السلام عليكم ورحمة الله وبركاته
اليوم جايبه لكم طريقة حلا من اختراعي الصراحه سويته والعائله كلها حبته مره واكلته وتقول رهيب فقررت اني انزله لكم عشان تجربونه وماحلل اي وحده تاخذ الطريقه وتجربه وتاكله وتحبه وتنقله لمنتدى ثاني باسمها لادنيا ولا اخره والله لايوفقها تنقله باسمي انا @ المتفائله @ واليكم المقادير والطريقه
المقادير:
1 كيك امريكانا بالشوكولاته اللي شكله يكون مستطيل
شعيريه باكستانيه
1 ظرف دريم ويب
1 ظرف كريم كراميل
8 ملاعق قشطه
ذرة سكر مطحون
نقط روح الفانيلا
الطريقه:

نفتت الكيك ونخلط معاه 4 ملاعق قشطه ونعجنه مع بعض لين مايكون عندي زي العجينه ونرصه في الصينيه وبعدين ناخذ الدريم ويب والكريم كراميل والسكر و روح الفانيلا و 4 ملاعق قشطه ونخلطها مع بعض مره مره زين ونحطها فوق الطبقه الأولى وبعدين ناخذ الشعيريه ونكسرها مره مره ونحمسها شوي لين يغمق لونها وبعدين نحطها على الطبقه الثانيه بس مو كثير ولا شوي لين تتغطى الطبقه الصفراء تماما يعني ماتشوفين شي اصفر ابد وبعدين تصبين فوقه نستله وتخليه بالثلاجه لمده لاتقل عن 3 ساعات ولو كثر يكون افضل والصراحه كان بودي انزله بس رفض مركز التحميل ليش مادري بس جربوه واذا حبيتوه ادعوا لبنتي بالشفاء الله يخليكم


عاد يالله ابغى ردود سنعه تبرد الكبد

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
تسلمين روعه فكره جلوه
(ياااارب اجعل قبري روضه من رياض الجنه)
تسلمين ياعسل شكله باين حلو
ان شاء الله نجربه
والله يشفيلك بنتك وجميع مرضى المسلمين يارب


انظر إلى العالم بعين الطفل ستخسر كثيرا وتكسب أكثر
للرفع

يعطيك العافية ..وصلت الفكرة والله يعافي بنتك يارب..


الساعة الآن 01:27 .