السلام عليكم ورحمة الله وبركاته

وشلونكم اخواتي العزيزات

عندي مشروع صغير ودي ابداء فيه بس اخاف اني مااكون قد الحماس الموجود داخلي هالحين

مشروعي عبارة عن تغليف الهدايا وتجهيز دبش العرايس

بما اني خريجة قسم اقتصاد عندي خبرة ببعض طرق التزيين

بس اخاف ابدا وتكون افكاري هي نفسها

وشلون افكر في طرق جديده ومن فين احصل عليها

انا قد عملت علب مناديل وبخور وسلات بس خاصة لاهلي و اعجبتهم وقالو استفيدي منها وبيعي

وغير كذا لما اروح لمحلات تجهيز الهدايا والدبش استفيد من الاشياء اللي عندهم واسوي مثل افكارهم حسب خاماتي

بس اخاف افكر وابني احلام وما القى زباين

ناقصني الثقة بالنفس مادري ليه
مع اني كنت وقت دراستي واثقه من كل اعمالي واخذ الدرجات العاليه

تكفون ساعدوني ودلوني على الطريق الصحيح لبدايه مشروعي بعد التوكل على الله

وكيف اطور من اعمالي

والله يجزاها كل خير اللي مرت او ردت على موضوعي
04-10-1430 هـ, 07:20 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وعليكم السلام ورحمه الله وبركاته


الله يوفقج ويرزقج ويسخر لج عباده الصالحين



ان شاء الله البنات يساعدونج


اهم شى توكلي على الله ثم الثقة بالنفس
04-10-1430 هـ, 07:23 صباحاً
 
عزيزتي اتوكلي على الله وابدأي مشروعك
وبإذن الله ماراح تخسرين شي اعتبريها تجربة وخبرة لكِ
وإذا جلستي متردده وخايفه من الفشل ماراح تنجحين في كل فكره او عمل وماراح تتحركي خطوه للامام
وبالنسبة للافكار النت ماخلى شي تقدرين تبحثين في المنتديات والمواقع المتخصصه وتقتبسين الافكار اللي تعجبك
والله يوفقك ويرزقك
04-10-1430 هـ, 07:35 صباحاً
 
توكلى على الله وابدئى
لو خسرتى مرة واثنين وثلاثه بعدها بتنجحى
بس لاتستعجلى مافى شي يجى مرة وحده
الله يوفقنى واياك ياعسل
04-10-1430 هـ, 09:09 صباحاً
 
و عليكم السلام و رحمة الله و بركاته
ما شاء الله تبارك الله .. أحيي طموحك
بالنسبة لكيفية الحصول على أفكار جديدة.. أبد.. الله يسلمك افتحي قوقل و روحي لبحث الصور و اكتب الشي اللي تدورينه و يستحسن تبحثين عنه بالانجليزي
و الله الله في الدعاية ممكن تحطين كروت صغيرة مع أعمالك حتى لو كانت لقرايبك.. و إذا تعرفين مدرسات خليهم ينشرون الخبر في مدارسهم..
هذي الأفكار اللي عندي حالياً
توكلي على الله..
الله يوفقكِ و يرزقكِ و كل إنسان طموح
04-10-1430 هـ, 09:22 صباحاً
 


الساعة الآن 02:33 .