صدى الاشجان
الله يخلي زوجك لك

التايلنديات هم اللي حيركضوا ورا رجلك ...
انا مارحت هناك بس كنا في ماليزيا وشفت زوجين جايين من هناك والزوجة تقول لي يسرقوا الكحل من العين
وفي الليل يلبسوا حريمهم من غير هدوم وتجي تمسك يد زوجك رغم انك بجنبه وقدامك والزوجة هذه حلوة وراقية وزوجها مو شكله تبع هالحركات

عموما اذا رحتي هناك علمينا وش اللي يصير

وتروحي وتجي بالسلامة
مشكورة اختي صدي الاشجان والله انج ضحكتيني علي العموم انا اعتبرها وصلت تصدقين انا كنت حاجزه علي بانكوك في 5/8 /2004 ومرتبه كلشي حتي الثياب اشتريناها لكن اخ من كلمة لكن
اشتغلت احين من اربع ايام وتفركشت السفره وريلي يعايرني كل يوم يقولي ها تبين تسافرين والا تشتغلين اموت من القهر
اما بالنسبة انهم يسرقون الريايييل فهذا انا اعتبره مبالغ فيه التايلنديات ما يخصهم في حد تشوفين كل وحده في حالها انتي بتسيرين وبتشوفين بنفسج شعب ما يخصه في حد بس الاجانب هم الماصخين بتشوفينهم هم الطفاسه اللي فيهم انا ما ادافع عن الشعب التايلندي بس هذا اللي انا شفته وحبوبين والوحده اللي واثقه من ريلها ما بتخاف وعلي قولتج ترانا نستوي لزقة عنزروت ما نفج عنهم ولا نخليهم يتنصخون
تسيرين وتردين بالسلامة اختيه
مشكورة يا وردة الشارجة .الله يسلمج ويسلم كل من يغلى عليج ومبروك الوظيفة والسفر لاحقة عليه ***** الله في أقرب اجازة سافري ..
الله يبارك فيج اختيه ان شاء الله انا ناويه علي اجازة الربيع ما افوت (:
المهم قولي لي انتي استفدتي من موقع منتدي العرب المسافرون والا لأ بالنسبة للفنادق احنا نسكن كل سنة في فندق غراند برزدنس الصراحه الفندق روعه وما عليه قصور وهو يتكون من 3 ابراج شي عندهم الغرفه العاديه وشي غرفه صاله لكن سعرها نفس سعر الغرفه العادية وعندهم بعد غرفتين وصاله ومطبخ صغيروني وتقدرين تطبخين في كل الغرف احنا نسكن في البرج رقم واحد ويوم ماشي مكان نسكن في البرج رقم 2 لانهم متجابلين اما البرج رقم 3 فتعبرين الشارع بيني وبينج البرج رقم واحد احلي وفي كل غرفه من الابراج الثلاثه فيه مكروويف وثلاجه ومسجل وفيديو وتلفزيون واذا خذيتوا غرفه وصاله بعد في الصاله وحجرة النوم تلفزون وتجوري ( صندوق لحفظ الفلوس الجوازات ) ومغسله في في كل الغرف عشان اذا بغيتي تطبخين يعني شي خفيف مثل الريوق بعد هم حاطين لج فوق المغسله مكتبة فيها 6 كاسات للشرب وكاسات العاديه مثل اللي يحطون فيه الايس كريم عرفتية اللي فيه مثل العصي الطويله من تحت و6 خواشيق يعني من كلشي 6 مثل السجاجين وكاسات الحليب مع صحونها وصحون حق الشوربه وصحون حق الاكل
والارضيه كلها رخام وقنفات من الزين واذا يلستوا فيه 9 ايام يسون لج خصم اما اذا يلستوا فيه اقل بيكون السعر عادي وانتو وشطارتكم يمكن تقدرون تكاسرونهم بعد
وهذا الفندق قريب من منطقة العرب يعني تقريبا يبالكم مشي من 10 الي15 دقيقة مشي لكن ما بتحسون بالمشي عشان الشارع اللي بتسيرون فيه الين منطقة العرب فيه كله كشكات ومحطة القطار اللي يوديكم الي السناتر
ملاحظة : احنا يوم نسير الفندق اشل وياييه اشرطة للمسجل واشرطة فيديو حق الصغارية والسوني عشان افتك من حشرتهم (:
اذا بغيتي العنوان قوليلي عشان اكتبه لج واذا بغيتي اي معلومه ثانية اكتبي لي وما تردج الا ايديج اللي تكتب علي الكيبورد
انا ما قدرت اكتب لج عن الاسواق والحدايق عشان انا قلت اكيد بتقرينه من موقع العرب المسافرون
وبعد قوليلي اذا كنتي تسافرين اول مره بانكوك
وبالنسبة عن التايلنديات والكلام اللي يقولونه فانا اقولج كله كلام في كلام محد يسرق الرياييل من حريمهم من والطريج فيه من هذي النوعيه بس الديسكوات اما في الشارع والاسواق والسناتر فانا اقولج اياه لا تخافين وتحاتين محد بيتعرض لكم وانتي بتشوفين ها الشي بنفسج
متي ان شاء السفره بتسيرين بس بانكوك والا بتلفين الجزر
اسفه علي الاطاله حبيت اساعدج
ملاحظة : نسيت ما كتبتها قبل توني ذكريتها تقدرين تشيلين وياج جوله صغيرون هذي السودا المدوره اللي يبيعونها ب20 درهم عند اللي يبيعون الوعيان تسويين فيها اي شي مثل النودلز والحليب وبيض وطماط وفول الخ
اشاءالله عليج يا اختي وردة الشارجة

الصراحة شجعتوني اسير الها
مع انا امقررين انسيرلها السنه الياية


الساعة الآن 02:18 .