مرحبا .. اول ودني الدجاج بالماء والخل بعد تنضيفه شويه وبعدين فوري الدجاج وحطي حقه عيدان القرفة حبات الهيل واعصيري ليمون وطبعا فلفل اسود .. جربي طريقة عصر الليمون هذي شوفي التنيجه وردي علي اترياج اوكي
ام علاية الحلوه
ماشالله الخوات ماقصرن.. بس ميس شيف الكركم مايلون الدياي عقب.. يعني اذا بقت تسوي سندويجات دياي بالمايونيز.. بيكون لونه أصفر.. شرايج والا مايتغير اللون؟؟

بس صدق الخل مفعوله رهيب وأنا قارية مرة انه وقت السلق بالبداية تخلين الدجاج مع الماي بروحه بدون أي اضافات بعدين اذا شفتي الزفرة ظهرت شيليها وبدلي الماي وحطي وياه بهارات صحيحة.. وهالطريقة تنفع للحم أو الدياي.. وماتطلعلج زفرة بعدين..

مشكورين خواتي كلكم وماقصرت وياي .....

والحين برد على وحدة وحدة فيكم علشان نحط النقاط على الحروف ................

حبوبة الدلوعة : والله ماجربت الطحين بصراحة بس شنو آنا أفركها بالكركم والملح .. وفعلا أحس زفرتها تطلع عدل نفس ماقالت مس شيف .... بس المشكلة بعد السلق ... يعني لمن تنسلق وآنا أسحب الدياي أحسه زفر حتى أقول أستغفر الله شلون الناس تاكله مسلوق جذي ...

أم أسما : بحط زنجبيل وبشوف هالمرة ... تدرين ذيك المرة من كثر مانبطت جبدي حطيت أوريغانو ... قلت يمكن يشيل الزفرة اللي بالماي ....


المهيرية : طريقتج شكلها تشيل الزفر بس موجنها دوخة .. يعني أحس جني بسوي طبخة مو سلق ..... والله المشكلة والله أعلم بالماي ... لأني أغسل الدياية عدل وأفركها بس بعدين .... بنجرب ياعمري ونشوف

مس شيف : مشكورة بس آنا سابقتج بطريقة الكركم ......... يعني دايما أغسل الدياية بالكركم ... بس المشكلة نفس ماقلت للخوات ... ومن غير شي بدعيلج إن الله يوفقج ويتمم مشروعج بالخير آمين ويجعله رجل صالح ويرزقج الذرية الصالحة آمين ..... إشتغلت بدعاء العيايز ...........

أم علاية : بصراحة ماجربت عصير ليمون ولا مرة بجربها *****للله ... ومشكورة

سنا الفضة : مشكورة على تواجدج معانا ...

المسافرة : راح تصبغ شوي الدياية بلون أصفر بس عادي تشيلينه بالماي .. يعني ظلي غسليها لمن يروح اللون بس على حسب نوعية الكركم وعلى حسب الكمية .. يعني لاتحطين وايد .. بس صج مفعول الكركم بالزفر ترى .. يشيله عدل مدل ... يعني إنت معتمدة طريقة تبديل الماي ؟؟ إذا إي ومايطلع زفر بعد التسحيب .... ؟

ومشكورين وجزاكم الله خير
طريقتي تنفع اذا كان الدجاج مقطع أربع قطع ...مو دجاجة صحيحة....طبعا بعد ما أكون فاركة الدجاج بالملح والليمون بقشره واتركه فترة..أغسله منيح وبعدين أضعه في الطنجرة مع شرائح بصل وحبتين ثوم وأظل أقلبه مع بعضه حتى تقريبا يتشرب معظم الماء اللي بيطلع منه...وبعدها أغمره بالماء الساخن جدا...وعندما تطلع الزفرة أشيلها وأحط معه بهارات حب مشكلة مثل البهار الحب والهيل والمسمار والقرفة العيدان وورق الغار (ممتاز لشيل الزفر) وأصبع تقريبا من الزنجبيل الاخضر المقشر وجديد بدأت أستخدم الخولنجان (ما بعرف اله اسم ثاني..هذا بفضل بنات حواء الحبيبات)وقليل من الفلفل الاسود المطحون (الملح أضعه بعد تقريبا نصف ساعة مش من الاول بس ما أظن يضر لو حطيتيه من الاول)...وبس
وان شاء الله تعجبك طريقتي....بعدها ممكن تسحبي الدجاج وتستفيدي من المرقةبعد تصفيتها للشوربات او طبخ أرز عليها بعد إضافة ما تحبينه من البهارات المطحونة (بس مش كثير لان المرقة مبهرة أصلا)
وصحة وعافية
وفقنا الله لما يحبه و يرضاه



الساعة الآن 05:16 .