هلا والله ميس شيف.. ترى هالبرياني خلاص أنا معتمدتنه من أقول للشغالة برياني سوت هذا بس أقولج ترى الدياي أحلى تخلينه قطع كبيرة أحلى من الصغيرة والبطاطس بعد ماحطه خلاص.. عشان يطلع أمممممممممم.. عاد وانتي تاكلينه لاتنسين الاجار واخلطيه بشوية روب.. والله شهيتيني ياميس شيف عليه.. واليوم مسوين كشري واذا الله راد باجر بنسويه

على سالفة انج ذكرتي رقيقة وقت الطبخ.. صدق الله يعينها.. وأجرها على الله.. بس لاتخافين بعدين كيف بتسوين بالبيت.. أنا كنت مثلج بشقة وعادي أنظف بس كانت وايد صغيرة فترتيبها سهلللللل.. والطبخ ترى لاثنين غير عن تسوين لعايلة.. وعالسريع بعد.. فلاتخافين من ألحين ولاتصيحيييييييييييييييين

وحلى الشامواء البارحة بس خذت الكيك عشان أسويه بس سويت الطريقة الثانية لبسر برحي بس بعدني ماذقته

26-03-1425 هـ, 11:54 صباحاً
 
اخواتي الفاضلات دورت على البرياني اللي تحكوا عليه ولم اجده ارجوكم اعطوني الرابط الخاص به ولكم مني كل الدعاء والشكر :24:
26-03-1425 هـ, 12:01 مساءً
 
شوفي أختي اذا أنا حاطة الرابط هنه بس أعتقد صعبة انج تدورين لأنه ماشالله وايد صفحات.. المهم هذا هو بس أنا أزيد غرام مسالا وسنوت بالبهارات.. والباقي نفس الشي.. والدجاج ممكن تخلينه كبار وعادي بدون بطاطس.. والخيار طبعا لج..

والطريقة لصاحبة الطبخة بنت الكويت..

برياني الدجاج العجيب

لذيذ جدااااااااااااااااا
المقادير والطريقه:
==========
1-تقطع صدور الدجاج الى مربعات وتنقع بخل وليمون وملح لمدة نص ساعه.
2-بعد ذلك يغسل الدجاج ويوضع في قدر وتضعين عليه ملعقه كبيره زنجبيل مبشور.
3-بعد ماينشف الدجاج تضعين عليه زيت وبصلتين وسط الى ان يتحمر الدجاج والبصل.
4-تكونين مقطعه بطاط مكعبات ويكون مقلي تضعينه فوق الدجاج وتضعين عليه بهارت مشكله صحيحة.
5-تسوين خلطه بالخلاط:
علبة روب-حبة فلفل بارد-واحد فلفل حار-فص ثوم كبير-قطعة زنجبيل طازج-ملح-بهارت مطحونه(هيل-قرنفل-دارسين-كاري-رشة كمون-لومي اسود-فلفل اسود)
6-تخلط هذه الخلطه بالخلاط وتضعين معها بصلتين كبار مقطعين شرائح مقليين بالزيت حتى ان يصبح البصل احمر.ليصبح لون الخلطه بلون البصل.
7-تصبي الخلطه فوق الدجاج الى ان تتجانس مع الدجاج.
8-تسوين رز مشخول.
9-في قدر تحطين نص مقدارالرز بعدين خلطة الدجاج بعدين باقي الرز.
10-تضعي فوق الرز الزعفران وشوية زيت او زبده ةتغطينه بقصدير وتخلينه على نار هادئه لمدة ساعه.
وتقدرين تغيرين بدل الدجاج(( لحم او ربيان )).. بالربيان رهيييييييييييبه

^^بنت الكويت^^
26-03-1425 هـ, 12:11 مساءً
 
باركك الرحمن واسكنك الفردوس الأعلى من الجنان اختي المسافرة ...سأجربه وارد عليك لكن اكيد
بإذن الله سيكون لذيذ مادمت اخذت الوصفة منك يالغالية ...تحياتي للجميع:24: :24: :24:
26-03-1425 هـ, 01:07 مساءً
 
السلام عليكم

المسافرة .......جزاك الله خير ......بالفعل انا اعتمدتها عندي ...بس تاخذ وقت
انا بديت الساعة 11وخلصت 1 ونص ...شو رايج

اظني الريال بيتغدى العصر ))))))))))))))))))))))))

تقولين بالدجاج العادي يطلع ...وكذلك اللحم والربيان
بس كيف استخدم الروب مع الربيان

وبالفعل ذقتة مع الروب رهيب ......احب الروب واااااااايد مثل عشق الاطفال له

قصدك ...احط بطاطا والا لأ ؟

وعلى الشغل الله يعين

جربي حلو الشاموا حلوووووووو وهو باااااااااااارد
سسسلام يا عسل

سؤال على الطاير ...شو الاشياء الاخرى اللى اعتمدتيها ؟وهل عندك رابط البرياني لبنت الكويت دورت علية وما حصلتة .....
26-03-1425 هـ, 03:10 مساءً
 


الساعة الآن 03:04 .