السلام عليكم غالياتي
اتمنى ماتخيبون ظني فيكم وتردون علي بكل صراحة ومصداقية كما عهدتكم اخواتي ,,

في البداية انا خريجة بكالوريس طازة ,,,, ومتزوجة ,,
الحمد لله راتب زوجي يعتبر حلو معيشنا ومكفينا اللهم لك الحمد والشكر ,,,

لكن انا ودي بدخل اضافي وخاص فيني ,,, يعني ودي اذا اشتهيت الشي شريته بدون ادنى تفكير ..
ودي اروح السوق واخذ اللي يعجبني بدون مااقول بعدين هالشهر هذا كذا والشهر الجاي ان شاء الله ,,
باختصار كل الاشياء اللي ابيها كمالية ,,, اضافة الى اني ودي استقل .. واستفيد من وقتي صح ,,


قدمت على الديوان ولا حصلت شي وانتم كلكم عارفين هالشي ,,
ومدارس اهلية ماعندنا بالمحافظة اللي احنا فيها غير وحده ومع كذا ناوية اقدم عليها وانتظر حالي حال غيري ..


فكرت وفكرت وفكرت
وكل مااطلع بفكرة يطلع معاها 1000 عائق ,,,


الفكرة الاولى:
من زمان ببالي استغل موهبتي بالمكياج واصير كوافيره بمشغل واشوف حظي يمشي اسمي او لا ,,,
زوجي ماعنده مانع مبدئيا بس عائقني شيئيين للحين :
1/ ودي احد يقيمني ويقيم شغلي اذا اوكيه او لسه يبغالي شوية تعليم ...
2/ وهذا العائق الاكبر اننا كل خر اسبوع نسافر لمنطقة اهل زوجي نجلس اربعا وخميس وجمعه ,, عندنا بيت هناك
وانتم عارفين ان المناسبات ماتطلع الا بهالايام والعطلة الطويله نفس الشي ,,,


الفكرة الثانية:
فكرت ودورت شي ثاني وتوفقت بوحده عنده كتاب طبخ يعني اصير مندوبة لها بنسبة 20 ريال عالكتاب الواحد
يعني امسك المنطقه اللي انا فيها بس نفس الشي طلع لي عوائق ,,,
1/ توصيل الكتاب للزباين وانا ماعندي امكانية لهاشي .. + ماعندي علاقات ومعارف واجد + استحى ومااعرف اسوق
2/ فكرت بدل مااوصله لبيوتهم اواعدهم مثلا اقولهم بحط الكتاب بالمكان الفلاني وروحوا خوذوه وتتحول الفلوس عالحساب ,, بس ماادري تتوقعون يوافقون ؟؟
3/ استفسار اتمنى تجاوبوني عليه ,, هل نسبة الربح حلوة ومشجعه يعني اوافق او ماتسوى وادور فكرة ثانية؟؟



الفكرة الثالثة:
افتح محفظة تداول واطقطق بالاسهم ,,, مع اني خايفة بقوة من السوق ووضعه المزري ,,, بس قلت الحركة بركه مع اني احس اني خايفة بنسبة 90 %
وش رايكم .؟؟ اجزم والا انا اولى بفليساتي من سوق الفلس ؟؟


وفي النهاية استفسار كبير اد الدني على قولة اخواننا اللبنانيين
###هل تؤيدين ان الوحده تخبيله قرشين لها وللزمن والا تستانس وتبسط عمره ولكل حادثة حديث ؟؟؟؟
### عندك افكار مناسبة ؟؟؟؟ تكفين اطرحيها ..
وشكرا


اتمى من كل وحده تدخل الموضوع ترفعه بــ (( سبحان الله ,, استغفر الله )) وماله الا الاجر ان شاء الله

[center]
سبحآن الله وبحمده ..
اشهد ان الا اله الا الله ..

موفقه ..
كحمآمه مسآفره ..
أتوسد الغيم ,
وأرتشف المطر ..
انتي وين
احلى شي ان تفكرين تشغلين نفسك سوا كوفيره او مندوبه او الاسهم

بس الاسهم ابتعدي عنها يختي مافيه ربح هالايام

الكوفيره جدا حلوه وانا اشوف لو تتوكلين على الله وتجربين وتقولين لصاحبة المشغل عن ظروف سفرك

والمندوبه حلو كلها جلسه بالبيت وتسوقين بس الكلافه في توصيل الكتاب للمحل الفلاني

وربي يوفقك
اهلا يقمر

اسلوبك حلو جداا في الكلام

شوفي انك تحتفظي بقرشين معاكي في الخباثه ههههههههه اه مهم

بس مش من الفلوس نفسها .. بل من المكسب اللي بيطلع منها

لان الفلوس كل مابتروح بتقل قيمتها .. صح ولا لا ؟؟

======

اشتغلي بالتجاره وربنا يوسع رزقك ان شاء الله

هاتي المنتجات المختلفه وسوقيها علي النت

وربنا يبارك في رزقك ويكون حلال باذن الله


الساعة الآن 04:48 .