فوتشيني
ما شاء الله عليك مجتهدة فعلا ولكل مجتهد نصيب بإذن الله
أنا راح أبدأ في الأسابيع الجاية دراسة جدوى للمشروع ودراسة الجدوى موبسيطة
يبغالها شغل ولف ودوران وروحة وجية
وعندي سؤالين إذا تكرمتي :
أولا :الضمانات المطلوبة هل تنفع للي ماحيلته شي لا عقار ولا رصيد ولا يحزنون ؟بصيح
الثاني :900 متر موكثير على مبنى ولا المقصود حجم دورين = 900متر ؟
الثالث :أدري إني قلت سؤالين بس في واحد غثيث إذاممكن

كيف لقيتي مبنى فيه هذي المواصفات؟

تكفين جاوبيني أدري إنك حامل وتعبانة بس المشروع ...خذ عقلي.
* لولو*

ياهلا فيك وبمرورك الجميل ... وبالنسبة للسؤال الاول مافهمت قصدك بالضامانات ايش اذا كان قصدك ضمان التمويل فليش الصياح عندك حل آخر بالاحمر ..

المادة الثانية عشر: ضمانات التمويل:

يكون ضمان مبلغ التمويل بواحد أو أكثر من التالي:

1- ضمان بنكي.

2- ضمان شخصي.

3- رهن عقار.

4- رهن ممتلكات أخرى ( أسهم ، معدات.. ألخ ) .

5- رهن المشروع كاملاً.

6- ربط السداد بإيراد المشروع.


بالنسبة للسؤال الثاني يعني المسطح كله 900م3 يعني المبنى + الساحات ( باختصار مساحة أرض المكان اللي استأجرتيه مايقل عن 900م3 ) والعجيب أنه يوجد أكبر من 900 يعني أشك أنك بتلقين 900 راح تلقين 1000 متر مربع وفوق وطبعا السعر يرتفع
يعني الخيارات واااااسعه عشان كذا راح تلقين المبنى باذن الله دوري لك راعي مكتب عقار زين وكلفيه بالمهه وريحي راسك اما تلفلفين أنتي بنفسك أحسها مضيعة وقت ..

بالنسب للسؤال الثالث :: هو مش غثيث قد ما استغربته .. لأن مواصفات المبنى جدا سهله ليش مصعبتها على روحك وأنا مالقيت المبنى للحين لأني ما بديت أصلا مأجله كل حاجه لبعد الولادة .. بس أنا متأكده ان ربنا بيسهلها لي ولكل وحده جاده في مشروعها يا بعد عمري هذي ما هي عقبه .. تدرين العقبه وين أذا طلعت لك مشرفه قشرى من الوزارة وقامت تصعبها عليك وتحط قدامك عراقيل ذيك الساعه أكرهي حياتك صدق ..( الا اذا وعدتيها انك بتوظفين احد من معارفها ساعتها تتسهل لك أمورر كثيييييره ) كركر
وبالتوفيق لك ولجميع الاخوات يارب تيسر لنا ما نخشى تعسير يارب العالمين



" لا تتحطم " لو تحطم لك أمل ..
أعرف إن الله " يحبك " وابتسم ..
لا تقول الحظ ماعمره كمل ..
قل .. أنا حاولت ... بس .." الله " ما قسم..
الله يعطيك العافية على هالمجهود


اضغطي على الصوره لمعرفة لماذا حذف توقيعك .
شكرا يعطيك العافية يا قمر
الله يوفقك ويسهل أمورك يارب
طيب الاجارات للمباني تقريبا كم


الساعة الآن 05:52 .