بنات الرياض وين تطلعون تتمشون في هالصيفيه بصراحه اقعد افكر مليون مره اذا جيت اطلع مع زوجي وعيالي مانلقى مكان بسهوله

الله يخليكم ردوا علي
11-05-1425 هـ, 06:20 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
عندك الثمامه كلها اماكن من نصف نجمه الى سبع نجمات
عندك بعض المطاعم الحلوه
ايضا منتزهات داخل الرياض
غيرها الكثير
11-05-1425 هـ, 07:00 مساءً
 
السلام عليكم..

مثل ماقالت الاخت يارا الثمامة وفيه بوسط البلد حدائق حلوة عند دارة الملك عبدالعزيز والمتحف..

تحياتي
12-05-1425 هـ, 02:52 صباحاً
 
هلا اختي يارا بس الله يجزاك خير وش هي اللي من نصف نجمه الى سبع ما فهمت
والمنتزهات اللي داخل الرياض وش هي غير منتزه سلام
وماقصرتي ياعمري يعطيك العافيه على سرعة الرد

simplicity مشكوره اختي وجزيتي خيرا بس الله لايهينك اشرحي عن الحدائق اللي عند دارة الملك عبد العزيز والمتحف
والله يرفقك ويرعاك
اسمك وش معناته تعبت وانا اكتبه واقراه بعد بس اكيد حلو مثل راعيته
12-05-1425 هـ, 04:40 مساءً
 
حياك اختي
اقصد بسبع نجوم الي هي منتزهات كشخه محترمه في خدماتها مثل الفانتزي لاند وقرية الثمامه
وعندك بعد المرسى على الطريق الدائري عوائل وبجانبه مركزين مثله ولكن مادري هل هي عوائل ولا لا بعد.
وعندك حدائق كبيره في وسط البلد واخرهم تقريبا حديقه في الجنوب على الدائري مادري ايش اسمها نسيته يمكن النهظه او شي من هذا القبيل مفتوحه تماما ومو عائليه وبس .

اما النصف نجمه فهي منتزهات ماهي مستوى وماراح اذكر اسماء
وفيه طريق المدينه كذلك طريق المطار وبعض المطاعم فيها اركان للاطفال مع اهلهم واركان كبيره ماهي صغيره
بالنسبه لداخل الرياض ماعندي خلفيه كبيره عن اماكن العوائل- مع الرجال اقصد-لاني ماروح لها لكن ممكن تفيدك الي تروح مع زوجها وعيالها اكثر في هذا الامر

والثماثه هذي هي اكبر شي ممكن تلاقينه يوسع صدر العائله ولو كل يوم بتروحون لمحل من هالملحلات المنتشره على طول وعرض الثمامه بتخلص الاجازه ولا خلصت الروحات

واذا انت مثلي فاحلى حاجه تاخذين لك كيس فحم مع كم حطبه وتروحين بعد العصر للبر حدود الثمامه عند التلال الرمليه وتشوفين الغروب اشلون يكون مع دلة القهوه على النار ساعتها ... وصدقيني ماراح تنسين هذا المنظر وبتروحين له دائما خاصه ان كنت مثلي تهوين الصحراء وغموضها ..استمتعي بالشوي او لعب الكوره وماشابه من حركات البر.... الدنيا سعة صدر وعافيه ,هذا اقصى مطلب

وعندي لك اقتراح اخير
فيه بمكتبه جرير والمكتبات الكبيره خريطه لمدن السعوديه خذي خريطه الرياض وافتحيها
وبتلاقين فيها كل الحدائق والمنتزهات العامه بلون اخضر وبتوضيح كااااامل

اتمنى اكون افدتك
12-05-1425 هـ, 08:17 مساءً
 


الساعة الآن 08:53 .