انا مو قصيميه بس ماحبيت اطلع بدون مساعده
اتمنى افدتك
لا اله الا الله وحده لا شريك له
الحمد لله ولا اله الا الله
يسلمووو عسجد2008

كفيتي وفيتي

الله لايحرمكـ الاجر
فعلا" كفيتي ووفيتي

جزاك الله خير

والله يوفقك دنيا واخره
اختي بقول لك طريقتي في القشد او القشده

جيبي اصبع زبده وذوبيه على النار

حطي عليه دقيق بر وذرة ملح لحد ماتشوفين الزبده تجانست مع الدقيق يعني مايتكتل ولا يصير الدقيق سايل اتمنى فهمتي قصدي

جيبي تمر اي نوع ويفضل ام حمام او سكري مو مهم اللي متوفر عندك وحطيه عليهم لما تحسين الدقيق استوى بس انتبهي مو يتحمص بس يشقر شوي ولازم النار واطيه ومقدار التمر اللي تشوفينه مناسب وحركيه شوي وبعدين صبي عليه فنجال لبن او حليب بتلاحظين الدقيق يمسك على التمره وبكذا يكون استوى

ويقدم مع القهوه

او ممكن تعتبرونه وجبه غداء ويقدم فيها مع اللبن في الشتاء

اتمنى تكون الطريقه سهله وترا هذي الطريقه الاصليه

وبالعافيه على قلوبكم
انا قصيميه في الرياض بس مااعرفها اذا رحت لهلي في الشتاء تسويها الوالده الله يحفظها بس مافكرت اخذ طريقتها احس انها صعبه


الساعة الآن 08:40 .