اختى مثل ماقالوا البنات من اسبوع 7 الى 9 10 والله اعلم لا تقلقي وقدامك العافيه ...

اول شي الوحم والالام بجميع انواعها سواء كانت في الصدر او البطن او الظهر مالها علاقة بحالة الجنين هذه تختلف من فترة لفترة ومن وحدة للثانية..
الشي الثاني الام الي حسيتي بيها طبيعية في بداية حملك وانت لسه ماتدري انك حامل وتستمر تقريبا شهر وبطبيعة الحال ترجع تخف وتبداي تحسي بمراحل الحمل فلاتخافي وتقلقي علشان الالام راحت او خفت هذا مره عادي,,والوحم برضو مو لازم تحسي بيه وعلى فكره ناس كثير وانا منهم يبدأ معاهم الوحم متأخر يعني في الثالث والرابع وحملي الثاني الحمدالله مره ماحسيت بوحم يعني يكاد لايذكر وبرضو متأخر..

وبالنسبة لنبض الجنين مايبان الابعد شهر ونص يعني تقريبا في الاسبوع السابع او الثامن مايبان قبل كذا وهذا من خلال تجربتي الشخصيه فبرضو الموضوع عادي ومايحتاج تقلقي وانتي من كلامك فهمت انك روحتي حت قبل الاسبوع السابع وهنا مستحيل حيبان لاي احد لانة لسه سعنتوووووت البيبي :)

ولوكان في شي غلط لاسمح الله كان الدكتور طلب منك تحاليل خاااااصة بهرمون الحمل ماكان قلك عادي وتعاليلي بعد اسبوعين وماكان من اساسه ماشاءالله الجنين كبر وواضح زي ماذكرتي انتي ريحي بالك ولاتوسوسي وادعي ربك يحفظ جنينك ويثبت حملك..

ختاما اسأل الله انه يثبت حملي وحملك ويسهلنا الحمل ويهون علينا الولادة ويرزقنا اطفال معافين بارين وكل الحوامل ويرزق كل محرومة يااااارب..

تحياتي لك وتقبلي مروري:)

الله يتمم لك على خير
ويرزقك الذريه الصالحه آآآآآآآآآآآآآآآآآمين

الله يثبت حملك

صديقتي صار معها كذا وماشاء الله تمم الله عليها وولدت وجابت أحلى بنوته