أنا لقيت مرة طريقة عمل الكبة السورية بالصور في هذا القسم
بس أنا ما حفظت الموضوع ممكن أحد يساعدني في وضع الرابط لي أو إلي عندها الطريقة بس ياريت بالصور
وأكون شاكرة لكم مجهوداتكم
وجزاكم الله خير

مشكوووووووووووو وووورين ما أحد يعرف
سر الكبه الناجحه ~


النعومه ثم النعومه ثم النعومه ( الغلاف لازم يكون ناعم مثل العجين )


بالأضافه إلى جودة المواد المستعمله , يعني اللحم يصير زين مهوب تخربطون باللحم , ولازم يكون لحمه هبرهـ ( خاليه من الشحم ) طبعاً مو بجميع أنواع الكبب بس بالكبب المقليه والكبه اللبنيه وكم نوع غيرها ..

لأن الكبه المشويه تحتاج شحم قليلاً ..

المطاعم إللي جربتها ماتتقن الكبه نهائياً , يسترخصون أغلبهم بها ..فالكبه مكلفه شيء طبيعي يسترخصون بها ..




بسم الله نبدأ }



مقادير عجينة الكبه ~



[img]https://s3-eu-west-1.amazonaws.com/edgecast-upload/PE/2009/10/30/12/******4b2b75d01a-1.jpg[/img]



كيلو لحم هبره خالي من الدهن مفروم فرم ناعم

كيلو برغل ناعم ( يفضل أستخدام البرغل الأبيض مو الأسمر )

بصله كبيره

ملح

بهارات مشكله
{ ملعقه كبيره كمون , ملعقه صغيره فلفل أسود ,ملعقه صغيره هيل , ملعقه كبيره قرفه , ربع ملعقه صغيره جوزة الطيب } أو حسب ذوقك .




الطريقه :


ينقع البرغل لمدة ربع ساعه , ثم يوضع بالمصفاه حتى تسهل تصفيته


[img]https://s3-eu-west-1.amazonaws.com/edgecast-upload/PE/2009/10/30/12/******af4dda3882-1.jpg[/img]




نأخذ كمشه من البرغل ونعصرها زين بقبضة اليد , حتى نتأكد أنا تخلصنا من كميه كبيره من الماء .


[img]https://s3-eu-west-1.amazonaws.com/edgecast-upload/PE/2009/10/30/12/******1cac80643c-1.jpg[/img]


طبعاً نحتاج فرامة لحم كهربائيه , أستخدمت أصغر حجم للفرم {عجانتي كينوود }




للأسف فقدت صور كثيرهـ تفصيليه وأتمنى أنكم تفهمون علي ..

المهم نبدأ بتقطيع البصل شرحات ووضعه بالفرامه ( ممكن تخلطين البصل بس بالخلاط ) ..


[img]https://s3-eu-west-1.amazonaws.com/edgecast-upload/PE/2009/10/30/12/******246bcef801-1.jpg[/img]





بعد فرم البصل , نفرم اللحم ( أحرصي تجيبينه من عند الجزار مفروم فرم ناعم وعلميه أنك تبينه فرم كبب ) البعض يرسل البرغل واللحم عند الجزار مره وحدهـ لأن هالعمليه مرهقه بالحيل ,,


خاصه أن اللحم ياحبيباتي بالغالب يكون فيه مثل الخيوط البيضاء هذي تجتمع بالفرم , فتسد الفرامه فتضطرين بين فرمه والثانيه , تنظفين راس الفرامه عشان ينزل لك اللحم ..


بعدها ريحي المكينه , وأخلطي اللحم مع البصل مع أضافة البهارات المذكورهـ والملح ..أعجنيها ..




بعدها مباشره نكمل شغل بالماكينه ونفرم البرغل , فرم البرغل أسهل من فرم اللحم سلس للغايه لأن مافيه أعصاب أو غيره يعيق عملية الفرم ..


[img]https://s3-eu-west-1.amazonaws.com/edgecast-upload/PE/2009/10/30/12/******439f179575-1.jpg[/img]


الآن أخلطي البرغل مع اللحم , لين تحسينهم صاروا عجينه ناعمه , بتقولين ناعم وكفايه , بس أنصحك من جديد تفرمينهم سوا بالماكينه ,, راح تضمنين الفرم والخلط .. وبيكون متعب حبتين ,, بس بتضمنين }


عجينه ناعمه , عجينه ماتتفتت , أو تتفقع بالزيت أو حتى تشرب زيت ..


إللي تضيف بطاطس أو غيرهـ من دقيق وخرابيط , هذا نوع من الألتفاف بالوصفه يفقدها نكهتها الأصليه <=== شكلي عجيز أحب الأصلي .

وبكذا الحمدلله نكون خلصنا العجينه , أتركيها بالثلاجه لمدة ساعتين , بحيث تكون باردهـ وسهلة التشكيل ..


يتبع ،،،
ياااااااااااااا ليت اقدر اساعدكى لو تسوين بحث عنها يمكن تطلع الله يسعدكى
مقادير حشوة الكبه ~


[img]https://s3-eu-west-1.amazonaws.com/edgecast-upload/PE/2009/10/30/12/******86c5712383-1.jpg[/img]


للتنبيه

أنا أحشيها كثير أبيها مربربه و بنت عز , فلي ماتبيها مربربه تصلح نصف هالكميه ..

كيلو لحم مفروم


كميه مساويه للحم بصل مفروم

{ أستخدمت من 8 إلى 9 حبات متوسطه}


أربع ملاعق سمن


كوبين صنوبر حباته صغيرهـ

{ أفضل الصنوبر السوري , الأيراني والباكستاني نسبة السكر إللي به عاليه فيحترق مع التحمير }


بهارات
{ ملعقتين كبار كمون , ملعقه كبيره قرفه ,ملعقه صغيره هيل ,ملعقه صغيره مكومه فلفل أسود }

ملح


ملاحظه }

حبيبات قلبي إللي تحب البهارات تكثرها بالحشوه , ولكن ماتكثرينها بالعجينه , راح تحترق بالزيت وتطلع ريحتها مو ok

والعجينه راح تصير معك سوداء ..




مقادير اللمعه ~


هذا سر صغيرون مايعرفه إلا أهل الشام راعيين الفناتك بس ,,

صلحت كميه بس صغيرهـ لأكلنا اليوم ,, لأن الكبه مثل ماتعرفون أفرزنها عشان رمضان ..


فص صغير مره مره ثوم


ملعقتين كبار دبس رمان { أحب الماركه إللي بالصورهـ }


ملعقه ونصف ماء


ملعقه ونصف زيت عادي أو زيت زيتون

قليل من الملح


بعدين بقولكم وش تزينون به ,, يفرق بطعم الكبه 50 % يعطيها لذاذهـ , خاصه للناس إللي يحبون الــ Action مثلي ,,




طريقة عمل الحشوهـ ~


نذوب السمنه بمقلاه , ونشوح الصنوبر حبتين لين يصير ذهبي , أرفعيه وخليه على جنب ..


[img]https://s3-eu-west-1.amazonaws.com/edgecast-upload/PE/2009/10/30/12/******b1d73dd780-1.jpg[/img]

بنفس المقلاه , نضع البصل حتى يذبل ..




نضيف اللحم , وعلى طول نضيف الفلفل الأسود ( لأزالة رائحة الزفره) ونظل نقلب على نار عاليه حتى تنشف العصارهـ


[img]https://s3-eu-west-1.amazonaws.com/edgecast-upload/PE/2009/10/30/12/******aab56a4a63-1.jpg[/img]


بعد ماتنشف العصاره نكمل إضافة بقية البهارات والملح .



نضيف الصنوبر , ونقلب اللحم ودايركت نطفي النار


[img]https://s3-eu-west-1.amazonaws.com/edgecast-upload/PE/2009/10/30/12/******5389aa5556-1.jpg[/img]


نبدأ نجهز مكوناتنا ,, ومن أهمها الماء البارد والثلج ,, ( عشان نبرد أدينا أثناء تشكيل الكبه وماتلزق العجينه بأدينا ) .


ودائماً إذا واجهتي مشكله بالتشكيل بلي أدينك بالماء البارد وكملي شغلك ..


أنا ماأنزل كل العجينه من الثلاجه , جزء جزء بحيث تحتفظ ببرودتها ولاتتعبني بالتشكيل ..



نكور العجين ( أنا أصلح كور كثيره بحيث يكونون بمقاس واحد ) .

يفترض تكون بحجم البيضه <== يقصدون بيض الدجاج


أنا أصلحه بحجم بيضة الحمامه لوووووووووووووو ول ,,أحبها مرهـ صغيره , صح تشكيلها صعب بس أطعم .



[img]https://s3-eu-west-1.amazonaws.com/edgecast-upload/PE/2009/10/30/12/******18986c2f2b-1.jpg[/img]


حطي هالكوره براحة أدينك , وأفعصي من النص وأبدي تحفرين تحفرين , لين ماتشقين لك طريق لوووووووووووووو ل <== مو تصدقون تخرب الكبه كذا


لابس وأنتِ تحفرين ألزقي بالأطراف عشان تصير نحيفه , شلون أوصفها ذي ؟؟

المهم مسديها تمسيد , ولاتخلينها تلزق بكفك ,, شغلك سريع سريع .


أحشيها بالحشوهـ بواسطة ملعقه صغيره , إذا تبينها بيبي , أما إذا تبينها أمنا الغوله فأحشيها بمغرفه لوووووول


[img]https://s3-eu-west-1.amazonaws.com/edgecast-upload/PE/2009/10/30/12/******ebe0f3e19d-1.jpg[/img]

شوفوا شلون تقفلونها !!! أبيها تصير كتكوته كذا

<=== تتشرط لوووووووووول



فيه ناس يحبونها مروسه أكثر وهي الأصل , وعاد بالشام يتفاخرون مين راسها أكبر من الثاني لووووووووووووول ..

لا بجد بجد يتفاخرون مين شكل راس كبتها أحلى من راس كبة جارتها ( ملكة جمال رؤوس الكبب ) ..

أحياناً ماأخليها مروسه من جهتين بس من جهه وحدهـ , أحسها تصير كيوت ,, <== ذابحها الكيوت .


المهم الشقى كله صلحته قبل رمضان , واليوم طلعتها من الفريزر قبل القلي بــ ساعه بحيث تذوب ,, وطش طااش قليتها ..


[img]https://s3-eu-west-1.amazonaws.com/edgecast-upload/PE/2009/10/30/12/******df307c1f6d-1.jpg[/img]


حرارة النار 180 درجه .




[img]https://s3-eu-west-1.amazonaws.com/edgecast-upload/PE/2009/10/30/12/******511158e5b2-1.jpg[/img]


الساعة الآن 05:14 .