الله يعطيك العافيه انا كمان فكرت مثلك اني اسوي مشروع روضه قبل سنه ودراسه الجدوى عملتها وهناك اختلاف بين دراسه جدوى لمنتج سلعة استهلاكيه وبين دراسه جدوى لمشروع خدماتي او تعليمي ودراسه الجدوى هي باختصار دراسه تكاليف المشروع من المبنى والاثاث والاجهزةوالروات ب واجور الاستهلاك للماء والكهرباء وكل شي في المشروع ودراسه الفئه المستهدفه والموقع وشروط الموقع والمبنى ومن ثم تقدير الارباح ولكن انا وقف بطريقي شي ما خلاني اكمل اني لمن رحت لبنك التسليف طلبوا مني فكرة جديده ابداع ابتكار وانهم لايريدون مشروع روضه تقليدي وبصراحه هنا ما قدرت اجيب شي جديد حاولت بحثت ما وجدت شي جديد وتوقفت
الأخت ترف ولايهونون الباقين بس اللي ماعرفته بدراسة الجدوى نسبة الإهلاك ماأدري كيف أطلعها.
سبحان الله والحمدلله ولا إله إلا الله والله اكبر
قبل كل شي عزيزتي نموذج الدراسة اللي تشتغلين عليه من وين اخذتيه
اذا من موقعهم لاتغلطين نفس غلطتي ويضيع الوقت منك على الفاضي لاني اخذت النموذج من الموقع وعبيته وارسلته لهم ايميل وفاكس مثل ماهم موضحين بالموقع وانتظرت اكثر من شهرين لاحس ولاخبر ولما اتصلت فيهم قالت النموذج على النت ماينفع لازم تجيين عندنا وتاخذن النموذج من مقر البنك نفسه
نجي لسؤالك عن الاهلاك
المقصود بالاهلاك هو ( تناقص قيمة الاصل بالاستعمال او بمرور الزمن )
قيمة الاهلاك السنويه =اجمالي قيمة الاصل*نسبة الاهلاك
100
كل اصل له نسبة اهلاك معينه تحصلينها تحت الجدول بالهامش
المباني 3% الديكور 15% ....الخ
ان شاءالله تكونين فهمتي علي
اليوم رحت لإدارة التعليم الأهلي وعطتني خطاب للغرفة التجارية عشان أطلع سجل تجاري للروضة وكمان خطاب للتأمينات الأجتماعية بس صدمتني لما قالت لازم يكون تخصصك رياض أطفال عشان تديري الروضة مع أنه سألتهم قبل كذا وقالوا مو ضروري أهم شيء بكالريوس تربوي المعلمات بس هما إللي تخصصهم لازم يكون رياض أطفال فمين عندها معلومة عن هالموضوع
همس

غريب انا عندي لائحة رياض الاطفال كاتبن من ضمن الشروط في المديره اذا مو حاصلة على مؤهل رياض اطفال اي مؤهل تربوي ثاني مع دوره تاهيليه برياض الاطفال
يعني اتوقع اذا عندك خبره تكفي وياما مديرات ماسكين مو ضمن التخصص لايهمك وتوكلي على الله وراح تتسهل ان شاءالله


الساعة الآن 08:35 .