Analysis Services
  • «
  • <
  • 1
  • 2
  • 3
  • >
  • »
اذا ميزانيتكم تسمح جيبوا بوفيه افضل من مطعم

والبوفيه ممكن يكون صغير مو ضروري تكبروه

انتم اختاروا كم نوع مقبلات مع المحاشي والحلى وبس

لأن المطعم بيتكفل بترتيب السفره والطاولات وتجهيزها بشكل افضل

لأن انتي ماراح تقدري ترتبي السفره دامها مو عندك بالبيت

وصعب عليكم نقل الأغراض من البيت للاستراحه وغير كذا النسيان وارد 00

وزوجك بعد بيكون مشغول مع الضيف فما راح يرتب السفررررره بشكل متقن 00

اريح شئ لكم البوفيه الصغير من مطعم وريحوا راسكم من الشيل والحط

----------

اما اذا لازم انتي الي تجهزي

فأقترح عليك مع الذبيحه

جريش

تبوله + سمبوسه الكبير جاهزه اقليها بس + سبرنغ رول الكبير قلي فقط

محشي كوسه + ورق عنب

الحلى ( تشيز كيك + حلى الاوريو + كريمه + حلى الكاسات الصغار )

حلى القهوه ( حلى كيك اليمامه + حلى التشيز بالفرن خاص بالقهوه )
واسهل عليك جيبي من محل حلويات فيه بعض القطع نقيها من عندهم


واهم شئ حركات التقديم وترتيب السفرررره

يعني حلى القهوه جهزي له صياني حلوه وقطعيه بشكل مميز وزينيه من فوق
حطيه باوراق شكلها ولونها مميز
ونفس الصينيه افرشيها بمنديل لونه حلوووو ومعاكس للون اوراق الحلى
يعني اصفر وبنفسجي / او اصفر واخضر

حطي شموع اذا المكان يسمح وآمن واهم شئ خلي قاعدتها آآآآمنه لا تطيح وتجيب العيد

شوفي النت فيه صور تقديم اغراض المغاسل من علك ولبان وصابون وعطر

البخوووور لاتنسونه

المغارف والمناديل والمويه

الشاي قدمي معه السكر والنعناع بتقديم حلو


وربي يسهل امرك ويبيض وجهك ولا تنسي الاستغفار

والأهم النفسيه الحلوه والبشاشه

ورتبه الشخص لاتهمكم بقد ماتكون نيتكم اجتماع واخوه في الله وادخال سرور على قلب مسلم

واكرام ضيف واطعام طعام 00







----------------
25-10-1430 هـ, 07:24 صباحاً
 
ماشاء الله الي قبلي كفت ووفت ..
- كنت أسوي بعزايمي الي قبل أصناف كثيره وكبيرة توصل لـ12 صنف وأكثر ..
- آخر عزيمه سويت أشياء بسيطة ما تاخذ وقت بس أغلب وقتي راح في طريقة التقديم ..
وقال زوجي هذي أفضل عزيمه جهزتيها ..

تفنني - تفنني - تفنني

بالتوفيق
25-10-1430 هـ, 07:30 صباحاً
 
مشكورين حبايبي على الرد بيض الله وجهيكم واعتذر تاخرت عن الموضوع انشغلت مره

عزيزتي دايم مافي اسم الله يسلمك ياقلبي استفدت منك كثير والحلا حفظته عندي الله يسعدك ويوفقك وفعلا فكرة السلال عاجبتني

ومتردده انا نفسي احط سلال وحده مناديل معطره والثانيه علك منوع والثالثه عطور مع البخور العود ومدري تزبط في الاستراحه لانه مو في البيت


منتهى الحلم كلامك عين العقل والله يحفظك يارب وفعلا اهم شي البشاشه وحسن الاستقبال على ما قالو لاقيني ولا تطعميني ههههههه بس والله ذاك اليوم ربشني زوجي الله يهديه بيضي الوجه وها لا تقصرين والله يجزاكم خير ما قصرتو

الله يجزاكم خير يارب والاحلا يالغلا حفظته عندي الله يحلي ايامك

اديم مشكوره ياعمري على النصيحه بس لو تذكرين لي وش سويتي بالتقديم والله يسعدك يارب

وانا قلت بجيب حلا القهوة من برا والمقبلات ورق عنب وكبة
والسمبوسه والجريش بسويها في البيت وبسوي حلا العشا نوعين مع مهلبية في كاسات مع سلطات منوعة و واجهز الفواكه

شو رأيكم اذا ناقص شي افيدوني
27-10-1430 هـ, 01:05 مساءً
 
الله يسر امرك ويعينك ياحي ياقيوم
27-10-1430 هـ, 03:50 مساءً
 
اختي لا تحزن اشكرك ياقلبي على الدعوه الحلوه مثلك
27-10-1430 هـ, 05:47 مساءً
 


الساعة الآن 01:20 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏