السلام عليكم ورحمة الله وبركاته ....

اولا كيف حالكم بنوتات ان شا الله طيبين ...

انا من اهل جده وحبيت اعمل مشروع صغير في بيتي اللي هو اعمل حلويات من بيتي و طبخات واللي حابب يجي يشتريها مني و حاولت باني وزعت كروت ليا و عملت بعض العينات واخدتها معايا الحمدلله كل من ذاق اشيائي اثنى عليها ولله الحمد بس مشكلتي اني رحت مدارس وهاذي الاشياء ممنوعه في المدراس طبعا فلقيت انه صعبه جدا حكاية التسويق فحابة تساعدوني بافكاركم الحلوة او اللي يرغب انه اعمله حاجه فيتفضل و المنيو تبعي المتواضع هي كالتالي


كيكة الدخن محشوة بالتمر: وهاذي الحمدلله كل من ذاقها اتجنن عليها و سعر الكيكه ب 50 ريال

تشيز كيك: وهاذا اعمله احجام اول شي الحجم الصغير وهو كحجم الكب كيك ويكفي شخص واحد و سعره 5 ريالات

و الحجم اللي بعد كذا يجي تورته مقاس وسط وسعرها 50 ريال

و الحجم الاكبر و يجي سعرها 95 ريال
و طبعا اعمل التشيز كيك بالتوت الاسود او التوت الازرق او الفراوله او الكرز او المشمش

سويس رول: اما بمربى الفرواله او مربى المشمش و سعر الكيكه ب 30 ريال

غريبة تركيه: و سعر الكيلو 60 ريال

ورق عنب و سعر الصحن ب 40 ريال

معمول فاخر و شغل ممتاز الكيلو ب 85 ريال


فايش رايكم بالموضوع ودلوني ايش اسوي لاني جديده في هذا المشروع وامنى تعطوني خبراتكم لانه ما شا الله اكيد تقدرو تفيدوني بكل شي اللي رح ينفعني لاني واثقه انكم اخوات عزيزات واكيد مارح تخذلوني .....


و جزاكن الله كل خير
07-11-1430 هـ, 01:04 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ممكن تعرضى منتجاتك فى المنتدى مع صور لها

وبالتوفيق لك ان شاء الله
07-11-1430 هـ, 01:14 صباحاً
 
جزاكي الله خير بس كيف اعمل كذا الله يخليكي اعطيني الخطوات بالتفصيل اذا مافيها تضييع لوقتك وشكرا قلبي لاني ما اعرف كيف
07-11-1430 هـ, 01:16 صباحاً
 
موووووووووووفقه اختي لكن اسعارك غاليه
07-11-1430 هـ, 01:18 صباحاً
 
ممكن انك تاخذين كورنر بالبازارات النسائيه وتبيعينه وتوزعين كروتك هناك
او اي سوق نسائي والله يوفقك
07-11-1430 هـ, 01:22 صباحاً
 


الساعة الآن 12:55 .