يوه انتي ماتدرين ان في ناس ازمتهم الازليه كل سنه هي المواصلات !!

وخصوصاا الطالبات..

فانصحك بشده لاتترددين

وتوصيل المعلمات والطبات والله مربحه مررره ومضمونه بس انتي لاتستحين

شوفي العاديات للنقل .. كانت بدايتهم كم سياره .. والحين ماشاء الله فوق ال 400 سياره هذا اذا ماوصلت الضعف الحين ماشاءالله

لان زي ماقلتلك في ازمه مواصلات للطالبات والمعلمات

واسال الله ان يرزقك الرزق الحلال
20-10-1430 هـ, 12:58 صباحاً
 
بالعككككككككككككككككككس هذا المشروع بالذات ناجح مليون بالميه بإذن الله خاصه اذا كنتي بالرياض
قريت قبل كم يوم في مجله ان وحده بدت كذا نفسك بسواق وسياره هي شاريتها وقامت تنقل المعلمات لين صار عندها اسطووول كامل من الباصات وصار لها شركه معروفه بالرياض لنقل المعلمات والطالبات وحتي تحفيظ القران اللي بالعصر<<ماشاء الله عليها...والتجاره مافيها حياء. بالعكس شطاره.إذا بتستحين ماراح تسوين شي...واذا مستحيه منهم وزعي اعلان ولزقيه بهالشوارع وشوفي الأتصالات خاصه من بنات الكليات<<معانيه كثير
الله يوفقتس بهالمشروع ويصير لتس شركه وتنقلين حتى للمدن الثانيه
20-10-1430 هـ, 04:57 صباحاً
 
عادي ياقلبي ماهنا إحراج ولاشي
أنا ولد اخوي لاشغل ولا مشغله ينقل بنات ب250 او200
وأغلبهن أقارب لنا مش مشكله يعني ومو لازم ينقل زميلاتك خليه ينقل مدرسه أخرى إذا كنتِ منحرجه من زميلاتك
وباالتوفييييييييييييق لنا ولكم ياااااااااارب.........
20-10-1430 هـ, 07:23 صباحاً
 
مشروعك في بالي من فتره وافكر اقول لمدرسات بنتي في مدرستها

بس بشوف وشلون دومات اولادي علشان اقدر اعرف اذا اقدر انسق بالوقت او لا وبعدها ان شاءالله اتوكل على الله

يعني لاتترددين يااختي اهم شي يطلع راتبه ويريحك منه
20-10-1430 هـ, 07:46 صباحاً
 


الساعة الآن 01:03 .