السلام عليكم

اخواتي عندي مشكله الازانيا ما نظبط عندي يعني لما اغليها تتكسر او يصير
بيها شقوق ايش الحل


وكم دقيقه او ساعه احطها في النار الله يخليكم ردو علي
وايش احسن انواع الازانيا
لا اله الا انت سبحانك اني كنت من الظالمين
يا من يقدر علي حوائج السائلين يامن يعلم مافي الضمير
يا منفس عن المكروبين يا ارحم الراحمين
صلي علي محمد وال محمد وفرج عنا يا كريم
السلام عليكم

عزيزتي

اضيفي شوي زيت الي الماء وشوي ملح و تركيه اولا يغلي زين وبعدين حطي الازانيا ولا تخلينه كله مره وحده شوي شوي علي حسب الكميه ولا تخلينه مده كبيره قبل ما يستوي شيليه وصفيه وقبل ما تستعملينه صبي عليه شوي ماي بارد من الحنفيه علشان يتفكك عن بعض بسرعه ولو تشقق مو مشكله انتي حاولي تصفينه بترتيب لانك بالنهايه بتحطين عليه بالشاميل اليس كذالك.. وبيختفي وبينضج زين من البخار والسوائل التي بالحشوه التي بين الطبقات.. وسوي الباشميل لين لا تخلينه كثير جامد علشان ما ييبس وعند التقديم والاكل يكون شكله حلو وسهل

ارجوا انك تستفيدي .. واي سوال انا حاضره

مع السلامه
انا كانت الزانيا عندي نفسك تتكسر وتصير ملخبطه على بعض... قمت سويت التالي:
- الزانيا اسلقها تقريبا ثلاث ارباع سلق.. يعني لا تخلينها مرررره لينه.. خليها لينه وبس.. فهمتي علي يمكن مافهمتي!!
المهم ... عشان بعدين لما تسوينها طبقات غطيها بقصدير وخليها بالفرن مدة نص ساعه او اقل... عشان تستوي المكرونه اكثر...
- الحشوه ما اكثرها... اقلل الحشو...عشان ما تصير مره مياهيه...يعني سائله كثير...

****الله فهمتي علي... اذا في شي مافهمتيه لا تترددين تسألين... و****الله البنات عندهم افكار ثانيه...
اختي بيت العز مشكوره عيوني تعبت معاي انا اعمل نفس الطريقه لكن يتكسر معاي لكن احاول
المره الجايه واشوف ****الله يظبط

اختي sugar تسلميلي مشكوره وما قصرتي فهمت علي كلامك قصدك اغليه نصف سوي عشان ماتكون
لينه كثير واقلل من الحشوه ولا انا فهمت غلط

بس ما قلتوا ايش احسن انواع الازانيا لان لما اسال عنها احد يقول النوع الي لونه اخضر احسن واحد يقول النوع
الي لونه عادي احسن وماني فاهمه
واسمحولي تعبتكم معاي
السلام عليكم

ان شاء الله يضبط معك.. بالنسبه للانواع .. هو الافضل الابيض علي البيض ما يحتاج طبخ كثير اما الاخضر بالسبانح الصراحه ما جربته.. وانا اخذ الي بالعلبه الكارتون ومن جهه وحده يكون الكارتون شفاف .. ومرسوم عليه سنابل القمح وبيض

واتمنى لك التوفيق


الساعة الآن 01:17 .