السلام عليكم يا بنات..
بصراحة فيه ماركات أجنبية روعة ما نلقاها عندنا هنا بالأسواق والمجمعات , مثل HotKiss وبعض منتجات Etam ما تنزل عندنا بالسعودية, وبعض الماركات الموجودة بقلّة ما نحصل اللي نبيه منها, دايم تصدمنا عبارة "والله خلص يا مدام..إن شاءالله بيجي دفعه جديدة خلال يومين"..ونروح بعد يومين, برضو نفس المشكلة..
وقررت-آبوك يالقرار المصيري-إني آخذ من البنك اللي أتعامل معه بطاقة مشتريات انترنت, بس واجهتني مشكلة ثانية: بعض المواقع ما تشحن للمملكة..
سؤالي,,يارب يفرج كربة كل من تجاوب عليه وتريحني:
هل جربتم الشراء عن طريق الانترنت؟ووش المواقع اللي تشحن للملكة؟
هل هي عملية مأمونه؟
وش المواقع المضمون مصداقيتها؟
بكم يوم يشحنون البضاعة لك؟
هل تتغير المنتجات إذا وصلت هنا عن صورتها في الموقع؟؟
تكفووووووون أفيدوني..الله لا يحرمكم من فضله
سبحانك اللهم وبحمدك...
أشهد أن لا إله إلا أنت...
أستغفرك وأتوب إليك...
سؤالي,,يارب يفرج كربة كل من تجاوب عليه وتريحني:
هل جربتم الشراء عن طريق الانترنت؟
نعم
ووش المواقع اللي تشحن للملكة؟
كثيرة بس حطي shipping international في السيرش مع نوعية التسوق وبيجيك الخبر
هل هي عملية مأمونه؟
نعم على حسب الموقع
وش المواقع المضمون مصداقيتها؟
وايد حتى المواقع الصغيرة
بكم يوم يشحنون البضاعة لك؟
على حسب كل موقع بعضهم على الوزن وبعضهم على سعر بضاعتج وبعضهم على مدة التوصيل.
هل تتغير المنتجات إذا وصلت هنا عن صورتها في الموقع؟؟
لا مش كلها ماقد جاني شي غير

** اذا بغيتي شي من مواقع ماترسل للسعودية خبريني وبقولج اذا اقدر اطلبه لج او لا

تحياتي لج
تحياتي لج
حلو حتى انا ودي اجرب بس خايفه ومااعرف
لكن وش ذي بطاقة المشتريات اللي من البنك؟؟؟ وكيف؟ يعني لازم لما ابغى اشتري استخدمها؟؟؟ مايصير ببطاقة الصراف العادية؟؟؟ او بطاقة الفيزا؟؟
بالنسبة للامان...الموقع يذكر لج اذا كان امن او لا...وخصوصا المواقع اللي تابعه للياهو تكون امنه 100%
إكسير~الحياة
مرحبا

بطاقات المشتريات يمكن تقصددين فيها اللي هي خاصه من البنك
احنا عندنا تكون مجانيه من البنك فقط للأمآن يعطونج ياها
يعني هي افضل بقليل من الفيزا كارد في مسألت الأمان لان لها لمتد اقل من الفيزا

الفيزا والماستر كارد هم اللي تقدرين تستخدمينهم على طول في الانترنت
والمشتريات او بطاقة النت هذي بعد
لكن بطاقة الصراف العادية لا ماتقدري تستخدمينها

كلام الاخت العزيزة ام ياسمينا صحيح ولازم تقرين شروط الموقع في الامان
والضمان ،، يعني اذا ماوصلتج طلبيتج هل ايرجع لج فلوسك او ايقول لك مب شغلي

فهمتي علي ان شالله اكون افدتك


الساعة الآن 02:53 .