Analysis Services
بحطلكم الحين بسكوت الاريو اللي يدخل في العديد من الحلويات .. وخصوصا الشيز كيك .. طبعا إذا تبينه كقاعدة للشيز كيك تكسرينه كسر صغيرة وتخلطينه وي زبدة شوي وماي وينحط كقاعدة .. أو ممكن للتزيين .. او خلطه مع خلطة الوسط البيضة ....




وهذا قطع الكاكاو (ماركة الصيداوي) طبعا بالكويت معروفة ... وهذي القطع تستخدم لعملها كهرشي مثلا عن طريق الحمام المائي أو ممكن إستخدامها لأي أنواع من الحلويات تحتاج فيها كاكاو وهذي صورتها



http://www.filaq.com/upload/Pictures/CHOCLOTE.jpg


أعتقد جذي ياأخت منال ماشي حالي صح .. يعني قعد أحط الصورة وطريقة إستخدام المنتج ..
17-05-1425 هـ, 11:01 صباحاً
 
وي آسفة الصورة ماطلعت فوق هذي الصورة مرة ثانية ..

17-05-1425 هـ, 11:03 صباحاً
 
هلا رقيقة يا عسل ...اسم على مسمى

الصراحة هالصوصات الجاهزة ..اخاف استعملها .....احب الطازج دائما
ما تعرفين شو مكوناتها والمواد الحافظة فيها

من كم يوم شريت صلصة ثاوزند ايلاند اول مرة اجربها والله يستر
واول ما اسوى السلطة باصورها مع العلبة ان شاء الله

بسكوت الاوريو استخدمتة للتشيز كيك ...وللاكل ...وعصير علمتنى علية ياسمينة روعة جربية
بس انا اكره امريكا ومقاطعة منتاجاتها على قد ما اقدر ......ومن ترك شيئا لله عوضة خير منة

اشكرك جدا على الشوكولاتة .....بادور عليها واستعملها ...شكلها منتج عربي

بخصوص الكريمة الحمراء والطحين الكويتي ...للاسف مب موجود عندنا في الدولة
شو رايج رقيقة .....تسويلنا واسطة ..عندهم ......عشان يطرشونه للامارات .....ولك الشكر


عندي سؤال على الطاير .....الصلصة الجاهزة بعد فتحها كم يوم تقعد وتخرب
لان عندي نص علبة استخدمتها في صينية البطاطس وبعدها عندي وخايفة استعملها
تعرفين مس شيف تطبخ بالمواسم )))))))))))))))))))))))
سسسسسسسسسلام :24:
17-05-1425 هـ, 11:20 صباحاً
 
أول شي ألف شكر لج على الاضافات الرائعة ... وعطيني واللي يعافيج العصير اللي تقولين عنه بالأوريو ؟؟

ثاني شي ولا يهمج إذا رحت حق شركة المطاحن بتوسط لكم بس على شرط أبي عمولتي أول بأول ..

والصلصة أي نوع اللي تتكلمين عنها مافهمت أي وحدة قصدج ؟؟؟

وتصدقين يامس شيف هالصوص الجاهز وهالسوالف لللي تشتغل وايد مريحة وسريعة آنا أحاول كثر ماأقدر ماأستخدمها وايد بس بالعزايم وإذا مستعيلة .. وسلامتج
17-05-1425 هـ, 11:47 صباحاً
 
نسيت أقولج إن الشوكولا فعلا منتج كويتي 100% وهذي شركة معروفة بالكويت للحلويات والقرقيعان وهالسوالف ..... وماتفرق عن المنتجات الامريكية بشي .. وفي منها بالحليب .. وفي الشوكولا البيضة بعد ..

والثاوزند آيلاند تهبل ....... آنا أحطها على السلطة .... يعني سلطة عادية كلش وبس حطي هالصلصة وشوفي الطعم تهبل بصراحة .....
17-05-1425 هـ, 11:53 صباحاً
 


الساعة الآن 06:02 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏