السلام عليكم ورحمه الله وبركاته
يايبه لكم حلا الجزر ماخذته من وحده هنديه تقول هذا الحلا المفضل عندهم في الهند طبعا كل من سمع بالجزر قال وع بس لما يطعموه يقولوا يجنن وانا اول وحده قلت وغيرت رائي

مسويته في خامس العيد كل ما اجهز الموضوع يحصل خلل في النت ويروح كل التحميل اللي سويته مليت من كثر ما حملت الصور

بسم الله الرحمن الرحيم
وبه نستعين

المقادير
1 علبة بسكويت شاهي مطحون
1 علبه قشطة اي نوع
1 كاس سكر
1 كاس جوز هند
1 كاس جزر مبشور ياريت يكون الجزر ماله طعم لان بعض الجزر يجي نكهته قويه وراح يخرب الطعم
معيار الكاس يكون بكاسه الجبنه الطويله للاسف ما صورتها اتوقع انها معروفه



اول شي نجيب زبديه ونطحن البسكويت ونحطه فيها


وبعدين نقوم نبشر الجزر


نجيب صاجه ونحط فيها الجزر والسكر ونولع عليها النار لا تحطي ماي لان راح يخرج ماي من الجزر


راح يكون شكله في البدايه جذا مع الماي اللي راح يخرج من الجزر


وهذه الصورة تقريبا بعد ما نشف


وبعدين نجيب الزبديه اللي حطينا فيها البسكويت المطحون ونحط فوقها القشطه والجوز الهند


وبعدين نضيف فوقها الجزر اللي حمسناه مع السكر


يتبع



ارجعي اعجنيهم كلهم يفضل بالملعقه لان راح يكون حار من الجزر


بعد ما نخلص نجيب جوز هند غير الكاس الاول هذه للدحرجه


وناخذ قطع صغيره ونكورها ونحرجها بالجوز وهكذا حتى نفاذ الكمية


وحطيها بهذا الصحن اذا كنتي بتسيري فيه يغش يحسبوه جاهز


اما اذا كنتي في البيت حطيه باي صحن انا عن نفسي حطيته بهذا الصحن





وبالعافيه على قلوبكم
هالله هالله بالردود اول مره اتعب من التحميل لوع جبدي بغيت اهون من كثر ما اعيد التحميل من خامس العيد وانا احاول انزله

سوري على الاطاله بس حبيت اوضح كل شي بالتفصيل اي استفسار انا حاضره
لكم احلا تحيه مني
تقبو فائق تحياتي


مشكووووووووووووووره تسلمين وان شاء الله اجربه
تسلم يدك ،، الله يعطيكِ العاافيــــــــة
مشكووووووووره..امي تصلحه احيانا بصراحه لذيذ


الساعة الآن 07:56 .