبستان و........إلخ :23: وبعد تقدرين تروحين لإمارة الشارقه وتزورين فيها الصحارى سنتر وميجا مول وبعد المنتجعات واستراحات فيها حلوه وبعد أفضل أنج تستأجرين لج شقه من الشقق الموجوده في الشارقه أرخص وااااااااايد من دبي وهي بنفس المستوى..
أما عن الفنادق الموجوده في دبي وااااااايد بس أنها تكون مليانه فتره المهرجان وغاليه نااااااااار تقدرين تحصلين الفنادق فجميرا وبعد على شارع الشيخ زايد وفي الفنادق الكبيرة المعروفه ومنتشره فكل دبي.....
بالنسبه لذهب تقليد الألماس فبتحصلينهم في محلات في السوق الذهب القديم في دبي ساأليهم وهم بيطلعولج وبعد شفت
عند مركز الذهب الموجود في الشارقه عندهم هالأشياء بعد شي مفتوح جديد في الشارقه وهي صالة عرض للمجوهرات أرخص من السوق لأنها واصلة من المصنع على طول وعلى مستوى عالي جدا وهي على ما أذكر صالة الزمرده أو الياقوته والله نسيت أسمها؟؟؟ وهي قريبه من الصحارى سنتر
بالنسبه للساعات فتقدرين تحصلينها فالسناتر اللي قلتها لج وبعد فالبوليفارد في أبراج الإمارات مثل CHANEL وغيرها من الماركات العالميه وبعد تقدرين تحصلين عند ساعات الصفوه المنتشره فالسناتر واسعارها حلوة...
تقدرين تفصلين لج عبايه وشيل خيااااااااااااال عند أبرز المحلات الموجوده وهي سيدتي الجميله وهذا في البوليفارد, الأختيار الأول في الستي سنتر وبعد فالشارقه فميجا مول ,عند حناين وهذا بعد في الستي, إليت وهذا في بالما سترب سنتر فجميرا , لارين وهذا في وافي سنتر، غواني وهذا في البستان سنتر، الحلوة وسويت ليدي وبلو ليدي في الملا بلازا، وغيرهم هذيلا اللي أعرفهم في بعد في فيرست ليدي والمتحجبه وغيرهم في ميجا مول في الشارقه...
الساعات التقليد قالولي في المنال سنتر والله ما عرف وعداله بتحصلين سوق نايف وهو ارخص سوق على ما اعتقد :08: بالنسبه للجوال تقدرين تاخذينه من ألو ديره وهذا موجود فمركز بوهيل<<هذا إللي أتعامل معاه وانشالله بنات دبي يقدرون يفيدونج أكثر :26: :24: شو بعد الدخون والعطورات ماشالله منتشره فدبي كلها هي بعد تقدرين تزورين أجمل الموجود فالبوليفارد وعندهم عطور خياليه عربيه وفرنسيه تهبل مب موجوده في محلات أجمل المنشره فكل الإمارات والتوله يبيعونها ب75 درهم وأكثر شوي بس تستاهل أنصحج فيها والمحل بعد خيالي...
المحلات العالميه منتشره فالسناتر والصالونات بعد موجوده مثل مورا فجميرا وبعد منى وغيرهم وإذا بغيتي مكياج خيالي وعلى يد مواطنات محترفات فعندج هيفاء صفر وهند الإميري وهذيلا موجودين فالشارجه بعد تقدرين تاخدين أقمشه أعراس خياااااااال لمصممين عالميين مثل إيلي صعب وغيره فهذيلا موجودين فالبستان اسم المحل الأرجوان هو الوحيد, وبعد في الغرير تقدرين تروحين شارع الرقه يجنن وفي دور لتصميم الإزياء الفخمه وبعد روحي لضيافه و
بسسسسسسسسسس لأني تعبت إن شالله البنات يفيدونج أكثر :26: :26: :24:

مشكورررررررررررررررره اختي شمسوه والله يوفقك انشالله

بس حبيت اسالك عن (سويت ليدي وبلو ليدي ) مافهمت وش قصدك
واذ كان عندكم فساتين سهره خطيره ليت تقوليلي ..........وتكون اسعارها معقوله.........والف شكر لك

:24: :26: أهلين حبيبتي
بالنسبه ل بلو ليدي وسويت ليدي هذيلا اسم المحلات إللي متخصصه في تفصيل العبايه والشيل الإماراتيه وأنا كتبت لج من قبل اسم المحلات المتخصصه في هذا الشي وأماكن وجودهم وكتبت الرواد في هذي الشغله وإللي هم أغلب بنات الإمارات يفصلون عندهم ، أما عن فساتين السهره فمنتشره في السناتر الموجوده في دبي، وبعد في الدور الأزياء لتصميم الموجوده في شارع الرقه تبيع بعد فساتين جاهزه وحلوه بس غاليه يعني بتقدرين تحصلينهم ب 5000-و7000 درهم :44: وبعد تلقين دور للمصممين اللبنانين العالميين مثل زهير مراد موجود في دبي، حبيبتي انحن ما نشتري فساتين جاهزه لالالا نفصلها عند المصممين وهذيلا منتشرين على شارع الرقه ويتراوح التفصيل عندهم من 1600-2000-2500-و3000 وبعد بزياده :23: في محلات شايفتنها عندها فساتين سهره جاهزة بس في صحارى سنتر وفي ميجا مول في الشارجه بس اسعارها خياليه موديلاتهم حلوه بس مب خياااااااال وعلى 2500 وفوق:mad: وبس
اتمنى أكون أفدتج وإذا عندج إي سؤال ثاني أنا حاضره وكل بنات الإمارات حاضرات يااااا (مرحبابج)

الف شكر لك .........................والله يعطيك العافيه وما قصرتي

شمسوه
ممكن تشيكين رسائلك الخاصه