السلام عليكم....

كيفكم ياحلوين ابدخل في السلفه طبعا تعرفون الملقط اوالمشبك حق المعمول المهم انا من زمان وانا ادور عليه وماالقاه
بس افرفر عند ابو ريالين وحقين المواعين اللي ماعرفه واللي يقول مافي حتى مخبز الدانوب وحلويات القباني جرير كلهم قالوا نجيبه من سوريا قلت طيب بيعوني ابشتري ياجماعه الخير قالوا لو تموتين مافيه وانقهرت

اللي يشوفني متحمسه عليه يقول هذي فنانه مادرى اني ماقد سويته في حياتي الا مره وطلع كانه حصى تفلقين فيه اللي جنبك ولا من زود السناعه واللقافه وقله الدبره اروح ذاك اليوم واقدمه لعجيز مسيره علينا
وماخلت وجهي دم حطته في فمها وطلعته قالت وع وشذا قديم وراه يابس والمشكله توني مسويته وبازه قمت وماخذه طريقه اسامه السيد
المهم لان شكلي طولت عليكم وتقولون وش دخلنا علشان تحكي قصه حياتها
ولقيته واخيراواموت من الفرح

لقيته ياالحبيبات عند بيت المقدس اللي بالسليمانيه وبخمسه ريال والقى بعد عنده البهارات حقت المعمول وفرش يبيعها مو زي اللي بالعلب طايره ريحتها وبس هاذي القصه ومافيها

ابيكم عاد تدعولي ان ربي يحقق اللي في باللي والله اني تعبانه مره ربكم يعلم وكان ماعليكم كلافه ودي بطريقه للمعمول حلوه ومضمونه ومجربه بعد لان ماودي وجهي يطيح مره ثانيه ويكون اهم شي لين ولا يتشقق اهم شي لين تكفون ماودي اتفشل استناكم بفارغ الصبر لان بازه بالملقط وودي اسويه وياليت يكون موضح بالصور لان بعيد عنكم الفهم ثقيل
01-11-1430 هـ, 05:42 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هههههههههههههههههههههههههههههههههه اما عاد المعمول اليابس اللي افلق به اللي حنبي نكته والله هههههههههههههههه

ماقصرتي ربي يسعدك
01-11-1430 هـ, 05:50 مساءً
 
الله يسعدك يارب
01-11-1430 هـ, 06:21 مساءً
 
مشكورة
01-11-1430 هـ, 06:50 مساءً
 
معمول راعية البل يهببببببببببببببل ماشاء الله


والمنتدى مليان طرق معمول
01-11-1430 هـ, 07:52 مساءً
 


الساعة الآن 05:46 .