=شاي الضحى=
ياقلبي تسلمي على مرورك و الله يجزاك خير على الدعاء الحلو
بالنسبة للمعلمات لازم تكونين رياض اطفال واو اقتصاد منزلي وممكن ثانويه معاها دورات رياض اطفال تصير مساعدة معلمة
بالنسبة للحصول على القرض مايشترط التخصص أهم شيء بكالوريوس
والروضه فيها غير المعلمات اداريات عندك محاسبة شهادة ادارة اعمال او دبلوم محاسبه
عندك سكرتيره دبلوم سكرتاريا
عندك أخصائية اجتماعية
عندك أمينة عهده
عندك أخصائية نفسية
عندك مدخلة بيانات في بعض الروضات

أنا اخصائية اجتماعية وقال لي بنك التسليف اهم شيء انك جامعية
وعندي فالعيلة أدارة اعمال واخصائية نفسية وسكرتيره ورياض اطفال يعني استعين فيهم بس مش حوظفهم >> تذله
فالحقيقه كل وحده عندها وظيفة الا انا عطالة لي 9 سنوات .. بس لا بد من مشورتهم خصوصا المحاسبة
05-10-1430 هـ, 06:44 مساءً
 
موضوع رائع وانا من السنه الي فاتت وانا ادور المعلومات ودراسة الجدوى بالنت ومالقيت احد سواها فاضطريت اني اسويها بنفسي والحمد لله بمساعدة نموذج الدراسه الي للبنك ساعدني والاسعار بالنسبه لتاثيث الروضه اخذته من كتالوج فناتير
وقدمت الدراسه ووافقوا عليها وقابلت وكانت مقابلتي مش ولا بد كنت مجمعه افكاري بنوتى علشان اجاوب على اسالتهم بالي اعرفه لاكن الي سوتلي المقابله مارضت اني اقرا من النوته فلخبطت بالاجوبه ولكنهم سالوني اذا اخذ دورات وانا وافقت وبكذا رضوا عني وفعلا اخذت الدورات بشهر سته لكن قبلها كنت اسالهم عن الخطوات الي لازم اسويها وماكانوا يخبروني لين راح علي الوقت وسكروا التراخيص وانا الان انتظر ادارة التعليم يفتحون للتراخيص
انا ناويه ان شاء الله اتعامل مع معقب يخلصلي اوراقي
ادورات الي اخذتها بالاكاديميه هي دورة المونتسوري وهي يوم واحد ودوره لتجهيز الروضه والخطوات وومواصفات المبنى وهي مجانيه ولمدة يومين
05-10-1430 هـ, 07:11 مساءً
 
ليدي فانس
ياعمري مشكوره على المرور وعلى الدعاء اللي يشرح الصدر .. والله يجزاك خير
ياقلبي ما كان ودي اني سبب احباطك .. وتراي قبلك كل ما تطلعلي شروط جديده انصدم واجلس يومين منصرعه من الاحباط بعدين استخير واتحمس من ثاني ..
ولا تربطين نفسك بالاعذار .. ترا الدعوه سهايل .. أن زوجي دايم مشغول .. وأهلي بعيد واذا جيتهم ألقى السواق مشغول مع خواتي وسرا لين يطلع لي دور ألف السوق في يوم وأخلص .. بس التلفون وما ادراك ما التلفون كل اشغالي اقضيها بالجوال (( طبعا ربحت شركة الاتصالات )) وعلى هالنت ادخل مواقع الاثاث والعقارات اتفرج على الاسعار .. ويلاه مدبره راسي ..واذا عصلقت مرررره معي اخذت لموزين مع ان أهلي وزوجي ما تصدقين وش كثر يكرهون اللموزينات بس وش تسوي الوحده لازم تسعى في رزقها ..ماني رايحه اسير ولا ادوج بالاسواق رايحه اخلص اوراقي في الجهات الحكومية .. كذا ... ولا جلست البيت اللي جابت لنا الامراض النفسية وضيقت الصدر .. مغر انفخ ذباني من الفضوه .. واطلع ستمية عيب باللي حولي ..
طولت عليك .. شكلي ما صدقت أبشكي ..
المهم بالنسبة لنظام منتسوري شوفي الرابط راح يفيدك ***** الله
http://forum.hawaaworld.com/showthread.php?t=568929

وهذي عن دورة منتسوري
http://forum.hawaaworld.com/showthread.php?t=640746

وهذ مدرسة تطلب معلمات منتسوري \\\\ يعني عليه اقبال هالمنهج ويطلبونه الاهالي
http://forum.hawaaworld.com/showthre...1817717&page=2

وهذ بنتنا الست حسناء عندها وسائل منتسوري
http://forum.hawaaworld.com/showthre...1388539&page=2
05-10-1430 هـ, 07:12 مساءً
 
وهذا كمان رابط مفيد عن المتسوري
http://forum.hawaaworld.com/showthread.php?t=1866673

وهنا مشاركة من الاخت شروق من موضوع منقول من احدى المنتديات للفائده وسامحوني لوما طلعت بعض الصور

اهلين شروق اسعدني مرورك



في التعليم الفردي كيف يتم ضبط باقي الأطفـال ؟

الضبط يكون ضبط ذاتي

الطفل بنفسه يحاول يكون عنده انضباط لانه هوعارف القوانين اللي يجب انت تتبع
والطفل اللي يحتاج مساعده فيها
المعلمه والمسانده الموجوده في الصف راح توجهه للتصرف السليم

هل تقسيم الفترات يختلف من طفل لطفل ؟ يعني وقت مايتم اعطاء المعلومه لطفل يكون الاخر ينتج عمل ؟

كل طفل لها عمله الخاص
اللي يميزه عن الطفل الثاني

على حسب قدراته

طريقه وقت العمل
انه المعلمه تبداء تختار واحد من الاطفال وتبداء باعطاه الدرس الخاص فيه

اما البقيه فيسمح لهم باختيار اعمال وتحت مراقبه من المسانده الموجوده في الفصل
والطفل المتـاخر او الغير متقن كيف التصرف معاه ؟ نكـون معاه حتى يتقن المطلوب ؟
مايأثر هذا عليه سلبي يعاند او يرفض ؟


لا يوجد لدينا مفهوم طفل متأخر

كل معلمه تعرف ان لكل طفل قدراته الخاصه التي يجب ان تصقل وتنمي بالاعمال المناسبه له

فلا يتم اعطاءه اعمال اقل من مستواه تسبب الملل له
او اعمال اعلى من مستواه تسبب له الا حباط

ماهي المواد العلميه اللي يتم دراستها ؟ تختلف عن نظام الوحدات المتبع ؟

مواضيع الاركان المعمول فيها هي ( الفن ,, الايهامي ,, التخطيط ,, المكتبة ,, المكعبات ,, الادراك ,,الاكتشاف )

أما مواضيع مونتيسوري

(الحياة العملية .. الرياضيات .. اللغة .. المواد الحسية ..المواد الثقافيه .. الفن..)

الحياة العملية (في هالمكان يتعلم الطفل كيف يلبس نفسه .. يعمل وجبته لوحده .. يربط حبال جزمته ..يصب من الجيك .. ينقل المواد السائلة والصلبة بالملعقة ..يعمل فطورة بنفسه .. يسكر أزاريره .. سحابه ..) حياة يومية..
احنا كأشخاص بالغين نعمل هالانشطة عشان نحصل على نتيجة معينة ..
بالنسبة للطفل تعتبر تمارين تخدمه لأهداف ثانية ..طريقة عمل التمرين بالنسبة له أهم من النتيجة النهائية

من خلال هالتمارين ما هي الفائدة للطفل او "نتائج التعلم ..
1- يكون الطفل قادر على التحكم بعضلاته الصغرى
2- يكتسب الطفل معلومات عن البيئة
3- ثقافة اجتماعية فيكون الطفل قادر على التمييز ما بين السلوك المقبول والمرفوض
4- يكتسب مهارة الاعتماد على النفس ويربط جزمته بنفسه ويسكر سحاب جاكيته "الاستقلالية "
5- ينمي التركيز عند الطفل بشكل تدريجي
6- يكتسب الانضباط الذاتي








منطقه العمل الثانيه هي
وهو المواد الحسية
الحواس معروفه إنها مدخلات المعرفة للإنسان ..

وتنقسم هالمادة
1- حاسة اللمس /العضلية
2- الحاسة البصرية / العضلية

بالنسبة لتعلم حاسة اللمس /العضلية (لمس ,شم ,تذوق,سمع )
مونتيسوري ابتكرت أدوات لقياس درجة حواس الإنسان ..
تطور حواسه ويبدأ يحس بالفرق لأصغر الأشياء ..ويقدر يميز بين المتشابه ..
طبعا كل الأدوات تستخدم فيها أحد الحواس مع اللمس ..

الشم تعطي الطفل روائح مختلفة يتعرف على أسمائها وممكن يبتكر منها روائح ثانيه .. عطريه ..توابل ..
التذوق يعطي مسميات للأشياء اللي يتذوقها (حلو .. مر .. مالح .. سكر .. حامض ..)
السمع عندها أدوات للتفريق بين الأصوات (عالي مزعج .. عالي مريح .. منخفض .. متوسط ..)
اللمس للتفريق بين أنواع الملمس (خشن .. ناعم ..جلد ..صوف.. حرير .. )



الحاسة البصرية / العضلية (الإدراك الحسي لمفهوم الأبعاد , الهندسة , الجبر , إدراك الألوان )
وعندها بعض الأدوات بس تحتاج شرح مطووول
بس هي للإدراك الحسي لمفهوم الأبعاد ( البرج الزهري, القضبان الطويلة , الدرج العريض .....الخ)
الهندسة (الأشكال الهندسية , مجسمات هندسية , التبليط , المثلثات ال****ئية )
الجبر (المكعب الثنائي )
إدراك الألوان(3 صناديق للألوان)




طبعا لكل عمل اهدافه الخاصه فيه
طبعا في كل أداة من أدوات المونتيسوري "ضابط خطأ " يعمل على ***** التعلم الذاتي


المنطقه الثالثه


المواد الثقافية

يدرس فيها الطفل عن (الحيوان والنبات"الإحياء " ) , (العلوم التجريبية) ,(التاريخ) ,(الجغرافيا) .
كتبت ماريا عن العلوم الطبيعية وتدريسها وقالت انه لازم الأطفال يتعرضون للهواء الطلق والتمارين لانها مهمة لتطورهم الجسدي
في رأيها من الضروري أننا نجعل الطفل متصل بالطبيعة نخليه يستكشفها يلمسها ويتحقق من كل شي حوله ..

في التاريخ بيتعلم
1- تطور مفهوم الوقت .
2- قصة العالم ودور الإنسان فيه خلال خطوط الزمن .


وفي الجغرافيا
1- العناصر الإغريقية (الماء والهواء والأرض والنار )
2- العالم ( الكره الأرضية والمائية , الكره الأرضية للقارات , تحويل الكره إلى خارطة منبسطة , أعلام دول العالم )
3- الجغرافيا البشرية (أنماط بيوت العالم , طعام العالم ,المهرجانات )
4- الجغرافيا الطبيعية (أشكال سطح الأرض اليابسة والماء ,أشكال المناخ المختلفة ,تضاريس أرضية )
5- النظام الشمسي (الأرض والشمس)





الأحياء
بتعلمه ايش أشهر النباتات ونبدا بالنباتات الموجوده في بلده ولما يعرفها تنتقل للدول المجاورة وتتكلم عن نباتاتهم وممكن انها تغطي أهم نباتات العالم إذا شافت ان الطفل يحب هالموضوع ووده يتعمق التعليم عندها ماله حد من قبلها .. اذا شافت ان الطفل مل أو ما عاد قدر يستوعب تتوقف.. وموب لازم ان كل الأطفال يتعلمون اللي يتعلمه هالطفل ..
ممكن بعضهم يعطى النباتات الأساسية فقط ..لأنها ما تستهويه .. فواجب المعلمة تعطيه القدر الكافي ..
الحيوانات أنواعها .. طرق تكاثرها .. كيفية العناية بها ..برضو يتعرف على حيوانات بلدته .. وتخبره المعلمة ليه هي تعيش في هالمكان الصحراوي ..

العلوم التجريبية
1- تجارب مع الماء .
2- تجارب مع الهواء .
3- تجارب مع الضوء .
4- تجارب مع الحرارة .
5- تجارب مع الكهرباء والمغناطيس


المنطقه الرابعه
هي الرياضيات

الأعداد
ما راح يتعلم العدد وكتابته في يوم واحد أو أسبوع مثل ما هو في المنهج الموجه
طريقة مونتيسوري انه يتعلم أولا الكميه مثال أعطيه 10 مكعبات وأقول للطفل عدد المكعبات اللي معاك .. فيقول واحد .. اثنين .. ثلاثة ..إلى النهاية ..
لما اعرف ان الطفل قادر يكمل وبصوره صحيحة لحد الرقم 99 أبدأ اعلمه رمز العدد وأفرجه على شكل العدد ..
بعدها اربط له الكمية بالعدد
طبعا المنهج مفتوح الأعداد لحد 9999


الجبر
يتعلم الطفل فيه الجمع والطرح والضرب والقسمة لحد العدد 9999
شرط ان الطفل يدرس في مونتيسوري من سن 3 سنوات ..
الهندسة أو "القياسات "
الأشكال الهندسية المسطحة وثلاثية الأبعاد ..
الأطوال الكتلة والوزن
السعة والحجم
الوقت
النقود ..
و يتعلم فيها لغة الوصف والمقارنة والترتيب





في هالصوره الطفل جمع بين أدوات الرياضيات والحسيه
ربط الالوان ..




المنطقه الخامسه


اللغة

اللغة عبارة عن جزء من الإنسان وتقول مونتيسوري ان الطفل لما يجي للمدرسة تكون لغته الأم نوعاً ما مكتملة بس هو محتاج لصقلها من الناحية التصويرية واللفظية ..
طرق اكتساب اللغة بالنسبة للطفل
1/ لابد من وجود أشخاص للتحدث لان الطفل يراقبهم أثناء حديثهم وبالضرورة يكونوا معاه دايم ..
2/حاسة السمع تكون في حالة جيدة
3/ مركز النطق يكون برضو سليم

فالطفل لازم يسمع أول وبعدها يتكلم فهو محتاج للمركزين .
تنمية لغة الطفل عن طريق القصص والحوارات والمناقشات ..
طريقتها في تعليم الطفل القراءة والكتابة
بيتعلم الطفل عندها القراءة وبعد ما يتقنها يتعلم الكتابة ..



القراءة

يتعلم شكل الحرف عن طريق لمسه مثل الصورة الحرف لازم يكون بارز وخشن
حروف العلة تكون ألوانها غير باقي الحروف ..
بعد ما يتعلم الحرف
يتعلم تشكيل الحروف
وبعدها قراءة كلمات من 3 حروف بعدها 4 حروف .
يكون جمل بسيطه
يتعلم بعض قواعد اللغة الاسم ..الفعل .. الحرف بشكل مبسط ..مجرد يفرق بين اسماء العلم والافعال ..



هنا تنهي القراءة وتبدأ الكتابة

الكتابة مش من أول شي يكتب الحرف عندها تمارين لتحضير الطفل للكتابة ..السيطرة العضلية على القلم ..زيادة الابداع وتقدير الفن .. استخدام مبدأ الكتابة من اليمين للشمال والعكس .. كل الأهداف من أدوات اسمها ركائب التصميم ..
وهي 8 مراحل ..



المنطقه السادسة

الفنون

ينقسم الفن عندها لــ
1- الفنون المرئية ..
2- الموسيقى والرقص..
3- المسرح الدرامي..

الفنون المرئية..
ادوات الرسم (اقلام خشبية ملونه , أقلام الرصاص , المائية , اقلام الفحم , الطباشير )
الرسم (بالاصابع , بالفقاقيع , بالمصاصة ,الرش)
الطباعه (الايدي والارجل , بالاسفنج )
الكولاج
صنع مجسمات يكون من الكرتون أو الخشب ..



الموسيقى والرقص " الحركة"
المونتيسوري ادواتها الموسيقيه بسيطه جدا
قد ما انها يكون فيه تغيير للصوت ..

فممكن ينشدو النشيد الوطني بنغمه وحده ..
ممكن يغيروا من أصواتهم
احيانا يكون مجرد دندنه
وممكن تحول النشيد للعبه أو تعرف على حرف ..



المسرح الدرامي ..
هنا المجال مفتوح لخيال الطفل يعمل فيه زي ما يحب..
اما عن طريق لعب فردي او جماعي ..
المعلمه ممكن تساعدهم بوضع قصه وهم يكملونها ..



طبعا القصه الجيده لازم لها شروط:
تستحوذ على اهتمام وتركيز الطفل.
تكون مسليه له ..
تثير الفضول عنده ..
تحفز خياله ..
تساعده على تطوير ثقافته ..
توضح مشاعره ..
تكون ملمه بما يقلقه وتطلعاته ..
تهتم بمصاعبه ..
تقترح حلول للمصاعب اللي تواجهه ..



طبعا احنا اضفنا

منطقه سابعه

هي منطقه الدين

وضعنا فيه
القران الكريم

بطاقات اركان الاسلام

بطاقات الوضوء

بطاقات الصلاه

قصص الانبياء

وبين فتره وفتره نجدد الركن هذا على حسب المناسبات الدينيه اللي تصادفنا

رمضان

حج

عيد الفطر
عيد الاضحى

ولو تبحثي في الانترنت راح تلقي معلومات كثيره عن المونتيسوري وان شاء الله تستمتعي في قراءتها


آآخيراا ودي اشـوف طريقة تحضيركم اذا ماعليكـ امر

هههههه امري انتي
من ناحيه التحضير
ماعندنا مثلكم
عندنا شئ اسمه مانيول
جاهز ومن خلاله نعطي دروسنا


وشكـرا لك على اهتمـامك ..

05-10-1430 هـ, 07:28 مساءً
 
::.::رواسي::.::
ياقلبي اسعدني مرورك ومشاركتك تجربتك ..
بس تعالي فكرة المعقب هذا فكره خطيييره كيف ما طرت على باللي أنا متأكده انها بتفيد الاخوات وخصوصا اللي ما عندهم احد يراجع لهم
آمل منكي مشاركتنا تجربتك في المعقب .. وننتظرك بفارغ الصبر مع دعائنا لك بالتوفيق ويارب يسخر لك عباده الصالحين ويذلل امامك الصعاب
والمقابلة أجل ياحبة عيني عيوا عليك تقرين من النوته .. وأنا اللي مجهزه الاجوبه في الاجنده .. أجل شكلي بحفظها عن ظهر قلب وبسمعها تسميع (( أيام الدراسة ))
طيب الدراسة اللي سويتيها من وين جبتي الروضات المحيطه كم تبعد انا قالوا لي من مكتب الاشراف النسائي والرقم اللي اخذته هريت الجول دق ما حد رد طيب كيف اسوي عندك طريقه ولا رقم لأن الدراسة متوقفة عليه .. وكمان كيف حسبتي تكلفة الطفل .. أنا كل مره احسب يطلعلي رقم جديد انفقع راسي ..
وبالنسبة للموظفات من يزودك بالعقود ولا انتي تصمميها ..
طولت عليك ياقلبي بس بالتوفيق والله يسخر لك عباده ويجعل لك في كل خطوه بركه يارب
05-10-1430 هـ, 08:05 مساءً
 


الساعة الآن 03:20 .