Analysis Services
والله ياختي الغاليه انا نفسك مستغربه انا سويت كل شي قدمت الطلب ورحت المقايله وبعدها باربع شهور اخذت الدورات مع ان الموظفه بالبنك قالت مادام طلبوك للدورات فانهم موافقين علي مشروعك وقالتلي موظفة الشركه الاكاديميه اذا جبتي الترخيص المبدئي بنرفع ملفك للبنك واخذوا مني تفويض على اني افوض الشركه تسويلي الدراسه النهائيه وطلبوا مني خطاب للبنك لاني غيرت المنطقه الي باسوي فيها المشروع ولما ارسلتلهم كل الاوراق ارفعوا ملفي للبنك واتصلت على البن وقالولي اصبري لين الجنه تدرس مشروعك واذا وافقوا توقعين العقد عاد انا خايفه بعد كل هالتعب والمعاناه يرفضون المشروع انا كلمت موظفه بالبنك وقالت انتظري اللجنه وكلمت قسم الرجال ونفس الشي انتظري اللجنه
اما سؤالك ايش الي ياخرني هو توقيع العقد اخاف ياخذون شهر شهرين وانا ماوقعته ساعتها كيف باسدد اجار المبنى انا لقيت مبنى بس بسببهم بيروح علي
الله ييسر لي ولك ولاخواتي
05-03-1431 هـ, 07:55 مساءً
 
ما عليك اختي ان شاء الله خير بإذن الله

يمكن المشكلة علشان انك غيرت المدينة، بس مادامك احضرت التراخيص وعندك مبنى جاهز انا ما اتوقع انهم يرفضون ان شاء الله

انت يا اختي الكريمة سويت كل اللي عليك والحين بس انتظري شوي وبإذن الله رح يردون عليك بالموافقه

بس هاه مو يردون عليك وما تبشرينا

اسأل الله العظيم ان يوفقك ويرزقك بهذا المشروع ويعطيك خيره ويكفيك شره ، اللهم امين
06-03-1431 هـ, 07:29 صباحاً
 
جزاك الله خير كلامك يريحني ويبث الحماس بنفسي الله يسهل لك امورك ويجعل العسير امامك يسير
ابشري راح اكون معاكم اول باول وكل ماخلصت من مرحله راح اقولها لكم انتن شريكاتي بمشواري وراح تكونن شريكاتي بالنجاح ان شاء الله
06-03-1431 هـ, 06:50 مساءً
 
كيف الحال وش الاخبار
اشوف الموضوع معد تحرك
يالله يابنات حطوا التطورات اللي وصلتو لها
بالنسبه للرياض يقولون طلبات مهوله لفتح رياض الاطفال مدري وش السبب حمى رياض اطفال اخاف التجار ينافسونا خخخخخخخ
08-03-1431 هـ, 08:05 مساءً
 
جديد الاخبار من محطة انبائكم
اتصلت على بنك التسليف قالي الموظف ان اللجنه وافقت على مشروعك وتعالي وقعي العقد قلت اجي للفرع ولا ترسلونه فاكس قال لا لازم تجين وتجيبين اثبات اما بطاقة احوال ولا جواز سفر انا هنا انهبلت وعصبت قلت شلون جواز سفر او بطاقة احوال وانا من اول التقديم لتاليه وانا على كرت العايله واموري ماشيه فيه مااحط طلب بطاقه او جواز السفر قال لا لازم وانا مستغرب كيف مشوك بدون البطاقه او الجواز
قلتله طيب مافيه حل انا مستعده ابصملكم بالعشر انه انا قال وش نسوي بالبصمه كل مابغينا شي رحنا للجنايات يحللون البصمه قلت طيب اجيب معرف قال لا لازم البطاقه
طيب طول عمري مستتره وماعمري صورت الحين اصور طيب اذا طلبتوا صوره للبطاقه كيف اروح للمكتبه بيشوف راعي المكتبه الصوره قال غطي الصوره بستكر قلت طيب ماسوينا شي زي كرت العايله قل لا البطاقه مايشوفها غير قسم النسائي
جبت قصة حياتي بس حبيت احطكم بالصوره
شاسوي انا ماابي اصور علشان امور دنيا الله يفرجها علينا
10-03-1431 هـ, 10:48 مساءً
 


الساعة الآن 11:35 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏