السلام عليكم ورحمة الله وبركاته

أكيد كلكم سمعتو عن قهوة الشعير وفوائدها وانها احسن من قهوة البن فياليت الي تعرفها وتسويها تكتب طريقتها لنا

ومن وين تاخذ الشعير الزين وأيش هي أبهارها كثرة عليكم بس أنا قلت محد بيجيبها لي غير حبيباتي بنات حواء


ومشكورات مقدمآ
22-10-1430 هـ, 05:26 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
انا شفت امي تسويها زي القهوة العادية وما احد يقدر يفرق بينها وبين قهوة البن امي تحط عليها هيل وزعفران وشوية حليب وتغليها على انار مع الموية وبعدين تحطها في الدلة مع ملعقة هيل مطحون .
22-10-1430 هـ, 07:15 مساءً
 
اهلين اختي
انا اقول لك عليها الحمد لله لنا اكثر من عشر سنين نتقهواها
1- الشعير افضل يكون شعير بلدي ماهو بمستورد
2- احمسيه بالفرن او بالمحمصة حقت القهوة لين مايطلع لونه بني فاتح وانتبهي لايحرق
3-اطحنيه ناعم مررررة وحطيه بعلبه
4- جيبي الملقمة - يعني الدلة اللي تتسوى بها القهوة- وحطي الى نصفها موية وفنجال ونصف شعير بعد مايغلي الماء طبعا ثم اقصري النار جدا جدا لانها كثيرة الطيشان - للحين ماعقلت-وحطي بعد تحت غطاء الدلة ملعقة حتى تنفس لها لانها ماتتحمل الكتم مرةوخليها ربع ساعة عد القصر ثم سكريها واذا ركدت زليها بزمزمية فوقه مصفاة

وياهنا وياعافية

بعض الناس يحطو فها هيل وهذولا غالبا اللي بغون القهوة لكن مضطرين يشربون شعير

والشعير ياله من فوائد منها يخفض الضغط ويخفف من الوليسترول والباقي كثير

وسلامي
22-10-1430 هـ, 07:31 مساءً
 
الشعير ياقلبي تلقينه عند المطاحن اطلبي شعير القصيم والباقي زي ماقالوا لك الاخوات الله يجزاهم خير
22-10-1430 هـ, 09:05 مساءً
 
ييييييممم شوقتونى انى اجربها وكمان رسولنا الحبيب كانت هى مشروبة المفضل
22-10-1430 هـ, 11:24 مساءً
 


الساعة الآن 08:26 .