صباااحكم \مساائكم ورد
فالبدااية ارحب بالجميع ثانياااا هذا المقلب صار ل81 بنت من كليتي:eek: يعني الموضوع مو منقوووول
انااا تقطعت مصاااااريني من الضحك خخخخخخخخ
السااالفه وماافيها احنا عندنا مادة الثقاافة الاسلاميه والاستاذه اعطت البنات واجب وقالت لهم ارسلوه على ايميلي وكان عن الازهري ومدري وشهوو بعد .. وقالت ايميلي على باب المكتب
البنات اخذو الايميل وارسلو الواجب وطلع ان الايميل غلط وكان لوحده بحرينيه
فااخذتها فرصه تلعب عالبنات وردت على ايميلاتهم ومن الردووود هذااا الرد
السلام عليكم و رحمة الله و بركاته
الطالبات المعنيات : تم انتقاص خمس درجات من مجموع درجاتكن نظرا لافتقار واجباتكن لأساليب الأسس العلميه المتبعه في البحث العلمي و الثقافي
وهذا هو الانذار الأول و الأخير ( شديد اللهجه ) .
ويرجي اخبار ولي امركن بضرورة الحضور الى المبنى الدراسي يوم السبت في اوقات الدوام الدراسي >> يرحم امك بنات بالكلية ولي امر >> استغرب مر المقلب ههههههههه
وذلك لتوجيه بعض الملاحظات حول سيركن الدراسي المتأخر
راجية منكن ان تاخذوا مستقبلكم العلمي بمنتهى الجدية و المثابره .
اعلان : ستقام مسابقة سيعلن عنها فيما بعد حول تقديم بحث علمي و موضوعي حول الثقافة الاسلاميه
مع جائزة كبرى ( سيارة لكزس طراز 2009 ) وفي ذلك فليتنافس المتنافسون .
استاذتكم المتفانيه : فاطِمه
طبعااا البنااااااات كلهم زعلووو واللي جلست تهااوش واللي تعبت نفسياااااا واللي طنشت
وووصلت عند البنااااات ان بعضهم قااموو يبكوووون هههههههههههههه >>مدري شيحسووون فيه
وفيه منهم اللي جااالسه تكلمها عالمسن وتجيب لها اعذااار المهم اترككم مع رد الاخت المتفااانيه
السلام عليكم ورحمة الله و بركاته
كيف حالكم
طبعا يا خواتي في الفتره الاخيره كلكم عانيتوا من اعراض متفرقه ( صداع , مغص , اسهال , رجفه , قلة نوم , اعراض متفرقه ) وبعضكم كان ودها تجلس لوحدها وتبكي و السبب معروف طبعا استدعاء أولياء الأمور وتنقيص الدرجات و ابشركم ان الموضوع طلع مقلب 
.السالفه و ما فيها إنكم يا عزيزاتي حوالي 81 ايميل
في آخر احصائيه جيتوني كذا كلكم مع بعضكم في نفس الوقت استغربت و خرعتوني خفت تكونوا هكر و تهكروا جهازي وبالاخص انو جديد ههههه ما علينا يا عزيزاتي يا خواتي انه ماني معلمتكم ( فاطمة ) تبع الثقافه الاسلاميه انه طالبه حالي حالكم من البحرين 
دوختوني بواجباتكم وايميلاتكم وانه شفتها فرصة مناسبه استغلها واعمل فيكم مقلب قوي السموحه عزيزاتي و تعيشوا و تاخذوا غيرها و الظاهر انو في تشابه بين ايميلي و ايميل معلمتكم فيا ريت الحاضر يعلم الغايب وتتأكدو من ايميل معلمتكم قبل يوم السبت حتى ما تنقص درجاتكم و تنبهوا المعلمه اللي حاطه ايميلي على مكتبها بالخط العريض ( انها وزعت ايميلي و فضحتني خخخخ )عشان تصحح الايميل . سمعنا عن تشابه اسماء و عن تشابه ارقام بس تشابه ايميلات هذي جديده ههههه بس سويتوا لي برنامج و استانست معاكم وناااسه طبعا انتو جيتوني انواع في منكم اللي طنشتني و في منكم اللي كانت خايفه و في منكم اللي كتبت لي انها راح تعيد حل الواجب وفي منكم اللي حسيتها بتذبحني و في منكم اللي زعلت ( اول مرة اشوف طالبه تزعل و تعصب على مدرسه ) وبعضكن احسهن حللوا دمي ههههه ودهن يقتلوني . وفي وحده كسرت خاطري وودي اعتذر منها بالقوة و هي الاخت اللي قالت لي انها مسويه عمليه و انها ما جلست على اللاب توب الا عشان تحل الواجب بصراحه حسستني بتأنيب الضمير ( جائزتها اللكزس هههه
) وفي الشطورات اللي حاولوا معاي انه يعيدوا حل الوجب بس انه ما وافقت 
.سامحوني اني لعبت باعصابكم بس كان مقلب و شربتوه وتعيشوا وتاخذوا غيرها و إن شاء الله يا رب يوفقكن كلكم واشوفكم ناجحات وتشرفت بمعرفتكم و ادعوا لي بالهدايه و التوفيق واستروا على ما واجهتوا ما تخبروا معلمتكم وتجي تضيفني بالمسن وتهزأني وتعطيني محاضره ههههههه . في أمان الله
أختكم الطالبة : فاطِمه
خخخخخخخخخخخخخخخخخخخخ خخخخخخخخخخخ وشراااااااااااااايكم هع هع
ملاحظة اكررها الموضوع مو منقوووول
هالمقلب صار يوم الاربعاء وخميس والجمعه حنت عليهم وردت ههههههههههه
دمتم بووووووووود
يسلموووووووووو