شوفي قسم اطباق عزيزه الساخنه فيه انواع الارز كل طبخه احسن من الثانيه

انا كنت مثلك في بيت اهلي ما ادخل المطبخ يوم تزوجت انواع الكرف في بيتي و التجارب في الطبخ والضحية كان زوجي وشوي شوي صرت الحمدلله احسن ما اقولك اني طباخة بس اخلص نفسي و اذا عندك كتاب النخبة ابداي بالطبخات السهلة وتفنني فيها بعدين ادخلي في العميق والمعجنات جربي عجينة العشر دقايق مرة سهلة ومريحة و سريعة والله يجزى اللي حطتها بالمنتدى الف خير
والله يوفقك واذا في اي استفسار خواتك في الخدمة

حبيبتي جنو

اهم شي في الرز يكون انتاجه قديم خلي زوجك لراح يتقضى يشوف الانتاج كل ماصار قديم صار ازين

مايتعجن مع الطبخ

اما النوعيه افضل ابو كاس
مدة تنقيعه بالماء من نصف الا ساعه
طريقتي

اكشن حبة بصل مع فص ثوم بزيت لمده دقيقه بعده احط الهيل والقرنفل وحبة الفلفل

بعد كذا الصب ماء على قد الرز اللي منقعته عموماً ابوكاس حطي الماء ارفع من الرز بحدود واحد سم
لانه مايشرب حط عليه حبة ماجي والملح ملعقه صغيره و حبة حبحر بعد مايفوح اكب الرز على المويه

احضر كشنه وترى الطعم كله بالكشنه
اقطع شرايح بصل لما يتحمر بعدين احط عليه ملعقة سكر وشوي هيل مطحون وشوي زنجبيل وشوي ليمون اسود وشوي ابهار وشوي كركم
بعد ماينشف الرز نحط عليه الكشنه
للمعلوميه الرز يبغى له عشر دقايق علشان يشرب ماوه بعد كذا تقصرين على العين مره خليه على قولتهم نمل اقل مده عشر دقايق علشان يكون جاهزبعد تقصير العين عليه


حبيبتي اي استفسار انا جاهزه
وان بغيتي طريقة تصليح الدجاج انا تحت امرك يا احلى جنو

ماقصرتوا تكفون اسعفون
انا اسوي الارز بس مره معجن مره حب مااستوي

اذا قصرت النار وصارت هاديه اغطيه بعد 10 دقايق افتحه بس انا خوفي انه يحترق

انا ابي مقاسات الارز لي ولزوجي يعني كاسين رز كافي وكم المويه
الوافيه المظلومه اشوي ان فيه احد زيي المشكله وشوامي وخواتي يضرب فيهم المثل بالنفس والطبيخ

وانا لا

هي واخواتها علميني طريقه الدجاج

شوفي اول شي اعطيك معلومة عامة الرز اللي حباته صغيرة ايا كان نوعه

مايحتاج لماء كثير وتخفضي النار عليه افضل لأنه مايطول

الرز اللي حباته كبيرة مثل ابو بنت ابوسيوف ابو كاس يحتاج لماء كثير وترفعي النار في البداية

ثم تخفض النار عليه الين ينتهي

فيه طريقة عشان تعرفي الموية كثيرة او قليلة عليه انتي حطي الموية اكثر منه بشوية وبعدين جيبي

ملعقة خشب وضعيها في نص الرز وقفيها يعني اذا مالت بسرعة يعني الماء كثير اذا وقفت او مالت ببطء

فالماء مناسب وفي طريقة لمعرفة كمية الماء وهي انك بعد ماتحطي الرز تنتظري الين يغلي اذا حبات الرز تطلع مع الغيان

فاالماء مناسب واذا الماء يغلي بدون ماتشوفي حبات الرز فاالماء كثير


اما باالنسبة لمقدار الرز اللي يكفيكم جربي كاس ونص واطبخيه واذا زاد عنكم قللي المرة اللي بعدها اذا قليل زودي

او في طريقة قديمة خذي بيدك غرفة لك وغرفة له يعني تملي يدك يد وحدة لكل شخص

اتمنى اني افدتك