اهلين خواتي ان شاء الله امور مشاريعكم تمام الله يوفقكم
خواتي بعد عناء ومشقه وقعت العقد اليوم مع البنك ولله الحمد
بدئت رحلتي الان مع البحث عن مبنى لكن البلديه متشدده الا تكون المساحه 900متر لاتقل متر واحد الله المستعان سالتهم هل ال 900 هذي تحسب المبنى اذا دورين يعني تجي ال900 بطول المبنى ولا تحسب من الارض قال حنا مالنا شغل بالمبنى حنا نحسبها من الارض المحاط عليها السور
يالله صعب لكن ماعلى الله مستحيل ادعولي
::.::رواسي::.::

على البركة عزيزتي وربي يوفقك بالمبنى انت وين ممكن نساعد بعض لو حصلنا مبنى بنفس المواصفات

عزيزتي ربي يسعدك عندي استفسار واتمنى احصل عندك اجابه كم اخذت الفتره معك من التقديم على البنك لحد ماوقعتي العقد

يعني متى قدمتي بالضبط ومتى عملو لك المقابله وبعدها بقد ايش وقعتي العقد معهم

اعذريني اذا طالبه تفاصيل كثير منك بس والله الحماس اللي فيني راح يموت بسبب هالبنك مايعطونك رد ثابت كل ماحكيت مع موظفة

عطتني رد مختلف عن الثانيه
الله يرزقك في الدنيا و الاخرة و الله اني محتاجة لمثل هذه المعلومات
لا تخسر نفسك و أنت تحاول الحفاظ على شخص لا يهتم بفقدانك

اهلين ترف حياك الله
والله يعزيزتي انا مشواري طويل ولا زال قدامي الكثير
انا قدمت الطلب الله يسلمك والا يهونون الباقين قدمت من شهر سبعه الهجري عام 1429 وطلبوني للمقابله بشهر واحد محرم من السنه الي بعدها ليش كل هالوقت ماادري سويت المقابله ولله الحمد مشت على خير لكنهم طلبوا مني اغير قيمة القرض يعني ارفعه لانهم اعتبروه قليل
وبشهر سته طلبوني للدورات اخذت دورتين دورة مبدئيه عن المونسوري ودوره عن تجهيز المبنى والفصول
هم في الحقيقه ماقالولي اخذ التصريح المبدئي من اداترة التعليم وهذي غلطتهم وانا للاسف ماعندي خبره بذي الامور مع اني كنت اتصل واسالهم ايش المطلوب مني انا كان عندي وقت من شهر واحد الى شهر خمسه اني اطلع الترخيص لكن الوقت راح علي بسبب قلة خبرتي واضطريت انتظر الى شهر عشره علشان يفتحون التراخيص يعني راحت على سنه وانا ماسويت شي
وبشهر عشره قدمت طلب الترخيص المبدئي وحصلت عليه بشهر اثنين من عام 1431 وارسلته فاكس للشركه الاكاديميه ثم طلبوا مني تفويض للشركه علشان يسوون لي دراسة الجدوى هي في الحقيقه مو دراسه بمعنى الكلمه فقط ترتيب وتوزيع للمبلغ الي طلبته
ورفعوا الدراسه للبنك ويوم الاربعا من السبوع الي فات اتصل علي البنك علشان اجي اوقع العقد ووقعته اليوم ولله الحمد
انا بالرياض لكن راح ننقل لبريده ومشروعي ان شاء الله في بريده
ادعولي واي سؤال انا حاضره ترى اذا ماساعدنا بعضنا ماراح احد يساعدنا للاسف الجهات المسؤله مايقدمون معلومات تنفعنا وانا مجربه
::.::رواسي::.::

الله يوفقك وين مارحتي ويسهل امورك وينولك اللي في بالك


معليش سؤال ثاني واعذريني اذا ثقلت عليك

الحين انت مقدمه على البنك بالرياض والا في بريده

واذا بالرياض هل مسموح انك تقدمين بمكان والمشروع يكون بمكان ثاني؟؟


الساعة الآن 09:50 .