ياااليت يابنات الكويت اللي تعرف منكم طريقه الحلى اللي اسمه "كوكونت"اللي تسويه ام بدر ولها محل بمجمع الاوقاااف اسمه الدكااان وهو عباااره عن حلاوه بحجم "الكب كيك الصغييير"وتكون من فوووق شكولاته وجوز هند واعتقد حتى بالطبقه اللي تحت فيه
جوووز هند وهو لذييييذ جدددا
طبعا انا صديقتي جااابته لي هديه من الكويت
وعرفت منها ان اللي تسوي الحلا وحده اسمها "ام بدر"
لو وحده تعرف طريقته او تقدر تسئل ام بدر وترد لي لهااا دعوه مني

انا عااارفه انكم مابتقصرون معااي
انتظركم

هلااااااا حبيبتي الين انا اعرف وحده تبيع اللي تقولين عنه بس مو محل لا اتصل عليها وتجيبلي الطلب للبيت والصينيه بدينارين ونص واذا تبين رقمها بعطيج اياه اما الطريقه انا شفتها بكتاب وسويتها وطلعت نفس الشي حتى اهلي ما صدقوا على بالهم شريته جاهز
اشواااااق الله يسعدك ويوفقك حبيبتي
وانا توقعت ان بنات الكويت مابيقصرون وانتي كفيتي ووفيتي
ام بدر توصل الطلابااات من بيتها بعد وممكن من المحل يعني مثل ماقلتي ممكن من البيت
ابغى طريقته بالله وبسرررعه جزاك الله خييير
وبشرح لك اكثر عنه عشان تقول هو او لا؟؟
اللي تحت لونها مثل لون البسكوت المطحون بس مااظنه بسكوت بس فيها طعم جوز هند ..صح؟؟وعليها طبقة شكولاته ومرشوشه بجوز هند
هو؟؟؟
انتظر الطريقه بالله وبالتفصييييل
وانا ماراااح انساااك بالدعاااااء
اما بالنسبه لرقم اللي تبيعه عطيني عشان لو جيت للكوييييت اخذ منها

الله يجزاك الف خير

فرحتيييييني بردك يالغاليه:24:
مشكوره الين ياقلبي على كلامك الحلو

الرقم بطرشه لك خاص

طريقة الحلااااا:-

2 وثلث كوب طحين ابيض
ثلث ارباع قالب زبده
كوب سكر
ملعقه صغيره فانيليا
3 بيضات
2 ملعقة شاي بيكنج بودر
ربع ملعقة شاي ملح
ثلثين كوب حليب سائل
كوب جوز الهند للتغطيه
=================
صلصة الكاكاو
2 ملعقة طعام كاكاو بودر مر
كوب سكر ناعم بودر
ثلثين كوب ماء
=================
الطريقه:-
* نخلط الزبده مع السكرفي اناء العجن حتى تصبح هشه ثم تضاف الفانيلا والبيض مع الخلط المستمر
* ينخل الطحين والملح والبيكنج بودر ويضاف بالتدريج مع الحليب على الخليط السابق مع الخلط الجيد
* تصب الخلطه بقالب كيك مستطيل مقاس 28×18 مدهون وتدخل الفرن حتى النضج
* يقلب القالب على رف شبكي ويترك 10 دقليق ثم يرفع وتترك الكيكه حتى تبرد تماما
* تقطع الكعكه بالطول ثم بالعرض مربعات مناسبه
* ينخل الكاكاو مع السكر ونضيف الماء وعلى حمام مائي نخلط المزيج حتى يذوب
* ينثر جوز الهند على ورق مشمع وباستخدام الشوكه تغمر كل قطعة كيك في الصلصه ثم تقلب على جوز الهند من كل النواحي وتوضع بطبق التقديم بجنب بعض وهكذا حتى الانتهاء
* نبشر جالكسي واحد ساده ونرشه على الوجه وتغطى وتترك بالثلاجه حتى وقت التقديم

وبالعافيه حبيبتي
اشواااق الحلا شكله لذيييذ وراااح اسويه

الله يسعدك يااحلى كويتيه
فعلا ماقصرتي الله يجزاك كل خير ويبعد عنك الهمووووم
تسلمييين
ولو عرفتي الحلا اللي اقصده قولي لي
:24:


الساعة الآن 01:59 .