مووووفقه اختي الله يرزقك
16-10-1430 هـ, 07:27 مساءً
 
اول شي طريقة توزيعك للاسعار يمكن هي اللي غلط

يعني مثلا لوقلنا راح تسوي صينيه مكرونه بالباشميل اوكي كيف راح تحسبي القيمه حقتها

راح تقولي علبة مكرونه ( قيمتها كذا ) + لحمه ( ) +>>> باشميل سواء الجاهز او انتي تسويه لنفرض جاهز ( بكت( ) + حليب( ) ) ولو كان انتي تسويه ( دقيق ( ) + بيض ( ) + زبده ( ) + حليب ( ) ) <<< + لوفيه طماطم او بهار او ملح او اي مكون صغير تحطيه ماجي او اي شي ثاااني () تحطي سعره اوكي طلع لنا النتيجه النهائيه

النتيجه النهائيه + الغاز او مثلا كهرب في حال فرنك كهرب == النتيجه النهائيه الثانيه

تجين تححدين تعبك كم يسوى من القيمه النهائيه مثلا 75% تطلعي نسبة 75% تضيفيها على النتيجه النهائيه الثانيه =طلعة النتيجه النهائيه الصاااااااافيه اوكي


نجي للربح انتي كم تبين ربح هل لك منافس حوليك او لا لو لك منافس راح تشوفي اقل نسبة ربح ما تضرك لو مالك منافس بتحطين ربح يعجبك ولو جودتك اكلك مرررررررررره واثقه منها والنكهه ممتازه اكيد بتحطين ربح ممتاز لك بجوده اكلك

النتيجه الصافيه + مثلا 25% او 50% او 75 % او حتى 300% تحسب لارتفاع اسعار المواد في السوق فكذا اسعارك حتكون ثابته حتى لو جبتي خادمه تساعدك بتعطيها نسبه تكون اسعارك ثابته ما تتغير وبكذا انتي حددتي السعر اللي ما يظلمك ابد


اتمنى اتضحت الصوره بس جيبي ورقه وقلم وابدئي اشتغلي على كل صنف خلي لك دفتر واحسبي كل صنف على اساس يكون مرجع لك لو حبيتي تغيري بالاسعار تعرفي وين راح تغيرين

وموفقه يارب
16-10-1430 هـ, 07:59 مساءً
 
مشكورين خواتي على الرفع وبالنسبه لشغاله انا بصراحه ما احب الشغلات ابد وما افكر اجيب شغاله - اختي نيراز انا فعلا احسب سعر المواد الغذائيه بس الربح اللي احطه محدود مثلا ورق العنب صحن فيه 60 حبه ب50 ريال الربح يكون 23 ريال وانتي عارفه ورق العنب شغله متعب ومع ذلك الناس دوم تقول غالي والكيك الربح 10 ريال يعني احيانا احس المشروع ما يسوى بس الظروف احيانا تحكم
17-10-1430 هـ, 01:23 صباحاً
 
عطر الليالي

انتي ما قلتي باي منطقه لاني بصراحه اشوف جده الاسعار تكون نازله والعالم ما تشتري الغالي هناك ابد


لكن الرياض لا فيهم يشترون الغالي وفيكي تحطي السعر اللي يربحك اشوف التعامل في الرياض اريح للتاجره من جده للامانه


لكن خلني اكون صريحه حبتين معاااك وين 60 حبه بــ 50 ريال على كذا انا بتعامل معاك ولا حق التعب

يا حلوه ورق العنب السمبوسه وهالاشياء الحبه تنباع على ريالين

ورق العنب تنباع الحبه بريال واحيانا بنص ريال متى ؟؟ تبين تعرفين متى وهذا اللي اكتشفته انك تجيبين هالتنك الكبار اللي ملفوفه خالصه واغسليها وصفيها زين من مويتها واصبخيها انتي ببهارك وكشنتك اللي تحبين شوي على النار بعدين وزعيها الحبه بريال والا بنص هذا اللي اعرفه

غير كذا اي شي ينباع الحبه بريالين مثل الفطاير والمعجنات والسمبوسه

ويالله الله يوفقك يارب
17-10-1430 هـ, 01:46 صباحاً
 
على فكره الناس مالك بالناس ابد

خليهم يقولون غالي اللي تقولك كذا قولي يالله الله يقويك شدي حيلك في بيتك واطبخي لنفسك

خليك قوية عين ترا والله ما يبيلهم الا كذا تعلمي من هالبنقاليه والهنود لما نجي نقولهم ليش غالي السعر هذا طوالي بكل قواية عين تبي تشتري ماما والا يالله روح فيه ناس اشتري ههههههههههه والله العظيم تعلمي منهم وهم اللي عايشين
17-10-1430 هـ, 01:48 صباحاً
 


الساعة الآن 06:57 .