السلام عليكم ورحمه الله وبركاته

ازيكم جميعا ....... ان شاء الله فى خير حال

الموضوع ببساطه اننا انا وجارتى بنفكر نعمل مشروع صغير نسبيا عن طريق استئجار شقه وشراء بعض الماكينات الحديثه ومنها ماكينه التطريز الكبيره بالكمبيوتر
وماكينه خياطه حديثه
وماكينه اوفر

وشراء اتواب قماش من المحله لتكون بسعر الجمله
وشراء الخيوط والادوات اللازمه

وعمل مشرع تطريز :-
ملايات السراير
الستائر
مفارش
عبايات

تفصيل اسدالات للصلاه
كابات صيفى وشتوى وتطريزها
وهكذا


هنحاول ان شاء الله ان نشترى المكن بالتقسيط عن طريق بنك اسلامى
ويقسم مبلغ المقدمه على الشركاء

اولا :- ياريت تقولو لى رأيكم فى المشروع
لانه هيتكلف كتيييييييييييير جدا ......... وانا قلقه جدا من موضوع التسويق وكمان من جوده المنتجات

ثانيا :- عايزه شريكه معانا تكون متقنه للتفصيل والتشطيب.....
هيكون فى عاملات خياطه لكن تكون هى تجيد تشطيب الملابس مثل الجاهزه

تكون من سكان محافظه 6 اكتوبر

احنا موجودين فى مدينه الفردوس فى 6 اكتوبر .... ياريت يكون سكنها قريب مننا

ارجو ان تفيدونى برأيكم فى المشروع
وياريت العندها خبره فى الموضوع ده تنصحنا وتقولنا تجربتها حتى تعم الفائده

ومن تريد مشاركتى تراسلنى على الخاص
الله يوفقكم لكل ما فيه الخير باذنه تعالي
يا حي يا قيوم ,برحمتك أستغيث , أصلح لي شأني كله ولا تكلني الي نفسي طرفة عين



أحلي توقيع من أحلي أم عزيزان
بصراحة ما شاء الله مشروع هايل ربنا يتممة عليكم و انتوا في اتم صحة و عافية

بجد انا كنت بفكر في مشروع زي كدة قوي و عجبتني فكرتك بس للأسف انتو

بعيد عني خالص لأني من الشرقية و مدينة الفردوس دي انا ليا شقة فيها تبع عمارات الجيش

بس بقى ما بروحش خالص لان 6 اكتوبر بعيد عني بس بجد فكرتك ممتازة

على فكرة بالنسبة لموضوع التمويل و التسويق و التدريب كمان انا شوفت على التلفزيون

تعلان عاملة بننك التنمية الاجتماعية باين اسمة كدة مش متذكرة بيديكي القرض و بيكونوا معاكي خطوة بخطوة

في التدريب و كمان لو ما كانش عندك فكرة معينة هما بيساعدوكي و كمان و الاهم انهم بيسوقوا لك المنتج

و ربنا يوفقكم يا رب




أنا دور1 في موقع لك




أنا دور1 في موقع لك
drfaiza

شكرا لك

بارك الله فيك

******************************

صدى الايمان
جزاك الله خيرا على مشاركتك فى الموضوع وكنت اتمنى تكونى معانا

وعلى فكره الشقه الاخترناها لعمل المشروع هى فى عمارات الجييش شفتى الدنيا صغيره ازاى

وربنا يكرمك بمشروع ناجح فى الشرقيه وتبقى سيده اعمال ناجحه

وياريت لو تقدرى تجبيلى رقم التليفون الموجود فى الاعلان عشان اتصل واستفسر منهم

وتسلمى اختى من كل سوء


الساعة الآن 09:55 .