وعليكم السلام ورحمة الله وبركاته

أنا كمان أشتريت نفس القالب وما زبط معايا الكيك أول شي طول في الفرن بزياده بس علشان أبغاه يستوي وثاني شي لما طلعتوه من الفرن كان قاسي زي الحجر

بالنسبه لتنزيل الصور
أنا كنت زيك ما أعرف بس من فتره بسيطه قريت مواضيع البنات وأستفدت منهم الله يعطيهم العافية
1- روحي برنامج الرسام على جهازك و أختاري الصوره إلي تبغينها وأضغطي على جهة اليمين كلمة (صوره)وأختاري تغيير حجم الإنحراف وأكتبي الرقم بالنسبة ليه أكتب رقم 60 أو 50 وأختاري موافق وأحفظي الصوره في جهازك
2- بعدين روحي أي موقع تحميل أنا أحمل من هذا الموقع لقيتوا في موضوع وحده من البنات وما شاء الله سريع http://www.arab-box.com/ أدخلي على إستعراض وأختاري 3 صور بعدين تحميل
3- بعد ما تتحمل الصور أنسخي أول رابط مكتوب جنبها ( كود وضع الصورة في المنتدى ) ولصقيها في موضوعك وراح تتطلع الصور بإذن الله

معليش طولت عليكي وشرحي أي كلام بس إن شاء الله تستفيدي وتفهمي وإذا ما فهمتي أنا حاضره أعيد الشرح
عزيزتي بالنسبه لعدم نضج الكيك ممكن كانت درجة الحرارة اعلى من المطلوب و كمان يبغالها وقت اطول لحتى ماتنضج , مبدئيا حمي الفرن مسبقاً لمدة خمس دقائق و خلي درجة حرارة الفرن 177 C أو 350 F طبعاً إذا كنتي مخلي درجة حرارة فرنك أعلى من كذا فأكيد هذا الخطأ اللي خلى كيكتك تخرب وكمان خليها وقت أطول من وقتها بالعادة ,,
سبحان الله و بحمده سبحان الله العظيم
شكرا لكل اخت ردت على موضوعي وشكرا لكي اختي تهونة 55 على شرحك انا باحاول واذا ما عرفت انزل صور برد اسالك ولك جزيل الشكر
العفو أختي و أنا مستنيه تجربتك
بالتوفيق
ادهني القالب بالزبده ورشيه بالدقيق و****لله يطلع وبالنسبه لنضج الكيك خلي حرارة فرنك متوسطه وشغلي عليها من تحت لين تستوي بعدين بس حمريه من فوق وسوي اختبار نضج الكيك بعود اسنان قبل ماتطفين النار
****لله اكون افدتك بس هذي من عندي و****لله اللي مجربين القالب يفيدونك اكثر
>>>>>سبحان الله وبحمده سبحان الله العظيم<<<<<


الساعة الآن 06:22 .