اهلين اختي انتي تقصدي فته الحمص
هذه طريقتها و***** الله تعجبك

المقادير
2 رغيف خبز عربي كبير مقطع
3 كوب حمص حب منقوع ومسلوق
ربع كلغ لحمه مفرومه
ربع كوب صنوبر مقلي
3 ملاعق عصير ليمون
3 ملاعق طحينيه
3 ملاعق لبن
ملح
حر احمر بودره حسب الرغبه ممكن الاستغناء عنه
بقدونس مفرومه
رشه كربونات صودا

الطريقه
اولا بتنقعي الحمص مع رشه كربونات الصودا ليله كامله وتاني يوم بتغسليه وبتسلقيه بكميه ماء لحد ما تستوي حبه الحمص
والان تاخدي نصف الكميه وبتحطيها بالخلاط و وعلى المزاق زيدي او نقصي كل من الطحينيه واللبن وعصير الليمون وملح وخفيفيه بمرقه الحمص الي سلقتي فيها واخلطيهم بالخلاط هيك بيتكون عندك متبل الحمص العادي.
اقلي اللحمه المفرومه بشويه زيت وملح وبهار وحطي عليها الصنوبر المقلي وحطيها على جنب.
والان جيبي وعاء او صينيه بايركس وحطي الخبز المقطع وبعدين سقيه بمرقه الحمص ثم حطي القسم التاني من حمص الحب وبعدين المتبل الحمص بحيث تغطي الوجه كامل والان وزعي اللحمه والصنوبر(واذا بتحبي حطي اللحمه والصنوبر بوسط الطبقات بعد الحمص الحب انا هيك بعمل) وبعدين زيني اخر طبقه بالحر الاحمر البودره والبقدونس بالطريقه الي تحبيها
وصحتين وعافيه

***** الله تعجبك
أم تامر .. مشكورة حبيبتي وهاذي اللي انتي قلتي عنها صح مية بالمية يعني الأكلة اسمها فتةالحمص تسلم ايدج واكيد تعجبني


الساعة الآن 12:02 .