عندي طريقه سهله وتجنن يمي يمي

اول شي الله يسلمك جهز المقادير:

قدر صغير << : )

فنجان زيت
عود دارسين ( قرفه)
3 حبات هيل
3 حبات مسمار

كاس رز مغسول زين
كاسين مويه مغليه

شوي بصل مقطع صغير جدا

دجاجه مغسوله زين ومفروكه بالملح

فلفل حار ( احمر او اخضر اللي تفضل )

م ك ملح خشن او ناعم

م ص ماجي ابيض

الكشنه : نص بصل مقطع صغار + نص فلفل رومي اخضر واحمر + م ص صلصه طماطم + م ص بهارات مشكله + رشة فلفل اسود + م ص زنجبيل طازج مبشور + ربع اصبع زبده وم ك زيت

الطريقه :

1/ تحط الزيت بالقدر لما يحتر شوي وتضيف عليه القرفه والهيل والمسمار وتقلبهم بالزيت لما ينتفخون ويتغير لونهم
2/ تضيف البصل و الدجاجه وتحركها بعدين تضيف الكاسين مويه والملح والماجي الابيض وتخليهم يغلون لمدة نص ساعه بالضبط
3/ بعد النصف ساعه تشيل الدجاج من المويه وتحط الرز وتخليه على نار عاليه لما يفور شوي وبعدها تقصر عليه وتخليه نص ساعه او 45 دقيقه
4/ لعمل الكشنه : تذوب الزبده وتضيف عليها كل المقادير ( البصل والفلفل الرومي والزنجبيل والبهارات والفلفل الاسود والزيت ) وتضيف عليهم الدجاجه اللي طلعتها وتخليهم لما يتحمرون شوي

اذا استوى الرز ونشفت مويته حطه في صحن التقديم وحط عليه الكشنه وياسلاااام وبالعافيه
سبحان الله وبحمده .. سبحان الله العظيم


الساعة الآن 01:22 .