بنات مافي اخبار جديدة عن التراخيص؟؟
انا محتاجه للدخل

فبغيت أسأل اقدر القى وظيفه في رياض الأطفال مع العلم انا عندي شهادة ثاني ثانوي

واحس ان عندي خبره في معاملة الاطفال ومو شرط تتدريس اي وظيفه اقدر احصلها بشهادتي اللي تعرف وحده توظفت بنفس شهادتي تقولي
الأمل القريب
العفو حبيبتي وشكرا على مرورك

* لولو*
العفو ياقلبي

النورس777

هلا قلبي بالنسبة للإجارات توصل 120 ألف بالسنة ويمكن أقل ويمكن أكثر على حسب الحي وعمر المبنى تقدرين تسألين أصحاب المكاتب العقارية بيساعدونك ..

بنت النوار

هلابك ياقلبي ومرررره شكرا على الدعوه الحلوه الله يقسم لك منها يارب ..
وتفكيرك بالضبط مثلي .. لمان سألت بنك التسليف كنت ابتشارك مع أختي قالوا أن المشروع باسم المقدمة على القرض وانا كنت ابي قرضين لمشروع واحد بس رفضوا الشراكه .. بس أسمين لقرض واحد مدري ..ارجعي لشروط بنك التسليف كني قريت حاجه زي كذا ..

بالنسبة للعمل في المشروع بالتأكيد تقدرين تعملين في مشروعك ومديرة بعد أذا ثبت كفائتك بالادارة ..بس وين تنوجد البنت اللي تعرف كل الاعمال ومراجعة البيانات وأخذ وعطا مع وزارة التعليم .. تو متش .. الافضل لك تعملين سكرتيره أو حقت أنشطه .. ولا دبري راسك من هنا ولا هنا أما يعيون يوضفونك وهذا مشروعك .. صراحه حالة .. كركر
واذا بتسوين مثلي كنت بصير أخصائية اجتماعية في الروضه عشان شهادتي ما تعفن .. بس لمن حسبتها زين لقيتها تعب اتابع اعمال الاطفال والمعلمات وكمان اتابع سير المشروع .. بس حلو الواحد يجيه راتب اخر الشهر ولا ..
وعلى حسابك الخاص .. مدري أحس تستفيدين من مميزات البنك لأنه يعطيك قروض أضافية أذا تعثر المشروع ..
أتمنى أكون أفدتك والله ييسر لك ولنا أجمعين

ألوان خشبية

هلا قلبي هذي الطريقة ياقلبي يسمونها دار الضيافة أو مركز الضيافة وترخيصها من وزارة الشؤون الاجتماعية بس كان مغلق التراخيص مدري اذا افتحوها ذا الحين ولا.. وانتي لا توقفين عند حد كلامي دقي وأسألي بنفسك وأفيدينا ..وبالتوفيق لك والله يفتحها بوجهك ..


راعية القنا
يا هلا بك حبيبتي والعفو وهذا المجهود ما اريد به الا وجه الله .. واذا فيه قصور فمني وأتمنى أنه تتفضلون علي بمساعداتكم ومشاركاتكم .. وبالنسبة لسؤالك أعتقد طموحه ولكن ما قصرت الله ..دايم تنور الموضوع بمشاركاتها المضيئة .. يجزاها خير
" لا تتحطم " لو تحطم لك أمل ..
أعرف إن الله " يحبك " وابتسم ..
لا تقول الحظ ماعمره كمل ..
قل .. أنا حاولت ... بس .." الله " ما قسم..
حنان ايدك

هلا قلبي مشكووره على مرورك الجميل

كندا وبس

ياهلا فيك بمرورك وش صار عليك خلصتي ولا

اصداف ورديه
طبعا تقدرين تحصلين على وظيفة في رياض الاطفال
عندك حاضة أطفال ===== المؤهل ثانوية
عندك مرافقة طفل ( في الساحه - في المطعم - في الباص )====== لا يشترط مؤهل
عندك ناسخه ====== ثانوية مع شهادة كمبيوتر
والله ييسر لك ويفتح لك ابواب الرزق


الله ييسر لنا أجمعين ويفتحها في وجيهنا ويرزقنا من حيث لا نحتسب .. ويسخر لنا الرقاب والصعاب ..
" لا تتحطم " لو تحطم لك أمل ..
أعرف إن الله " يحبك " وابتسم ..
لا تقول الحظ ماعمره كمل ..
قل .. أنا حاولت ... بس .." الله " ما قسم..
انا قاعدة اشتغل على دراسة الجدوى وعندي بعض الاسئلة اللي اتمنى مساعدتكم في الاجابة عنها

1- بالنسبة للباصات، دورت في الانترنت على سعر الباص لقيته ب 70000 دولار يعني حوالي 260000 ريال، هل الباص فعلا غالي هالشكل؟

انا بحثت عن رقم تويوتا علشان اتصل عليهم لكن مالقيته فياليت تفيدوني ياللي مسوي دارسة جدوى ورح يقدم خدمة الباصات

2- بالنسبة لمشروعي رح يكون من 7 الصباح الى 11 المساء يعني 16 ساعة دوام، فرح احتاج الى الكثير من الايدي العاملة يعني مثلا:

8 معلمات براتب 2000 *8 = 16000
2 حارس براتب 1300 *2 = 2600
2 ادارية براتب 1500* 2 =3000
3 حاضنات او مربيات 1600 *3 = 4800
2 عاملة نظافة 1000 *2 = 2000

صار عندي المجموع الكلي للرواتب 28400

ابي نصيحتكم ومشورتكم في هالتقسيمات هل هي صحيحة وهل الرواتب معقولة وهل هذا العدد من الموظفين والموظفات كافي لتغطية 18 ساعة من العمل؟؟

3- في نقطة في دراسة الجدوى عن مصاريف التأسيس يعني مصاريف ماقبل العمل، في دراسة الاخت رواسي الله يجزاها خير كاتبه مصروفات قانونية 1500 ولوحة محل 3000 ومصروفات تأسيس أخرى 5000 هل اكتب نفس الشي او اغير واضيف اشياء، ياليت تفيدوني في هالنقطة بعد الله يسعدكم

4- كذلك في النقطة المذكورة في دراسة الجدوى عن احتياجات الروضة من المصاريف الادارية، ياليت لو احد يقولي وش اكتب في هالنقطة؟

بإنتظار مشاركاتكم


الساعة الآن 03:28 .