والله يابنات انا متعقدة من الطبخ والمشكلة في البهارات ابيت اتوفق في اختيارها وصرت اكشن بالفلفل الاسود والكمون والكزبرة ومشي حاله تكفون يابنات وانا داخلة على الله ثم عليكم اللي تعرف خلطة لبهارات تقولي مقاديرها اوجاهزة في السوق تقولي اسمها والله العظيم اني كرهت الطبخ واللسبب البهارات
اختي البهارات باب كبير يعتمد على ذوقك في اختيار الطعم المناسب لك واللي ترغبين فيه
يعني يختلف من ناس لاخرين ومن بلد لاخر
بالنسبة لي كوب كزبرة ناشفة وربع كوب كمون وربع كوب فلفل اسود اغسلهم وانشفهم ساعتين على المروحة مع التقليب وبعدين اطحنهم نااااعم وخلاص هذه بهاراتي المطحونة الاساسية لكل الطبخ واذا طبخت الكبسات اضيف بهارات كاملة زيادة مثل ورق الغار والقرفة والهيل والقرنفل والخولنجان وزنجبيل مطحون واحيانا كركم وممكن الزعفران واحيانا للدجاج كاري
والايدامات اكشن ببصل وثوم وبهارات مطحونة فقط مع فلفل حار وفلفل بارد
وشوربة الشوفان الوحيدة التي اضيف لها الشيبة
الزعتر البري البربيكا والسماق والزعتر ووووكل البهارات لها طعم خاص وحلو وكلا له استخدامه الخاص
انت اي وصفه بطبقيها اقرائ عنها اول عشان تستفيدي من خبرات البنات
وموفقة
البهارات البحرينيه مررره حلوه تلاقينها عند الي يبيعون مكسرات
اقتباس مشاركة  (سارا)
البهارات البحرينيه مررره حلوه تلاقينها عند الي يبيعون مكسرات
انا من الجنوب ياقلبي بس القاها في الاحساء
إذا لكي خلق تسوينها بنفسك أبشري روحي للعطار أطلبي بزار مشكل حب ماطحن كمون وكزبرة وفلفل أسود وبصل ناشف وإن حبيتي ثوم ناشف وهيل وقرفة وزنجنبيل ناشف وكركم ومسمار وبعدين اعزلي الكزبرة والكمون وحمصيها شوي بس تاخذ حرارة المقلى والباقي دقيه بالنجر عشان يسهل عملية الطحن وثم اطحنيه وحطيه بعلبه واستخدميه اطلبيه نص كيلو عشان إن ماعجبك ماتتحسفين ونصيحه ثانية إذا عندك كمون -فلفل أسود-كركم-زنجبيل-هيل كل نوع لحاله مطحون كويس لما تجين تطبخين أي شي حطي مكيال من البزار المشكل وابدأي حطي كل نوع مطحون منها لحاله وشوفي وش بيكون طبخك أهم شي أعرفي كيف تكيلين اتمنى أكون أفدتك ودعواتك لي بالذرية الصالحةوصلاح الحال وحسن الخاتمة آميين


الساعة الآن 11:55 .