كيفكم حوائيات
سبق أني نزلت دورة ماك على 3 جلسات
أخذتها من أحد المنتديات
وجتني طلبات باكمال باقي الاجزاء مع اني نزلتها كامله
لذلك راح انزل جميع الجلسات في هذا الموضوع
نبدأ على بركة الله((مو شرط انك تستخدمي من ماركة ماك لكن هنا كمثال فقط))
نقاط مهمه قبل بدايه اي مكياج :
1- لازم نستعمل سكراب للبشره مرتين بالاسبوع
2- اي بشره محتاجه لترطيب حتى البشره الدهنيه والمختلطه
اول شي نستعمل البخاخ الفكس تقريبا 4 بخات على الوجه كامل بما فيه العيون ونخليه لمده دقيقتين عشان تمتصه البشره
بعدين نحط كريم المرطب ويكون بكميه = ملعقه صغيره بس طبعا ما راح نستعمل كريم دهني
لا راح نستعمل الكريم اللي بماء مو دهن
مو تحطون 5 نقط هذا غلط كميه وافره ونستمر بالتدليك للوجه والعيون من تحت لفوق لحد ما تمتصه البشره
ونحط البرايم وهذا يعطي لمعه للبشره
بعدين نحط الكونسيلر ويكون بكميه بسيييييييطه نحطها على الاصبع ونبتدي نسخنها بين الاصابع عن طريق الفرك
يعني تفركون اصابعكم ببعض وبعدين تحطون الكونسيلر بالصبع عن طريق الضغط على كل العين من فوق لين
تحت مو تنسون جهه الأنف كل العين بدون استثناء
وبالنسبه لحب الشباب والبقع الحمرا على الوجه نحط عليها شويه من الكونسيلر عن طريق ضرب الفرشاه عليهم عده مرات وشويه مزج حتى تمتصه البشره وما يكون متكتل بمكان واحد
وبعدين نختار كريم الاساس اللي يريحنا سواء السائل او المضغوط الكريمي انا اخترت هالنوع
وشلون نختار اللون المناسب؟؟؟؟؟؟؟؟؟
طبعا اغلبنا يستخدم اليد عشان يشوف اللون مناسب والا لاء !!!!!! غلط
وبعضنا يستخدم الذراع من جهه راحه اليد !!!!!!!!!!! غلط
والشطار يستخدمون بشره الوجه يعني الخد مثلا !!!!!!!!!!!1 بعد غلط
المكان الصحيح هو تحت الرقبه اي قريب الصدر
تعرفون ليش؟؟؟ لانا يوم نحط كريم اساس المفروض يكون لون بشرتنا موحد من الجبهه
لحد الصدر فلما نختار لون الصدر او نهايه الرقبه ونحطه على وجوهنا ما يحتاج نلطخ الرقبه
والصدر بكريم الاساس واذا سويينا هالحركه بتطلع بشره الذراع مختلفه !!!!!!
بعد ما تختارون اللون تبتدون تحطونه بالفرشاه من تحت لفوق ولما تخلصون تمسحون بالفراشه اخر مسحه تكون
من فوق لتحت عشان الوبر الموجود على البشره ينام وما يبان مع الاضاءه
بعدين تجيبين كريم اساس مضغوط او بلاشر اغمق من لون بشرتك بدرجتين عشان تخفين عيوب الوجه
وعشان وجهك ما يبين مسطح ويبرز في مواطن الجمال
وتجيبين فرشاه وترسمين مكان البلاشر اول شي وبعدين اطراف الأنف الجهتين بس تبتدين الرسم من نص الحاجب
يعني ترسمين اول شي من تحت نصف الحاجب لي نهايه الأنف فهمتو؟؟
وبعدين ترسمون خط من الجبهه وتمشي على اطراف وجهك لين الاذن وتنزلين على اطراف الوجه
لين نهايه الذقن يعني تحددين وجهك كامل بهالشكل بيكون وجهك بارز وخفي عيوبه ومب مسطح
يتبع
7
7
7
مره ثانيه
تحطين اللوز بودر تحت مكان البلاشر وعند الذقن والمنطقه تحت الأنف لين الشفايف وحول الشفايف شوي
وبوسط الجبهه وحول العين
طريقه رسم العيون
لرسم العيون3 طرق :
1- العيون الهنديه
2- السموكي
3- طريقه العين اللي تكون نصها بلون فاتح والنص الثاني بلون غامق
طبعا في ناس تحط لوز بودر تحت العين بكميه كبيره عشان ما تتناثر بقايا الشدو تحت العين
و انا ما انصح بهالشي لان بعد ساعه او ساعتين راح تلاقين خطوط بالعرض تحت عينك
ولتفادي هالمشكله اشتغلوا على العين قبل واخر شي حطو كريم الاساس والبلاشر والروج
اول شي طبعا تحطين الفكس والكريم والكونسيلر واللوز بودر على العين بنفس الطريقه اللي تعلمناها بالجزء الاول
بعدين رسم العين من داخل تحطين القلم فبدايه العين وتسكرين عيونك وتسحبين القلم لنهايه العين عشان ترسمين العين من داخل
وعيدي عليها كم مرة عشان تتشبع العين بالكحل
بعدين ترسمين خط من فوق العين من بدايه العين لين تقريبا نص العين او اكثر
بهذي الفرشاه
رقم الفرشاة 219
وهذا الكحل بس باللون الاسود
بعدين ما تمشين ويا رسمه العين وانتي ترسمينيها لا
(هذي رسمه العين يوم تمشين مع خط العين وهذا غلط)
لما توصلون لنص العين ابتدوا ارتفعو شوي عن العين عشان الخط يجي فوق شوي
بعدين تعبين المسافه اللي تركتيها بين خط الكحل اللي سحبتيه على فوق ورمش العين
وبهالشكل نفسه ترسمين العين الثانيه
بس بتلاقون صعوبه في معرفه اشكثر ترتفعون عن العين؟؟؟
جيبي قلم او فرشاه المهم شي مستقيم
حطي بدايه القلم على زاويه الانف من تحت ومدي القلم لحد زاويه العين الخارجيه
موترسمين خط لا بس حطي القلم على وجهك
الحين شفتي الخط اللي صار بين زاويه العين الخارجيه والحاجب
هذا الخط لازم ما تطلعين منه ابــــــــــــــــدا عشان تكون رسمه عينك مثل العين الهنديه
و بعدين تحطين مسكرة
يتبع طريقة السموكي
7
7
7