شكرا للاخوات اللي اتفضلوا بالرد
الله يسعدك يا ام يزيد على دعوتك الحلوة ويخليلك ولدك يزيد ( على اسم ولدي )
طيب اللي قالو اني اباشر قبل الوضع عشان اقطع.. كيف وتوجد معلمة متعاقدة بدالي بتاخذ نصف راتبي ؟

لا فيه تعميم إنك تقدرين تقطعينه .... بس يبيله ركض في الوزارة
بس نصيحة لوجه الله لا تأخذين إجازة ،، على كلامك ولادتك في شهر 4 والدوام يبدأ في 6 / 3...
داومي أول أسبوع وبعدين روحي لمستشفى تعطيك الدكتورة أسبوعين بعدين أسبوعين مرضي .. وتكونين بإذن الله ولدتي ....

لا يا اختي

التعميم يقول ( اذا اخذتي اجازة رعاية مولود )) لايمكن قطعها ابدااا مهما حاولتي حتى لو ولدتي لا تقطع ابدااا
الافضل انك تمشين حالك بتقارير طبية من اي مستشفى , والمديرة مالها دخل بغيابك اهم شئ ان معك تقرير طبي ماتقدر تساوي شئ
انا كذا مشية حالي على التقارير الطبية الين اولد

الله يهون عليك ياأختي تاشهر التاسع حذيه اجازة مرضية من حق كل حامل الراحة مدري متى تتقدم وزارتنا يروحون يشوفون في الامارات وشلون يدلعون الحوامل المعلمات عموما قالتلي وحدة مدرسة انه جاهم تعميم يوصي بإعطاء حوامل الشهر التاسع اجازة بسبب انتشار الانفلونزا وصراحة مدري عن صحته بس المديرات ماراح يطلعونه لان التعااميم اللي في صالح المعلمة غالبا تخبى ومايندرى عنها
المهم ياحبيبتي اذا بدا الترم الثاني وانتي لسا مادخلتي التاسع داومي لك كم يوم او كم اسبوع على حسب قدرتك بعدين دبري لك تقارير طبية في التاسع ترا يعطون في الخاص (الحبيب ) كمثاال تجدد كل اسبوع وخلي اجازة رعاية المولود بعد الشهرين اللي من حقك وحق كل ام انها تتمتع فيها بكامل الراتب وأحيرا الله يهون عليك وعلى كل الحوامل اللهم امين

الله يهون علي وعليك
حبيبتي موضوعك بسيط الفصل الدراسي الثاني في شهر 3 داومي أول اسبوع
واول ما تدخلين الشهر التاسع أي مستشفى راح يعطيك إجازه لمده اسبوع قابله للتمديد
وخلي ربع الراتب لما بعد إجازة الأمومه