ابغى محل يشتري ألماس !!

ما عندي خلفيه عن محــلآت الذهب والالماس

بس حبيت ارفع طلبك :)

..][ ..

عندك طيبة ومحلاتها كثير

وشارع الثميري الي بالديرة اسألي عنه الرجال يعرفونه

والله لا يخسرك قولي امين

حبة خال فوشية : :) لبى قليبك بس ( قلب) .. ع فكرة اسمك غير !
ذا وايف : طيب حبيبتي ابغى اسم محل معين .. لأن ماعندي خبرة في ذا الأشياءات .. ورحت طيبة دخلت محل واحد ع السرريع .. تصوري قال بيشتري طقمي بأربعة وأنا شاريته بس قبل تسع شهور ب12 !
حامت كبدي وطلعت !

فإذا تعرفين محل معين كويس بليز اكتبي لي .. وشارع الثميري هذا ينفع أروح له بدون رجال ؟ أقصد يعني تحسينه زحمة رجال وحالة وإلا عادي حريم ^-^ ؟

وميغسي بوكوات

شوفي ياقلبي انا اتعامل مع محل في طيبه مررررره حبوب راعبه اسمه العويد وصاحب المحل اسمه ابو عبد العزيز ترا فيه اثنين كلها له
بس اهم شي اسألي عن ابو عبد العزيز
وطبعا لفي في المحلات الي حوله ولاتعلمينهم بكم سيم هذا اهم شي والله يرزقك البيعه الكويسه

نسيت اقولك انه بعد يعيد تصنيع الطقم اذا بغيتي؟؟؟

الله ييسر لك امرك يارب
اختي ابقول لك شي الالماس غير الذهب
المشكله ان الذهب مايطيح منه كثير بعكس الالماس يطيح بقوه
لكن احسن حل لك مايكفي محل واحد لازم تدخلين كذا محل
وشوفي وش يقولون والاهم من هذا كل مادخلتي محل وقال لك الرجال
بكم قالو لك الي قبلي
قولي له انت اول واحد ادخل عليك لا تعلمينهم بكم ساموه لك

طيبه محلاته كثيره ....لازم تشوفينها اغلابها على الاقل
روحي لمحل العالميه او جوهرة الرياض
يشترون بس الاهم لا تعلمينهم بكم سامووه لانهم
يعلمون بعض ويتفقون على سعر
بس لاتحطين في بالك ان بتبيعينه بنفس سعره
ترى يطيح من سعره كثير

الله ييسر لك امرك يارب