تيمة البنت فتو ما انتبهتي!!

والله انك صادقة زي الملوينة ..

اتذكرت الشخصية ..الله ياخده اسمه تاز.

قصة طريقة وجميلة خصوصا اللهجة ماشاء الله متقنتها ..
أتابعك أختي حمرة الورد..
:26:

من يوم ماوصل حسن حطيت الغدا زي المفجوعة ..ولميت البزورة وقعدنا

على السفرة ..

حسن استغرب وقال :

_ في شي ؟

_ منتو جيعانين ..هيا الغدا.

ابغى اكروت الموضوع بسرعة قبل لاتعصب خالتي وتفتح الموضوع ويرتفع

عليها الضغط.. حسبي الله ونعم الوكيل..هدا ربي جازاني عشان اسأت الظن

في هوازن ..جاتني حنان بالحكاية دي.

اكلنا بسرعة واخدت البنات على الحمام عشان نطلع بعد ما اخلص المطبخ
الا خالتي نادتني ..ياربي ايش تبغى ..والله بدي ابكي.

_ ربيعة تعالي يابنتي..

_ نعم ياخالتي.؟

_ سمعتي ايش قالت مَنة.؟ يبغو يسمو علي .. ايش رأيك؟

_ على راحتهم يسمو علي والا محمد هو ولدهم.

حسن بحلق فينا .. _ علي في عينهم .. مو انا مسمي علي دحين يسيرو

الولدين بنفس الاسم ايش الهبل دا.

قعدت اغمز له واشر له بس مافي فايدة لازم يفتح علينا فاتحة ..ياربي ليش

دا الرجال كدا مخو تخين بعض الاحيان!!

ما ادري كيف لفيت الموضوع وقلنا انو اهم شي سلامة الام والبزرة وحسن

فهم بعد ماطلع روحي انه في مشكلة ورا الموضوع قال الله يرزقهم ولد سليم

ويرزقهم الذرية الطيبة.. وطلعنا ننام .

من يوم ماصكينا الباب سألني حسن _ ايش في؟

_ انا ادري الحرمة جات وقالت انها حامل في ولد وتبغى تسمي علي ..

وانو طلال قال لازم يكون الولد الكبير اسمو علي مايصلح الصغير.

_ طيب ليش الغلاسة والتفتيش في الماضي ديحن مايكفي اليي سار ايام جا احمد.

_ ايش عرفني ..الله يهدي ماخلق.. الله يخيلك خليني انام لحسن راسي قد كدا.

فيض المحبة ماشاء الله انت معانا على الخط ..

ننتظرك.

يا سلام عليكي يا بت حمورة كلامك مرستك :23::21:


زمان على الغربية وكلامها.. رجعتيني للحظات الحلوة وسط أهلي..


بنات.. ما تتزكروا مشقاص :41: