Analysis Services
بنات وشلون اسوي الكنافه المفروكه
وهي زي اللي ام شعر بس مفروكه.......؟؟
وهل ممكن اسوي كنافه بقشطه الخفق؟؟ وواللي تعرف وشلون الطريقه....

ووش ممكن اسوي اكلات بقشطة الخفق؟؟اللي كرتونها لونه ازرق.....
جزاكم الله الف خير......
10-05-1425 هـ, 04:57 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اختي الصورة هذي طريقتي في عمل الكنافة شوفيها يمكن تعجبجكنافتي على ضمانتي
المقادير :
1 باكيت شعيرية الكنافة ( انتاج قبرص ) مقطعة قطع صغيرة بالسكين وايد أسرع من المقص أو اليد .
1 باكيت زبدة لورباك 227 غم (غير مملحة) تذوييها على النار
1 كوب ماء ورد + ملعقة كبيرة صبغة زعفران
الطريقة " ضعي الكنافة المقطعة في طاسة عميقة وصبي عليها الزبدة وافركيها بيدج ( لبسي قفاز بلاستيك ) لحد ما يتشرب الشعيرية بالزبدة ما تخلين ولا شعرة لازم تكون مدهونة .
حطي ماء الورد والصبغة واخلطي الشعرية لحد ما تصير كلها لونها برتقالي.

الحشوة:
4 ملاعق كبيرة طحين رقم واحد.
3 كاسات حليب نيدو وماء
استكانة ( بيالة ) سكر
استكانة شاي ماء ورد
2 قيمر( قشطة )

الطريقة:ناخذ كاسين ونص حليب نغليهم على النار.( يبقى نص كاس )
في قدر نحطي نص كاس الحليب اللي بقى مع الطحين وبيالة السكر .

نضع القدر على النار ونصب عليه الحليب المغلي بالتدريج ونحركه بسرعة بملعقة خشب ( ما عندج مب لازم )ونظل نحركه حتى يغلظ القوام وتطلع الفقاقيع ويصير مثل المحلبية .ارفعيه عن النار وحطي عليه 2 علبة قيمر أو قشطة

الحين شغلي الفرن من تحت على نار هادية

نحضر صينية متوسطة وندهنها بالزبدة
نقسم الكنافة قسمين نضع القسم الأول وبعدين طبقة الحشو وبعدين طبقة الكنافة.
وزعي قطع صغيرة من الزبدة على الزوايا والوسط
ضعيها في الفرن على نار هادئة جدامن الأسفل لمدة نصف ساعة ثم من أعلى وانتي واقفة عندها لأنها بتحمر بسرعة والأفضل تتركين الفرن مفتوح وتشوفينها لما تحمر
بعد ما طلعتيها من الفرن اسقيها بالقطر( 2كوب سكر + 1كوب ماء+ قطرات من الليمون )
اتركيها شوي تبرد بعدين اقلبيها في صينية التقديم وزينيها بالفستق الناعم


صحتين وعافية
10-05-1425 هـ, 03:53 مساءً
 
شكلها لذيذه بس دسمه
11-05-1425 هـ, 02:34 صباحاً
 
طيب وش ممكن اسوي بقشطة الخفق؟؟؟؟؟؟؟
وش استخداماتها؟؟؟؟؟؟
11-05-1425 هـ, 03:06 مساءً
 


الساعة الآن 12:23 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏