كيف حالكن ان شاء الله بخير
هذي اول مشاركه لي بالمنتدى ليه لأنه وربي العظيم لو مااستفدت من هالخلطه كان مانزلتها
انا متابعه هالمنتدى من زمان بس ماسجلت
انا استفدت من هالخلطه وان شاء الله تستفيدن منها وتعجبكن
انا فيني سواد في منطقة الأبط واتفشل منه دوم كل خلطه اسمع بها سويتها بس والله مااستفدت منهن بشي مصاريف ع قلة سنع فقدت الأمل وربي يعني كل شي حطيته عيا يروح السواد
اشارت علي اختي قالت جربي المستشفى دقي عليهم واسأليهم توكلت على الله ودقيت وجاني الفرج من ربي الكريم
دقيت ع دكتورة جلديه وقلت لها قالت السواد اكيد سببه الشيل خطاء قلت مادري قالت تعالي بكرا واشوفه
رحت لها قالت ان شاء الله بيروح وبتدعين لي
قصيت قصة حياتي هع
الموووهيم
قالت بسوي لك تنعيم كرستالي وافقت
سويت تنعيم كرستالي بـ 150 ريال بمستوصف الأهلي بحائل ..
بعدين كتبت لي خلطه ومرهم استخدمهم يومياً انا بديت من رمضان بهالخلطه
هذي صورة الخلطه بـ 85 ريال
وذي صورة المرهم بـ 16 ريال
قالت لي الخلطه تستخدمينها الساعه 12 بالليل لين الساعه خمس الفجر وتغسلين الأبط بماء وشامبو بالليفه المغربيه وتنشفين الأبط وتحطين عليه من المرهم وتنامين لاجاء 12 الظهر تحطين من الخلطه وتخلينه لين المغرب وتغسلينه وتحطين من المرهم تخلينه لين 12 الليل تحطين من الخلطه وهكذا قالت لي استمري عليها اسبوع وراجعيني بعد اسبوع رحت لها قالت فيه تحسن وانا والله من سوت لي تنعيم وانا والله لحظت الفرق
قالت استمري ع الخلطه بس المرهم قالت خلاص ماتستخدمينه وعطتني مرهم ثاني قالت تستخدمينه بدال المرهم الأول بنفس وقت المرهم الأول << عساكم فهمتوا
ذي صورة المرهم الثاني بـ20 ريال
قالت استخدميه والأسبوع الجاي تجيني اشوف وس صار استخدمته اسبوع وبعدين رحت لها
المرهم صغير ويكفي حق اسبوع لمن جيتها قالت لي اشريه هو نفسه اللي عليه صورة اسد
وكتبت لي مبيض ومقشر استخدمه مره باليوم قالت لي تحطينه اليوم الساعه 7 المغرب بكرا تحطينه بنفس التوقيت مشيت ع كلامها
وذي صورة المبيض والمقشر بـ 62 ريال
والحين والله ارتحت
وراح تلاحظون هالشي واذا استخدمتي المبيض تشوفين جلد الأبط الميت يطيح اللي هو السواد وانتي بعد لاتسبحتي فركي عدل والله بترتاحون وبتدعون لي ان شاء الله
من الطمع ركبي بهن سمار صرت احط من المبيض والمقشر عليهن وفتحن مع الشيل بالحلاوه
بكرا ان شاء الله عندي موعد اذا عطوني كريمات جديده بأذن الله بنزلها لكم
اللي بحائل انا سويت عند مستوصف الأهلي عند دكتوره عليا والحين عند دكتور مصطفى اخصائي جلديه
واللي عندها اي سؤال او استفسار انا حاضره ....