الفارس يعتبر عادي اكله بس انا انصحك لوجهه الله ابعدي عنه.. لآن شغله شوي ويفشل يعني كسيف ولا يشرف اقصد في كميته ومهما زدتي فتراهم ما يتجزلون ويبيضون وجهك..وهذا اسمعه كثير عنهم...
اما ماريز فأنا عزمت يمكن 15 حرمه وطلبت اشياء متنوعه كلفتني حول 3 الاف ويوم جابوه طاح وجههي
تقولين شغل بزارين كل واحد وعشاه..مررررره تفشلت وكان بارد ومتأخر وبطيئيين في ترتيبهم..مدري احس ربي ما وفقني فيهم والا اشوف غيري يمدحونهم ..بس انا اظنه من اللي اتعاقدنا معه شكله مايدري وش القصه الظاهر توه متوظف مدري وش حكايته لكن كانت عزيمه لايمكن انساها
بس مره زوجي اتعاقد مع قصر الرياض للاحتفالات حق 30 شخص وكان شغلهم يواجهه مررررره وكشخه... وواضح انه حق اوتيلات, طاولات راهيه, ومعاهم 6 جرسونات يخدمون بالاكل ويتحركون بخفه تقولين كنهم خليه نحل ومره تعاملهم زين ونفسهم حلوه..والظاهر ماكلفه الا 4 الاف فقط من غير الذبيحه..مع الفواكهه وطالة الحلى...وكان مبسوط منهم مره...
وفيه بعد حق قاعة ليالي مره لذيذ اكلهم.. وتموين الخليج حق الطيران يتعامل معهم قصر الحمراء...شوفي وش الاصلح وشاوري.
وبالنسبه لغرابة الديكور فعلا مالك الا المحلات النسائيه هم اللي عندهم إبداع...بالنسبه للمحل اللي في مملكة المرأه هذاي مؤسسة ميراج تبع المليجي..مدري احسه غالي واول كان مشهور عشان مافيه الا هو بس الحين طلعت محلات تنافسه وارخص منه ....ويبيلك لفه عليهم تلاقين في العروبه محلات كثيره ..خذي فكره عنها قبل اذا عندك وقت..
تحيتي..وعزيمه موفقه
11-05-1425 هـ, 07:27 مساءً
 
نسيت اقولك ..
لا يفوتك برج الحمام اكله لذيذ مره بس ما سبق لي اخذت منه حق حفله
11-05-1425 هـ, 08:04 مساءً
 
أقول تذكرت قبل فتر ةكنت معزومة عند وحدة من قريباتي بالرياض وكانت مسوية عشاء بوفيه وااااااااااااو لذيييييييذ جداً وراااااقي الفطاير ملفوفة بأشكال جداً راقية ومشهية والأطباق الرئيسية مضبوطة بس أظنها كانت جايبة الحلى من عندها ماني متأكدة والأحلى من هذا إنها تقول ماكلفهم ذاك الشيء تبين تعرفين من فين ؟










كانوا مجموعة بنات سعوديات خريجات كلية الاقتصاد بادين لهم بمشروع تموين حفلات حتى سوت عندهم المالح اللي مع الشاي بصراحة على قد ما شفت عند هالمحلات شغلهم ألذ وبالشكل أحلى وأرقى وأغرب تبين أسأل لك عن رقمهم ؟ ولا خلاص خلصت ؟
11-05-1425 هـ, 08:41 مساءً
 
السلام عليكم

تكفين يا سـعـــ أم ـــــود أنا أبي رقمهم إذا ماعليك كلافة

الله يجزاك بالجنة..

أبغاه لأعز صديقاتي عازمة أخـت زوجها...وحريصة جدا أن عزيمتها تشرف(عاد تعرفين الحمولة)

وجزاك الله خيرا..
ولا حرمك أجــرا...

وسلمت لأختك..
12-05-1425 هـ, 01:10 صباحاً
 
الله يعطيكم العافيه جميعا
واذا تتكرمين يا ام سعود تعطيني رقمها
والله اني منحاسه الحين ما خليت مطعم ولا فندق في الرياض ما رحت لهم بس انشاء الله ربك يسهل
12-05-1425 هـ, 05:24 مساءً
 


الساعة الآن 11:28 .