miss-n

miss-n @miss_n_2

عضوة جديدة

وش رايكم بطريقتي في الخضار ..... والشعير

الأمومة والطفل

السلام عليكم

كل عام وأنتم بخير ..............

الله يعافيكم ..... بسألكم أنا بنتي عمرها 6 شهور وأسلق لها خضار لكن طبعا آخذ كميات بسيطة من البطاطس والكوسة ...الخ ...... يعني أقطع منها جزء والباقي اليوم الثاني وألاحظ إن الخضار تخرب بسرعه في الثلاجة.....
فقلت خلني أقطع الخضار كلها قطع صغيرة وأحفظها في أكياس في الفريزر ... وكل يوم آخذ منها

وش رايكم في طريقتي ....صح وإلا مضرة وعادي تطول لأن الخضار لها ألحين أسبوعين في الثلاجة ويمكن تقعد شهر ........... هل تتعفن وإلا عادي

والشعير قريت هنا إنو كثير يستخدموه لأطفالهم لعلاج الإمساك..........وأنا شريته من العطار بقشره يشبه اللي يعطوه الحيوانات....هل هو نفسه اللي تعطونه أطفالكم ...وكيف طريقته بالتفصيل...يعني أغليه وأعطيها المويه حقته وإلا أيش ؟؟؟؟؟؟؟؟؟؟

والشكر لكم مقدماً ........
11
1K

يلزم عليك تسجيل الدخول أولًا لكتابة تعليق.

تسجيل دخول

الدانه25
الدانه25
انا طريقتي اسوي له مقدار يكفي له ثلاث ايام ومرتاحه كذا

اما الخضار اكيييد مو زين تطول
سعودية دمي عسل
أحسن شئ تأكلها في نفس اليوم او بالكثير ثاني يوم وسوى لها صفار البيض واخلطيه مع لبن زبادي مفيد جدا لها + اكليها موز+رز مصري مهروس مع البطاطس كلها تفيدها
روز البراهيم
روز البراهيم
انا الصراحه ..
اسويله حق يومين بس اكثر من كيذا ما يصلح ...
( بطاطس ص + جزر + وكوسه ) واحط معه ربع طماطه وملعقه صغيره زيت زيتون وذره بسسسسسسيطه ملح
واطبخي معه قدر ملعقه كبيره ( شعير ) بدون قشررر عشان ينهررس مع الاكل ...
واطبخيهم مع بعض وعقب حطيهم بالخلاط ..وقسميهم الي وجبتين وحده عطيه اياه
والثانيه حطيها بعلبه وخليها لين تبرد وعقب فرزنيها .. لليوم الثاني ..
..
سوي لها رز مصري .. بس إذا معها امساك استبدليه بالرز العادي واطبخيه لين ينهررس مع حبتين كووسه ...
..
عطيها زبادي قليل الدسم ...


وبالنسبه للشعير مدامك شريتي بقشرره ( خذي مقدار ملعقه واغسليه ززين مع شماار ) او يانسون (( وصبي عليه مويه مغليه وخليه يطبخ طبخه وحده يعني فوره وحده بس .. وحليه بسكر نبات وخليه رضعه وحده باليوووم ...


اتمني افدتك..
نونةالمجنونة
نونةالمجنونة
حبيبتي الخضار اذا مافيها لحم او دجاج بتقعد 3 ايام في الثلاجة وما بتخرب بس اذا فيها حاولي تكون يومين بس

انا بعمل الخضار بحط فيها قرع او دبة اللي هي مذكورة بالقرآن يقطين لانها مضادة للسرطان و بحط معاها بروكلي كمان لانه مضاد للاكسدة و كويس برضو في الحماية من تكون الخلايا السرطانية بعيد الشر عنهم

و الزنجبيل لانه مقوي للمناعة وحعطيكي طريقتي بالضبط وانتي احكمي عاد


احط حبة من { كوسى - جزر } و ربع حبة قرع و شوية بروكلي و الزنجبيل احطه حبة كاملة زي ماهو عشان بعد مايستوو اشيله ما اخليه معاهم عشان لايصير الخضار حار

اول شي اكشن بصلة بزيت الزيتون او بالزبدة و معاها اللحم المفروم او اوصال من صدر الدجاج و بعدين احط لها الملح و البهارات او فلفل اسود و بعد مايستوو اضيف الموية و الخضار اقطعها اوصال كبيرة مرة عشان لاتفقد فيتامين كتير و احط الشعير الحب بس بدون قشره انا اجيبه من الدانوب من قسم المنتجات الحيوية و احيانا عشان اغير لهم الطعم احط نص كيس شوربة ماجي الشعيرية و احيانا احط ربع كيس ملوخية مثلجة من مونتانا و احيانا احط سبانخ مثلجة برضو من مونتانا كمان

بس ما احط لهم ملفوف ولا بطاطس و لا طماطم عشان لاتجيهم نفخة و غازات خليهم بدونها احسن

و بالاخير اشيل الزنجبيل برا و احط 4 ملاعق من الشوفان الكويكر وملعقتين سمسم ابيض لاني قريت انه يمتن و حبة سودا عشان تقوي لهم المناعة كمان و اهرسهم كلهم مع بعض و ااكلهم وجبة اليوم والباقي يجلس في الثلاجة يومين بس

عاد انا اغير لهم

مرة احط دجاج و مرة بيضة مسلوقة اهرسها مع الخضار اللي تكفي لكمية يوم بس عشان لاتطلع لها زناخة و يوم تونة او سمك و يوم لحم اوصال او مفروم و يوم بس خضار و على كدا دايما

عاد انتي بنتك لسا عمرها 6 شهور يعني بس لازم تعطيها خضار فقط لا غير و بعد شهر ممكن تبدئي لها بصفار البيض بس مع اللبن او مع الخضار تحطيها

و انا كتبت الطريقة بس عشان البنات يستفيدو ان شاء الله بتكون اجر لي عند رب العالمين
miss-n
miss-n
الله يعافيكم على الردود

بس انتم ما فهمتوا قصدي انا اقصد إن الخضار اقطعها وهي طازجة واحفظها في اكياس في الفريزر وكل يوم آخذ منها واسلقها في مويه ..............لأن الخضار تكون كثيره عندي في الثلاجة وبسرعه تخرب فحطيتها في الفريزر

هل تتعفن أو لأ لها اسبوعين في الفريزر ... هل تضر بنتي

والشعير كيف طريقته أطبخه في مويه بقشره وأرضعها مويته ؟؟؟؟؟؟؟؟