بنات ممكن احد يعطيني طريقة عمل الرز بالكمبري

عاد انا فنانه في هذه الاكله ..
وزوجي يمووووت عليهاااااااا سجلي عند

هذه طريقه رز بالجمبري او بالروبيان مثل مانسميه احنا مع الشبت

المقادير :

بصلتين مقطعين شرائح طوليه - فلفل اخضر مقطع حلقات رفيعه - اربع فصوص ثوم مدقوقه - ملعقه وسط فلفل + رشه دارسين + نص ملعقه وسط كركم + نص ملعقه وسط فلفل اسود - تقريبا كوب شبت مفروم - ثلاث كاسات ونص رز بسمتي طويل - حبتين ليمون اسود - ربيان على حسب الكميه الي تبينهاا - ثلاث حبات بطاط مقطعه لمكعبات متوسطه الحجم - ملح - ملعقه اكل كمون - ملعقه اكل كزبره - زعفران او عصفر + عصير ليمونه ...



الطريقه :

اولا تسلقين الربيان بعد تنظيفه بماء وتضعين فيه عود دارسين عشان الزفرة بمجرد مايغلي الماء وتطلع ريحه الزفره تصفين الربيان من الماء وتتركينه على جنب ..

بعدين في القدر الي تطبخين فيه الرز تحمسين البصل ثم تضيفين له البهارات ( الكمون + الكزبره + الفلفل الاسود + رشه دارسين ) تحمسين البصل مع البهارات لين تحسين بريحه البهارات

تاخذين تقريبا كوب ماء وتحطينه على البصل وتضيفين له الربيان وتخلطينه معهم زين عشان يتبل بالبهارات وتروح ريحته وتضيفين له الثوم المدقوق + الليمون الاسود + الكركم + الزعفران عشان يصبغ اللون عدل ..

اتركي المقدار علة نار متوسطه لمده عشر دقايق بعدين زيدي الماء وحطي مكعبات البطاطا والفلفل الاخضر
و اول ماتحسين ان البطاط بدا يستوي شوي حطي الشبت عليه و الرز وخلطيه زين معهم ... لازم تتاكدي من انه الماء كافي عشان يستوي الرز ويطلع معك نثري حباته مومتلاصقه .. يعني يادوب يغطي الرز بمقدار سم واحد وخففي على النار واتركيه عشر دقايق وبعدين افتحي الغطا وتاكدي من حبات الرز ان كانت تحتاج لزياده ماء ..

رشي على سطح الرز زيت وبعدين رشي عليه عصير الليمونه واتركيه شوي على النار ..

ولما تجين تقدمين الرز حمري بصلتين بزيت غزير شوي ورشيه على سطح الرز ...




وبالعاااااافيه ان شاء الله
عاشت الايادي اختي والله امبين الاكلة راح تطلع لذيذة جدا
بالعافيه قلبي والله انها خطيرره وتقدرين بدل الجمبري تحطين قطع سمك هامور مقطع لقطع وسط طبعا مابيحتاج سلق بالاول مو مثل الربيان ...

بس ترا نسيت شي ... وهو ملعقه اكل كبيره هيل ناااعم تضيفين للربيان بعد ماتحطينه للبصل


جربيهاااا و علميني ..

ان جازت لك ادعي لي



واذا في اي سؤال انا بالخدمه


الساعة الآن 02:28 .