Analysis Services
بنات الله يعافيكم ودي أبدأ مشروع فيه أشياء أرفضها وهي البيع والشراء ماأحب تجارة البضائع أيا كانت لأني ماأحب أحد يعرفني والتجارة هذي متعبة ربحها بطيء
أسمع كثير عن شراء قطعة أرض وتركها حلو طيب إلى متى نشري أراضي ونتركها
ممكن أبدأ بمشروع يدر علي في نفس السنة مو أنتظر قطعة الأرض سنتين ثلاث
أعرف إن العقارات مناسبة للي مثلي ماعندهم صبر
السؤال وش المشروع اللي يدر علي ربح كبير ؟؟
هل أشتري إستراحة وأجرها ؟
هل أشتري شقة تمليك ؟
هل وهل ما أدري
مشكلتي مالي أحد يساعدني أخواني ماهم فاضين لي يتابعون مشروعي ويأسسونه معي
هل الواحد يجمع لمشروعه ولا يأخذ قرض ويبيع اللي عنده عشان يأسس مشروعه
الله يوفقكم
15-10-1430 هـ, 07:09 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا المها

شوفي مافي شي اسمه ابي مشروع ويجيني ربح من غير صبر

مافيه الا الاسهم هي اللي ربحها في اليوم لكن متى اذا كنتي فاهمه فيها او عارفه احد له باع طويل بالاسهم يشغل اموالك لكن ترا حرقتها في الخساره اعظم


بحكم انك ما تبين التجاره

حطيها في استراحه واجريها يومي او شهري او حتى سنوي كيف ؟؟

مثلا سنوي بحيث كل يوم خميس من السنه معروف انها اللي مستاجرها فلان ادمي تكوني اجرتيه بالسنه ارخص من انه ياخذ الخميس في اليومي لكن هالفلان ما له دخل بيوم الجمعه وغيره من الايام

واجري بشكل يومي او نص يوم يعني من 6 الصباح الى 4 العصر ومن 5 العصر الى 3 الفجر وهكذا

وهذي فيها مربح لو كنتي في منطقه مأهوله بالسكان مثل الرياض وغيره وشيلي ايام العيد من القائمه السنويه لان ربحها كبييييير واسعارها غير

هذا اذا تبين سعر ماشي لك كل شهر بيجيك ربح


لكن الشقه التمليك هذي ارباحها ما تجيك الا بالسنه مره يعني فيها صبر خصوصا على حسب ضروف المستاجر

بس فيه عندك محلات الفول والتميس او محل البخاااري او مغسلة الملابس هذي ارباحها عاليه والمشروع تكلفته بسيطه مقابل الربح
بس شوفي لكناس يشتغلون صح فيه

والله يوفقك يارب
15-10-1430 هـ, 07:46 مساءً
 
مشغل مغسله ماانصحك فيهم خصوصا اذا انتي من سكان الرياض

بالشارع الواحد 5 بقالات على 5 مثلهم مغاسل وزيهم مشاغل

لاكن فكره الاستراحه وانك تأجريها يومي مرة رااايقه

كل السنه مو بس فتره العيد والصيف بس يكون اجارك بالمعقوول وبمنطقه حلوة
15-10-1430 هـ, 07:58 مساءً
 
مووووفقه اختي الله يرزقك ياكريم
15-10-1430 هـ, 08:12 مساءً
 
اهم شي دراسة المشروع من كل الجوانب
ماتنفع العجله
15-10-1430 هـ, 08:12 مساءً
 


الساعة الآن 05:12 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏